ព័ត៌មានអន្ដរជាតិ
យោធាមីយ៉ាន់ម៉ាថា នេះមិនមែនជារដ្ឋប្រហារទេ និងគ្មានជម្រើសអ្វីក្រៅពីរឹបអូសយកអំណាច
អ្នកនាំពាក្យយោធាមីយ៉ាន់ម៉ាបាននិយាយនៅថ្ងៃអង្គារនេះថា កងកម្លាំងប្រដាប់អាវុធរបស់ប្រទេសមីយ៉ាន់ម៉ាគ្មានជម្រើសអ្វីក្រៅពីរឹបអូសយកអំណាចនៅក្នុងប្រទេសនោះឡើយ និងបានអះអាងថា វាមិនមែនជារដ្ឋប្រហារនោះទេ ។
លោកឧត្តមសេនីយ៍ Zaw Min Tun បាននិយាយថា ការចាប់ឃុំខ្លួនមេដឹកនាំរដ្ឋាភិបាលស៊ីវិលលោកស្រី អ៊ុងសាន ស៊ូជី គឺសមហេតុផល ។ ការអះអាងថា ការលួចបន្លំសន្លឹកឆ្នោតនៅក្នុងខែវិច្ឆិកាមិនត្រូវបានដោះស្រាយតាមបញ្ជាយោធានោះទេ ។
លោកបានប្រាប់សន្និសីទកាសែតថា “គោលបំណងរបស់យើងគឺរៀបចំការបោះឆ្នោត និងប្រគល់អំណាចដល់គណបក្សដែលឈ្នះ” ។
អត្ថាធិប្បាយអំពីការតវ៉ាចុងក្រោយនៅក្នុងទីក្រុងយ៉ាំងហ្គោនរបស់ប្រទេសមីយ៉ាន់ម៉ា អ្នកនាំពាក្យរូបនេះបានកត់សម្គាល់ថា ក្រុមអ្នកតវ៉ាបានញុះញង់ឲ្យមានអំពើហិង្សាប្រឆាំងនឹងប៉ូលិសក្នុងអំឡុងពេលប្រមូលផ្តុំគ្នា ។
នៅពេលត្រូវបានគេសួរអំពីការចាប់ឃុំខ្លួនទីប្រឹក្សារដ្ឋលោកស្រី អ៊ុងសាន ស៊ូជី លោកឧត្តមសេនីយ៍ Zaw Min Tun បាននិយាយថា មន្រ្តីនឹងសម្រេចលើបញ្ហានេះដោយអនុលោមតាមរដ្ឋធម្មនុញ្ញ ។
អ្នកនាំពាក្យរូបនេះក៏បានសង្កត់ធ្ងន់ផងដែរថា ប្រទេសនេះទំនងជាប្រកាន់ខ្ជាប់នូវរដ្ឋធម្មនុញ្ញឆ្នាំ ២០០៨ ។ ឯកសារដែលចូលជាធរមានកាលពីជាងមួយទសវត្សរ៍មុន និងត្រូវបានធ្វើវិសោធនកម្មនៅឆ្នាំ ២០១៥ បានបម្រុងទុកប្រហែលមួយភាគបួននៃអាសនៈនៅក្នុងសភាសម្រាប់មន្រ្តីយោធា ។
នៅថ្ងៃទី ១ ខែកុម្ភៈ យោធានៃប្រទេសនេះបានប្រកាសដាក់ប្រទេសក្នុងស្ថានភាពអាសន្នក្នុងរយៈពេលមួយឆ្នាំពេញជាមួយនឹងការផ្ទេរអំណាចទៅអគ្គមេបញ្ជាការលោក Min Aung Hlaing ។
ភាពវឹកវរនយោបាយកើតឡើងបន្ទាប់ពីប៉ុន្មានខែនៃភាពតានតឹងរវាងរដ្ឋាភិបាល និងយោធាជុំវិញលទ្ធផលនៃការបោះឆ្នោតទូទៅកាលពីថ្ងៃទី ៨ ខែវិច្ឆិកាឆ្នាំមុន ។ ខណៈដែលគណៈកម្មាធិការរៀបចំការបោះឆ្នោតរបស់ប្រទេសបានបញ្ជាក់អំពីជ័យជម្នះរបស់គណបក្ស NLD ក្នុងការបោះឆ្នោតនេះ គណបក្សសាមគ្គីភាព និងអភិវឌ្ឍន៍សហភាព (USD) ដែលគាំទ្រដោយយោធាបានជំទាស់នឹងលទ្ធផលដែលនឹងអនុញ្ញាតឲ្យលោកស្រី អ៊ុងសាន ស៊ូជី កាន់តំណែងរយៈពេល ៥ ឆ្នាំ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ UN ព្រមានថា របបយោធាមីយ៉ាន់ម៉ានឹងទទួលរងផលវិបាកធ្ងន់ធ្ងរ
ចុចអាន ៖ មិនលើកលែង! ប៉ូលិសមីយ៉ាន់ម៉ាចាប់ឃុំខ្លួនទាំងសិស្សសាលាក្មេងៗ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត