ព័ត៌មានអន្ដរជាតិ
វិស័យអចលនទ្រព្យនៅមីយ៉ាន់ម៉ាធ្លាក់ចុះស្ទើរតែ ១០០ ភាគរយ បន្ទាប់ពីរដ្ឋប្រហារ
វិស័យអចលនទ្រព្យរបស់មីយ៉ាន់ម៉ាបានធ្លាក់ចុះ ខណៈភាពចលាចលនយោបាយកំពុងបន្តកើតមាននៅក្នុងប្រទេស ។
អ្នកវិនិយោគនៅក្នុងឧស្សាហកម្មនេះបាននិយាយថា ការទិញ និងលក់អចលនទ្រព្យក្នុងប្រទេសមីយ៉ាន់ម៉ាបានធ្លាក់ចុះជិត ១០០ ភាគរយដោយសារតែការបង្ខំឲ្យផ្ទេរអំណាចដោយយោធារបស់កងកម្លាំង Tatmadaw កាលពីថ្ងៃទី ១ ខែកុម្ភៈ ។
លោក U Nay Min Thu នាយកគ្រប់គ្រងគេហទំព័រ iMyanmarHouse.com បានឲ្យដឹងថា នៅពេលមានចលាចលនយោបាយ ប្រជាជនបានទិញ និងប្រមូលលុយដុល្លារ និងមាស ។ ពួកគេមិនធ្វើការវិនិយោគលើអចលនទ្រព្យនោះទេ ខណៈសហគ្រិនក៏បានបញ្ឈប់អាជីវកម្មរបស់ខ្លួនផងដែរ” ។
លោកបានបន្តថា ទីផ្សារអចលនទ្រព្យកំពុងតែឈានទៅរកលទ្ធផលល្អនៅក្នុងសប្តាហ៍ទី ៣ និងចុងក្រោយនៃខែមករា ដោយកត់ត្រាជាមធ្យមប្រចាំសប្តាហ៍ពី ២ ទៅ ៣ លានដុល្លារ ទាក់ទងនឹងការលក់ និងការទិញ ប៉ុន្តែតួលេខទាំងនេះបានធ្លាក់ចុះ ៩៥ ភាគរយចាប់តាំងពីថ្ងៃទី ១ ខែកុម្ភៈ ។
លោក U Nay Min Thu បាននិយាយថា “ការរំខានក្នុងការភ្ជាប់បណ្តាញអ៊ីនធឺណិតបានធ្វើឲ្យមនុស្សមិនសូវអនឡាញជាញឹកញាប់ ។ យើងបានឃើញថា ចំនួនមនុស្សចូលមើលផេក និងគេហទំព័ររបស់យើងបានធ្លាក់ចុះចំនួន ៥០ ភាគរយ ដោយសារយើងមិនអាចចូលប្រើហ្វេសប៊ុកបានចាប់តាំងពីព្រឹកនេះ” ។
ទន្ទឹមនឹងនេះសហគ្រិនសំណង់បានចង្អុលបង្ហាញថា វិនិយោគិនបរទេសមួយចំនួនក៏បានបញ្ឈប់ប្រតិបត្តិការរបស់ពួកគេផងដែរ ។
លោក U Kyaw Kyaw Soe មកពីសហព័ន្ធសហគ្រិនសំណង់មីយ៉ាន់ម៉ាបាននិយាយថា មិនត្រឹមតែការវិនិយោគបរទេសប៉ុណ្ណោះទេ ប៉ុន្តែតម្រូវការក្នុងស្រុកក៏នឹងធ្លាក់ចុះផងដែរដោយសារតែស្ថានភាពនយោបាយមានការផ្លាស់ប្តូរ ។ វិស័យសំណង់ និងអចលនទ្រព្យនឹងដំណើរការជាធម្មតាលុះត្រាតែស្ថានភាពនយោបាយមានស្ថេរភាព” ៕
ប្រែសម្រួលដោយ ៖ ជីវ័ន្ត
ប្រភព ៖ Myanmar Times
ចុចអាន ៖ មេដឹកនាំជាន់ខ្ពស់ម្នាក់ទៀតក្នុងបក្សលោកស្រី ស៊ូជី ត្រូវចាប់ខ្លួន អាចជាប់ពន្ធនាគារអស់មួយជីវិត
ចុចអាន ៖ ឥណ្ឌូនេស៊ីនិងម៉ាឡេស៊ី ចង់ឲ្យអាស៊ានរៀបចំកិច្ចប្រជុំពិសេសស្តីពីស្ថានភាព មីយ៉ាន់ម៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង