មួយថ្ងៃទៀត ដល់ពេលកំណត់ដោះលែងលោកស្រី អ៊ុងសាន ស៊ូជី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មួយថ្ងៃទៀត ដល់ពេលកំណត់ដោះលែងលោកស្រី អ៊ុងសាន ស៊ូជី

Published

on

ក្រុមអ្នកតវ៉ានៅប្រទេសមីយ៉ាន់ម៉ាកំពុងទាមទារឲ្យលោកស្រី អ៊ុងសាន ស៊ូជី ត្រូវបានដោះលែងមុនការឃុំខ្លួនលោកស្រីនឹងត្រូវផុតកំណត់នៅថ្ងៃចន្ទ ។

ការប្រមូលផ្តុំគ្នាទ្រង់ទ្រាយធំប្រឆាំងនឹងកងទ័ពត្រូវបានធ្វើឡើងនៅក្នុងទីក្រុងយ៉ាំងហ្គោន រដ្ឋធានីណៃពិដោ និងកន្លែងផ្សេងទៀតនៅក្នុងប្រទេសមីយ៉ាន់ម៉ាកាលពីថ្ងៃសៅរ៍សម្រាប់ថ្ងៃទី ៨ ជាប់គ្នា ។

នៅទីក្រុងណៃពិដោព្រះសង្ឃពុទ្ធសាសនាបានចូលរួមធ្វើបាតុកម្មដោយកាន់រូបលោកស្រី អ៊ុងសាន ស៊ូជី និងស្រែកឲ្យមានការដោះលែងមេដឹកនាំ និងប្រធានាធិបតីជាបន្ទាន់ ។

លោកស្រី អ៊ុងសាន ស៊ូជី និងប្រធានាធិបតីលោក Win Myint ត្រូវបានគេជឿថាស្ថិតនៅក្រោមការឃុំឃាំងក្នុងផ្ទះចាប់តាំងពីពួកគេត្រូវបានចាប់ខ្លួនដោយយោធាកាលពីថ្ងៃទី ១ ខែកុម្ភៈ ខណៈតុលាការបានសម្រេចថាពួកគេត្រូវឃុំខ្លួនរហូតដល់ថ្ងៃទី ១៥ ខែកុម្ភៈ ។

មន្រ្តីនៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ដឹកនាំដោយលោកស្រី អ៊ុងសាន ស៊ូជី បាននិយាយជាមួយ NHK តាមទូរស័ព្ទថា ប្រសិនបើលោកស្រីមិនត្រូវបានកោះហៅទៅតុលាការនៅថ្ងៃចន្ទនោះទេ ការចោទប្រកាន់ដែលយោធាអះអាងថាជាមូលដ្ឋានសម្រាប់ការឃុំខ្លួនលោកស្រីនឹងក្លាយជារឿងមិនត្រឹមត្រូវ ។

មន្ត្រីរូបនោះបាននិយាយថា លោកស្រី អ៊ុងសាន ស៊ូជី អាចត្រូវបានដោះលែង ប្រសិនបើយោធាគោរពច្បាប់ ។

នាយឧត្តមសេនីយយោធាគឺលោក Min Aung Hlaing ដែលគ្រប់គ្រងរដ្ឋាភិបាលបន្ទាប់ពីរដ្ឋប្រហារនោះបានសង្កត់ធ្ងន់ថា សកម្មភាពយោធាស្ថិតនៅក្រោមច្បាប់ និងនីតិរដ្ឋ ខណៈបាតុកម្មប្រឆាំងយោធាត្រូវបានគេរំពឹងថានឹងបន្តនៅថ្ងៃអាទិត្យនេះទៀត ៕

ប្រែសម្រួលដោយ ៖ Vann Vann

ប្រភព ៖ NHK

ចុចអាន ៖ កងទ័ពមីយ៉ាន់ម៉ា ដាក់ទោសពលរដ្ឋណាដែលមិនរាយការណ៍អ្នកមកផ្ទះខ្លួនពេលយប់ទៅអាជ្ញាធរ

ចុចអាន ៖ កងទ័ពមីយ៉ាន់ម៉ាព្រមានមិនឲ្យប្រើពាក្យ “រដ្ឋប្រហារ”

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services