ព័ត៌មានអន្ដរជាតិ
មេដឹកនាំជាន់ខ្ពស់ម្នាក់ទៀតក្នុងបក្សលោកស្រី ស៊ូជី ត្រូវចាប់ខ្លួន អាចជាប់ពន្ធនាគារអស់មួយជីវិត
យោធាមីយ៉ាន់ម៉ាកំពុងតែរឹតបន្តឹងការបង្ក្រាបរបស់ខ្លួនទៅលើអតីតរដ្ឋាភិបាលស៊ីវិល ដោយបានចាប់ខ្លួនមេដឹកនាំជាន់ខ្ពស់ម្នាក់មកពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី។
លោក Win Htein ត្រូវបានគេនាំចេញពីផ្ទះរបស់គាត់ក្នុងទីក្រុង យ៉ាំងហ្គោន នៅព្រឹកថ្ងៃសុក្រនេះ។ គាត់បានប្រាប់ BBC ថា គាត់ត្រូវបានចាប់ខ្លួនក្រោមច្បាប់ បះបោរ។
លោកស្រីស៊ូជីនិងមេដឹកនាំដទៃទៀតត្រូវបានឃុំខ្លួន ចាប់តាំងពីយោធាធ្វើរដ្ឋប្រហារកាលពីថ្ងៃចន្ទ ដោយធ្វើឲ្យប្រទេសអាស៊ីអាគ្នេយ៍មួយនេះធ្លាក់ចូលក្នុងភាពមិនប្រាកដប្រជា។
ទីតាំងរបស់ពួកគេនៅមិនទាន់ដឹងនៅឡើយទេ។
នៅក្នុងការហៅទូរស័ព្ទពេលព្រលឹមជាមួយ BBC មីយ៉ាន់ម៉ា, លោក Win Htein បាននិយាយថា លោកត្រូវបានប៉ូលិសនិងយោធានាំខ្លួនទៅរដ្ឋធានី ណៃពិដោ។
លោកនិយាយថា លោកកំពុងត្រូវបានឃុំខ្លួនក្រោមច្បាប់បះបោរដែលអាចត្រូវបានផ្តន្ទាទោសអតិបរមា ជាប់ពន្ធនាគារអស់មួយជីវិតថ្វីបើលោកមិនបានប្រាប់ពីការចោទប្រកាន់ពិតប្រាកដក៏ដោយ។
លោកនិយាយថា “ពួកគេមិនចូលចិត្តអ្វីដែលខ្ញុំនិយាយនោះទេ។ ពួកគេខ្លាចអ្វីដែលខ្ញុំកំពុងនិយាយ”។
ឥស្សរជនគណបក្ស NLD វ័យ៧៩ឆ្នាំនិងជាអ្នកគាំទ្រដ៏រឹងមាំរបស់លោកស្រីស៊ូជីរូបនេះ បានផ្តល់បទសម្ភាសន៍ជាច្រើនចាប់តាំងពីរដ្ឋប្រហារមក ដោយលោកបានរិះគន់យោធានិងមេដឹកនាំលោក Min Aung Hlaing៕
កាលពីដើមសប្តាហ៍នេះ លោកបានប្រាប់ទស្សនាវដ្តីព័ត៌មានក្នុងស្រុក Frontier ថា កងទ័ពរបស់ប្រទេសមីយ៉ាន់ម៉ា នឹងត្រូវបែកបាក់ដោយសារតែរដ្ឋប្រហារនេះ៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ អ្នកវិភាគទម្លាយមូលហេតុដែលលោកស្រី ស៊ូជី ត្រូវចាប់ឃុំខ្លួនដោយយោធាមីយ៉ាន់ម៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង