ព័ត៌មានអន្ដរជាតិ
វីរុសបំប្លែងខ្លួនថ្មីមួយទៀតដែលរកឃើញនៅអាមេរិក បង្កការព្រួយបារម្ភខ្លាំងជាងមុន
ក្រុមអ្នកវិទ្យាសាស្ត្រ មានក្តីព្រួយបារម្ភកាន់តែខ្លាំងអំពីវីរុសកូរ៉ូណាបំប្លែងខ្លួនថ្មីមួយប្រភេទទៀត ដែលត្រូវបានកំណត់អត្តសញ្ញាណនៅក្នុងរដ្ឋ California សហរដ្ឋអាមេរិក។
ការសិក្សាចំនួនពីរដែលគ្រោងបញ្ចេញនាពេលឆាប់ៗនេះបានបង្ហាញថា វីរុសដែលក្រុមអ្នកជំនាញខាងមេរោគហៅថា B.1.427/B.1.429 មិនត្រឹមតែអាចចម្លងកាន់តែខ្លាំងប៉ុណ្ណោះទេ ប៉ុន្តែវាក៏អាចបង្កឲ្យមានជំងឺធ្ងន់ធ្ងរផងដែរ។
ក្រុមអ្នកវិទ្យាសាស្ត្រនៅសកលវិទ្យាល័យ California, San Francisco (UCSF) បានធ្វើតេស្តសំណាកមេរោគពីការផ្ទុះឡើងនាពេលថ្មីៗនេះនៅទូទាំងរដ្ឋ ហើយបានរកឃើញថា វីរុសបំប្លែងខ្លួនថ្មីកំពុងកើតមានជាទូទៅ។ វាមិនត្រូវបានគេរកឃើញនៅក្នុងសំណាកណាមួយទេ ចាប់ពីខែកញ្ញាមក ប៉ុន្តែនៅចុងខែមករា វាត្រូវបានគេរកឃើញនៅក្នុងពាក់កណ្តាលនៃសំណាកទាំងនោះ។
ការស្រាវជ្រាវនេះ គឺស្ថិតនៅក្នុងដំណាក់កាលដំបូងរបស់ខ្លួន ហើយមិនត្រូវបានបោះពុម្ពផ្សាយឬពិនិត្យមើលឡើងវិញទេ ព្រោះត្រូវការការងារបន្ថែមទៀត។
អ្នកវិទ្យាសាស្ត្រនិយាយថា វីរុសបំប្លែងខ្លួនថ្មីនេះ មានលំនាំនៃកំឡាយខុសពីវីរុសបំប្លែងខ្លួនដែលគេរកឃើញជាលើកដំបូងនៅចក្រភពអង់គ្លេសនិងអាហ្វ្រិកខាងត្បូង។ កំឡាយមួយរបស់វា អាចជះឥទ្ធិពលដល់ប្រូតេអ៊ីននៃកោសិកាវីរុសឆ្លង។
លោកវេជ្ជបណ្ឌិត Charles Chiu នាយករងមន្ទីរពិសោធន៍មីក្រូជីវសាស្ត្រនៅ UCSF និងជាអ្នកដឹកនាំការសិក្សាបាននិយាយថា កំឡាយនេះអាចធ្វើឲ្យវីរុសកាន់តែមានប្រសិទ្ធភាពក្នុងការចូលទៅក្នុងកោសិកា ហើយបង្កើនការឆ្លងរបស់វា។
ក្រុមរបស់លោក Chiu ក៏បានរកឃើញភ័ស្តុតាងមួយចំនួនដែលបង្ហាញថា វាកាន់តែមានគ្រោះថ្នាក់ផងដែរ។ ក្រុមអ្នកវិទ្យាសាស្ត្របាននិយាយថា ពួកគេបានសង្កេតឃើញពីការកើនឡើងនៃភាពធ្ងន់ធ្ងរនៃជំងឺ ដែលជាប់ទាក់ទងជាមួយនឹងវីរុសបំប្លែងខ្លួនថ្មីដែលរួមមានទាំងការកើនឡើងហានិភ័យនៃតម្រូវការអុកស៊ីសែនខ្ពស់ផងដែរ។
វីរុសបំប្លែងខ្លួនប្រភេទថ្មីនេះ អាចបណ្តាលឲ្យមានផលវិបាកនៅសហរដ្ឋអាមេរិក ក្នុងរយៈពេលប៉ុន្មានសប្តាហ៍ខាងមុខថ្វីបើការឆ្លងកំពុងថយចុះនៅទូទាំងប្រទេស ហើយមនុស្សជាច្រើនកំពុងទទួលបានថ្នាំបង្ការក៏ដោយ។
អ្នកជំនាញផ្នែកសុខភាពសាធារណៈបារម្ភថា វីរុសថ្មីនេះមិនខ្លាចវ៉ាក់សាំងនោះទេ ដែលនេះជាមូលហេតុជំរុញឲ្យមានតម្រូវការទ្វេដងលើវិធានការសុវត្ថិភាពដូចជាការពាក់ម៉ាស់ គម្លាតសង្គមនិងចៀសវាងតំបន់ដែលមានមនុស្សច្រើន៕
ប្រែសម្រួលដោយ៖ Vann Vann
ប្រភព៖ CNN
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»