រត់ចេញពីកន្លែងធ្វើចត្តាឡីស័ក បុរសវៀតណាមម្នាក់ត្រូវពិន័យ៨៧៣ដុល្លារ

អាជ្ញាធរនៅខេត្ត Hai Duong ភាគខាងជើងប្រទេសវៀតណាម បានពិន័យបុរសម្នាក់ចំនួន២០លានដុង (៨៧៣ដុល្លារអាមេរិក) ចំពោះបុរសម្នាក់ដែលរត់ចេញពីមណ្ឌលធ្វើចត្តាឡីស័ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tran Ho Dang ប្រធានគណៈកម្មាធិការប្រជាជនក្នុងទីក្រុង Hai Duong នៃខេត្ត Hai Duong បានបញ្ជាក់កាលពីថ្ងៃចន្ទថា លោក Dam Van Hop អាយុ៤៤ឆ្នាំ ត្រូវបានពិន័យស្របតាមបទបញ្ញត្តិស្តីពីការទប់ស្កាត់និងគ្រប់គ្រងជំងឺកូវីដ១៩។

Hop មានទំនាក់ទំនងដោយផ្ទាល់ជាមួយអ្នកជំងឺកូវីដ១៩ ហើយត្រូវបានគេដាក់ឲ្យធ្វើចត្តាឡីស័កនៅសកលវិទ្យាល័យ Hai Duong។

ទោះបីជាយ៉ាងណាក៏ដោយ សមត្ថកិច្ចជំនាញបានរកឃើញកាលពីព្រឹកថ្ងៃទី៥ខែកុម្ភៈថា បុរសម្នាក់នេះបានរត់គេចពីកន្លែងធ្វើចត្តាឡីស័ក។

ក្រោយមក លោក Hop ត្រូវបានគេតាមដាន ហើយបញ្ជូនទៅមណ្ឌលធ្វើចត្តាឡីស័កវិញ។

យោងតាមក្រសួងសុខាភិបាលបានឲ្យដឹងថា គិតត្រឹមព្រឹកថ្ងៃអង្គារ ប្រទេសវៀតណាមមានករណីឆ្លងកូវីដ២,០៥៣ករណី ជាសះស្បើយ១,៤៧២នាក់និងស្លាប់៣៥នាក់៕

ប្រែសម្រួលដោយ៖ Vann Vann

ប្រភព៖ Tuoi Tre

ចុចអាន៖ វ៉ាក់សាំងកូវីដរបស់វៀតណាម បញ្ចប់ការសាកល្បងដំណាក់កាលដំបូងហើយក៏បង្ហាញប្រសិទ្ធភាពប្រឆាំងវីរុសបម្លែងខ្លួនថ្មី