ធ្លាយព័ត៌មាន រដ្ឋមន្ត្រីក្រសួងសុខាភិបាលអាហ្សង់ទីន ចាក់វ៉ាក់សាំងកូវីដឲ្យតែគ្នាឯង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ធ្លាយព័ត៌មាន រដ្ឋមន្ត្រីក្រសួងសុខាភិបាលអាហ្សង់ទីន ចាក់វ៉ាក់សាំងកូវីដឲ្យតែគ្នាឯង

បានផុស

នៅ

ប្រធានាធិបតីអាហ្សង់ទីនលោក Alberto Fernandez បានស្នើឲ្យរដ្ឋមន្រ្តីក្រសួងសុខាភិបាលលោក Gines Gonzalez García លាលែងពីតំណែង បន្ទាប់ពីមានសេចក្តីរាយការណ៍ថា លោកបានផ្តល់សិទ្ធិពិសេស ក្នុងការទទួលបានវ៉ាក់សាំងការពារជំងឺកូវីដ១៩ ដល់អ្នកសារព័ត៌មានម្នាក់ ដោយមិនចាំបាច់ចុះឈ្មោះតាមអនឡាញ ដូចជនជាតិអាហ្សង់ទីនដទៃទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកកាសែតឈ្មោះ Horacio Verbitsky បានបញ្ជាក់កាលពីថ្ងៃសុក្រថា គាត់បានទទួលវ៉ាក់សាំងរបស់រុស្ស៊ី បន្ទាប់ពីនិយាយទៅកាន់មិត្តភក្តិរបស់គាត់ឈ្មោះ Gonzalez Garcia។

យោងតាមរបាយការណ៍បានឲ្យដឹងថា អ្នកផ្សេងទៀតរួមជាមួយលោក Verbitsky ត្រូវបានគេរាយការណ៍ថា បានទទួលអាទិភាពក្នុងការចាក់វ៉ាក់សាំងនេះ។

ទោះបីជាយ៉ាងណាក៏ដោយ អ្នកជំនួសរដ្ឋមន្រ្តីក្រសួងសុខាភិបាលរូបនេះ មិនទាន់ត្រូវបានបញ្ជាក់ទេ ប៉ុន្តែរបាយការណ៍បានបង្ហាញថា រដ្ឋលេខាធិការក្រសួងសុខាភិបាលជាតិបច្ចុប្បន្ន ឈ្មោះ Carla Vizzotti អាចជាអ្នកជំនួសលោក Gines Gonzalez Garcia។

ប្រទេសអាហ្សង់ទីន បានផ្តល់អាទិភាពចាក់វ៉ាក់សាំង ដល់បុគ្គលិកពេទ្យជួរមុខ ក្នុងការប្រយុទ្ធប្រឆាំងនឹងវីរុសកូរ៉ូណា មុនពេលចាក់វ៉ាក់សាំងដល់ក្រុមដទៃទៀត។

យោងតាមទិន្នន័យពីសាកលវិទ្យាល័យ Johns Hopkins ដែលមានមូលដ្ឋាននៅសហរដ្ឋអាមេរិកបានបង្ហាញថា ប្រទេសដែលមានប្រជាជនជិត៤៥លាននាក់មួយនេះ បានកត់ត្រាការឆ្លងកូវីដជិត២លានករណី និងអ្នកស្លាប់លើស៥០,០០០នាក់៕

ប្រែសម្រួលដោយ៖ Vann Vann

ប្រភព៖ Anadolu

ចុចអាន៖ រូបភាព​ធ្លាយ​ពី​កាមេរ៉ា ​អ្នកជាប់​ចត្តាឡីស័ក រត់ចេញពីសណ្ឋាគារ​មួយ មាន​សន្តិសុខ​ជួយ​សម្រួលទៀត

ចុចអាន៖ មក​ដល់​ម៉ោង​នេះ ក្លិប N8 កោះពេជ្រ អគា​អាផាតមិន​ ០២ កន្លែង​ សង្ស័យត្រូវ​បាន​បិទ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services