ព័ត៌មានអន្ដរជាតិ
លោក ចូ បៃដិន ទាមទារឲ្យយោធាមីយ៉ាន់ម៉ា លះបង់អំណាច
នៅថ្ងៃសុក្រទី៥ខែកុម្ភៈនេះ ប្រធានាធិបតីសហរដ្ឋអាមេរិកលោក ចូ បៃដិន បានអំពាវនាវដល់ឧត្តមសេនីយ៍មីយ៉ាន់ម៉ាឲ្យ “លះបង់អំណាច” ហើយទាមទារឲ្យពួកគេដោះលែងមេដឹកនាំស៊ីវិលដែលត្រូវបានឃុំខ្លួនក្នុងរដ្ឋប្រហារនៅសប្តាហ៍នេះ ខណៈរដ្ឋបាលរបស់លោកនិយាយថា ខ្លួនកំពុងពិចារណាលើទណ្ឌកម្ម។
ទីក្រុងវ៉ាស៊ីនតោនបានដឹកនាំការថ្កោលទោសជាអន្តរជាតិចំពោះរដ្ឋប្រហារកាលពីថ្ងៃចន្ទ ដែលគេមើលឃើញថា មេដឹកនាំប្រជាធិបតេយ្យរួមទាំងលោកស្រី អ៊ុងសាន ស៊ូជី ផងដែរត្រូវបានឃុំខ្លួននិងបញ្ឆេះឲ្យមានការភ័យខ្លាចថា យោធានឹងអូសទាញប្រជាជន៥៤លាននាក់ ឲ្យវិលត្រឡប់ទៅរកការគ្រប់គ្រងដោយយោធារយៈពេលជាច្រើនទសវត្សរ៍វិញ។
នៅក្នុងសុន្ទរកថាគោលនយោបាយការបរទេសដ៏សំខាន់លើកដំបូងក្នុងនាមជាប្រធានាធិបតី លោក Biden បាននិយាយថា “គ្មានអ្វីត្រូវសង្ស័យទេ នៅក្នុងលទ្ធិប្រជាធិបតេយ្យ កងកម្លាំងមិនគួរព្យាយាមបំផ្លាញឆន្ទៈរបស់ប្រជាជនឬការប៉ុនប៉ងលុបបំបាត់លទ្ធផលនៃការបោះឆ្នោតដែលគួរឲ្យទុកចិត្តបានឡើយ”។
លោកបន្តថា “យោធាភូមា គួរតែលះបង់អំណាចដែលពួកគេបានកាន់កាប់, ដោះលែងអ្នកតស៊ូមតិនិងសកម្មជនព្រមទាំងមន្រ្តីដែលពួកគេឃុំខ្លួន, ដកការរឹតត្បិតក្នុងវិស័យទូរគមនាគមន៍ហើយចៀសវាងអំពើហិង្សា”។
លោក Biden បាននិយាយបែបនេះប៉ុន្មានម៉ោង បន្ទាប់ពីទីប្រឹក្សាសន្តិសុខជាតិរបស់គាត់គឺលោក Jake Sullivan បាននិយាយថា សេតវិមានកំពុងពិនិត្យមើលការដាក់ទណ្ឌកម្មដែលមានគោលដៅជាក់លាក់ ទាំងលើបុគ្គលនិងអង្គភាពដែលគ្រប់គ្រងដោយយោធា។
ទោះបីជាយ៉ាងណាក៏ដោយ លោកមិនបានផ្តល់ព័ត៌មានលម្អិតបន្ថែមអំពីទណ្ឌកម្មទាំងនោះទេ៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ បាតុកម្មទាមទារឲ្យដោះលែងលោកស្រី ស៊ូជី ផ្ទុះឡើងក្នុងទីក្រុង តូក្យូ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង