លោក Biden អំពាវនាវឲ្យធ្វើកំណែទម្រង់លើការគ្រប់គ្រងកាំភ្លើង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

លោក Biden អំពាវនាវឲ្យធ្វើកំណែទម្រង់លើការគ្រប់គ្រងកាំភ្លើង

Published

on

ប្រធានាធិបតីអាមេរិកលោក Joe Biden នៅក្នុងសេចក្តីថ្លែងការណ៍ប្រារព្ធខួបនៃការបាញ់ប្រហារដ៏សាហាវនៅសាលារៀនទីក្រុង Parkland កាលពីថ្ងៃអាទិត្យបានអំពាវនាវឲ្យសភាអនុម័ត “កំណែទម្រង់ច្បាប់គ្រប់គ្រងកាំភ្លើង” ។

គូសបញ្ជាក់ថា រដ្ឋបាលរបស់លោក Biden នឹងមិនរង់ចាំការបាញ់ប្រហារទ្រង់ទ្រាយធំក្រោយៗទេ ហើយបានអំពាវនាវមានសកម្មភាពជាបន្ទាន់ ។

លោកបាននិយាយថា “យើងនឹងចាត់វិធានការដើម្បីបញ្ចប់ការរីករាលដាលនៃអំពើហិង្សាដោយកាំភ្លើង និងធ្វើឲ្យសាលារៀន និងសហគមន៍របស់យើងមានសុវត្ថិភាព ។ យើងជំពាក់អ្នកដែលយើងបានបាត់បង់ជីវិត និងអ្នកដែលនៅសេសសល់ ។ ឥឡូវនេះពេលវេលាត្រូវធ្វើហើយ” ។

សម្ដីរបស់លោកបានធ្វើឡើងក្រោយរយៈពេល ៣ ឆ្នាំចាប់តាំងពីអ្វីដែលត្រូវបានចាត់ទុកថាជាការបាញ់ប្រហារដ៏សាហាវបំផុតនៅលើពិភពលោក ។ ការបាញ់ប្រហារនៅទីក្រុង Parkland បានកើតឡើងនៅថ្ងៃទី ១៤ ខែកុម្ភៈ ឆ្នាំ ២០១៨ នៅវិទ្យាល័យ Stoneman Douglas ក្នុងរដ្ឋផ្លរីដា ហើយបណ្ដាលឲ្យសិស្សសាលា និងគ្រូចំនួន ១៧ នាក់បានស្លាប់ ។

លោក Biden បាននិយាយនៅក្នុងសេចក្តីថ្លែងការណ៍នោះថា “សិស្សសាលាទីក្រុង Parkland និងយុវជនជាច្រើនទៀតនៅទូទាំងប្រទេសដែលធ្លាប់មានអំពើហិង្សាដោយកាំភ្លើងកំពុងឆ្ពោះទៅរកប្រវត្តិសាស្ត្ររបស់អាមេរិក ។ វាជាប្រវត្តិសាស្ត្រមួយដែលសរសេរដោយយុវជនក្នុងជំនាន់នីមួយៗដែលបានប្រជែងនឹងជំនឿចិត្តដើម្បីទាមទារនូវការពិតដ៏សាមញ្ញមួយ” ។

នៅពេលនិយាយពីបញ្ហាត្រួតពិនិត្យកាំភ្លើង ប្រធានាធិបតីអាមេរិករូបនេះបានសំដៅទៅលើការកើនឡើងជាប្រវត្តិសាស្រ្តកាលពីឆ្នាំមុននៃអំពើមនុស្សឃាតនៅទូទាំងសហរដ្ឋអាមេរិក និងអំពើហិង្សាដោយកាំភ្លើងបានបំផ្លិចបំផ្លាញយ៉ាងសម្បើមដល់បុគ្គលស្បែកខ្មៅ និងស្បែកត្នោតនៅក្នុងទីក្រុងរបស់យើង ។

នេះមិនមែនជាលើកទីមួយទេដែលលោក Biden បានអំពាវនាវឲ្យធ្វើសកម្មភាពសម្រាប់ការគ្រប់គ្រងកាំភ្លើងរួមដើម្បីទប់ស្កាត់អំពើហិង្សាដោយហេតុថាលោកបានធ្វើសេចក្តីថ្លែងការណ៍ស្រដៀងគ្នានេះក្នុងអំឡុងពេលយុទ្ធនាការប្រធានាធិបតីរបស់លោក ។ ក្នុងនាមជាបេក្ខជនបោះឆ្នោតម្នាក់ គាត់បានតស៊ូមតិសម្រាប់ការត្រួតពិនិត្យសម្រាប់ការលក់កាំភ្លើងទាំងអស់ កម្មវិធីអាជ្ញាប័ណ្ណកាំភ្លើងរដ្ឋ ការទទួលខុសត្រូវស្របច្បាប់របស់ក្រុមហ៊ុនផលិតកាំភ្លើងដែលត្រូវបានប្រើសម្រាប់ឧក្រិដ្ឋកម្ម និងបញ្ចប់ការលក់កាំភ្លើងតាមអ៊ីនធឺណិត ។

បញ្ហាជុំវិញការគ្រប់គ្រងកាំភ្លើងគឺជារឿងមួយដែលធ្ងន់ធ្ងរបំផុតនៅសហរដ្ឋអាមេរិក ។ សិទ្ធិកាន់អាវុធត្រូវបានចាត់ទុកថាត្រឹមត្រូវតាមរដ្ឋធម្មនុញ្ញនៅក្នុងប្រទេស ប៉ុន្តែក្នុងពេលតែមួយមនុស្សជាច្រើនកត់សម្គាល់ពីចំនួននៃការបាញ់ប្រហារដ៏ច្រើន និងការស្លាប់ដោយកាំភ្លើងនៅអាមេរិក ។

ច្បាប់គ្រប់គ្រងកាំភ្លើងនឹងមិនងាយស្រួលសម្រាប់រដ្ឋបាលលោក Biden អនុម័តនោះទេ ព្រោះថាមានអ្នកគាំទ្រការគ្រប់គ្រងកាំភ្លើងនៅអាមេរិក ជាពិសេសសមាគមកាំភ្លើងជាតិ (NRA) ។ ទាក់ទងនឹងការបាញ់សម្លាប់នៅសាលា Stoneman Douglas សមាគម NRA បានស្នើឲ្យមានសន្តិសុខប្រដាប់អាវុធនៅតាមសាលារៀនដើម្បីឲ្យគ្រប់គ្រងអាវុធអាចទប់ទល់នឹងឧប្បត្តិហេតុស្រដៀងគ្នានេះ ។ ការផ្តល់ជូននេះមិនត្រូវបានឆ្លើយតបដោយការសាទរពីមនុស្សគ្រប់គ្នានោះទេ ព្រោះ NRA បានទទួលរងការរិះគន់យ៉ាងខ្លាំង ។

បន្ទាប់ពីការបាញ់ប្រហារនៅទីក្រុង Parkland រដ្ឋផ្លរីដា ច្បាប់ហាមប្រាមការលក់អាវុធដល់ប្រជាជនអាយុក្រោម ២១ ឆ្នាំត្រូវបាន NRA ប្តឹងតវ៉ានៅក្នុងតុលាការសហព័ន្ធដោយអង្គការនេះអះអាងថា ការរឹតត្បិតនេះនឹងរំលោភលើសិទ្ធិរបស់រដ្ឋធម្មនុញ្ញលើយុវជនអាយុ ១៨ ឆ្នាំដល់ ២១ ឆ្នាំ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ត្រាំ ទទួលការលើកលែងទោសជាលើកទី ២ ពីព្រឹទ្ធសភាអាមេរិក

ចុចអាន ៖ ប៊ូតុងក្រហមដ៏អាថ៌កំបាំងលើតុរបស់ ត្រាំ ហាក់ដូចជាត្រូវបានដកចេញពីការិយាល័យពងក្រពើ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ40 mins ago

​Breaking News រដ្ឋបាល​ខេត្ត​ព្រះ​សីហនុ​ ប្រកាសរក​អ្នក​បើក​រថយន្ត​ដឹក​ភ្ញៀវ​ សណ្ឋាគារ​ហ័ង​ហ្គ័នជាយី​ ទៅ​ធ្វើ​តេស្ត​កូវីដ១៩ ក្រោយ​រក​ឃើញ​ស្ត្រីជន​ជាតិចិន​មាន​វិជ្ជមាន​កូវីដ១៩

ព័ត៌មានជាតិ1 hour ago

រាជរដ្ឋាភិបាល​អាណត្តិ​ទី​៦ ​បន្ត​ជំរុញ​សិទ្ធិ​អាទិភាព​សម្រាប់​ស្រី្ត​មាន​ផ្ទៃពោះ​និង​កុមារ​អាយុ​ក្រោម​២​ឆ្នាំ​

កីឡា2 hours ago

គ្រូបង្វឹក​ឃី​ក​បុក​សី​ង​បង្ហាញ​ផែនការ​ត្រួសៗ​អំពី​គោលដៅ​សម្រាប់​ឆ្នាំ​២០២១ ពេល​ចាប់ផ្ដើម​ហ្វឹកហាត់​ផ្លូវការ

ព័ត៌មានជាតិ2 hours ago

ជិត​២០​នាក់​នៅ​កោះកុង ពាក់ព័ន្ធ​ព្រឹត្តិការណ៍​សហគមន៍​២០​កុម្ភៈ រក​មិនឃើញ​វិជ្ជា​មាន​កូ​វីដ​

ព័ត៌មានជាតិ3 hours ago

រក​ឃើញ​៥ទីតាំងនៅ​បុរី​ ប៉េង ហួតបឹងស្នោ ​ប្រឈម​នឹង​ជំងឺ​កូ​វិដ​១៩​

Sokha Hotels

ព័ត៌មានពេញនិយម

Helistar Cambodia - Helicopter Charter Services