Connect with us

ព័ត៌មានអន្ដរជាតិ

វីរុសបំប្លែងខ្លួនថ្មីដែលរកឃើញនៅអាមេរិក សាហាវជាងប្រភេទដើម ១១ ដង

បានផុស

នៅ

ការសិក្សាមួយបានអះអាងថា ជំងឺកូវីដបំប្លែងខ្លួនប្រភេទថ្មីដែលត្រូវបានកំណត់អត្តសញ្ញាណនៅរដ្ឋ California សហរដ្ឋអាមេរិក គឺមានគ្រោះថ្នាក់ជាងវីរុសអាហ្វ្រិកខាងត្បូង ១១ ដង ។

មេរោគដែលអ្នកជំនាញហៅថា B.1.427/B.1.429 មិនត្រឹមតែអាចចម្លងកាន់តែខ្លាំងប៉ុណ្ណោះទេ ប៉ុន្តែវាក៏អាចបង្កឲ្យមានជំងឺធ្ងន់ធ្ងរផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការសិក្សាថ្មីមួយពីសាកលវិទ្យាល័យ California, San Francisco (UCSF) បានឲ្យដឹងថា ជំងឺកូវីដបំប្លែងខ្លួនប្រភេទថ្មីរកឃើញនៅរដ្ឋ California ត្រូវបានគេគិតថាបង្កគ្រោះថ្នាក់ទ្វេដង និងខ្ពស់ជាងប្រភេទដើមដែលត្រូវបានរកឃើញនៅក្នុងទីក្រុងអ៊ូហានប្រទេសចិនក្នុងឆ្នាំ ២០១៩ ទៅក្នុងអ្នកឆ្លង ។

ក្រុមអ្នកស្រាវជ្រាវនៅទីនោះក៏បានបង្ហាញថា វារាលដាលយ៉ាងឆាប់រហ័សក៏ដូចជាការវិវត្តទៅជាវីរុសថ្មីដទៃទៀត និងអាចបណ្តាលគ្រោះថ្នាក់ធ្ងន់ធ្ងរដល់ទៅ ១១ ដង ។ វាត្រូវបានគេស្គាល់ជាលើកដំបូងនៅក្នុងខែឧសភាឆ្នាំមុន និងបន្តវត្តមានរហូតដល់ពេលនេះ ។

សារព័ត៌មាន Daily Mail បានរាយការណ៍ថា នៅក្នុងការសិក្សានេះដែលត្រូវបានផ្សព្វផ្សាយនៅក្នុងគេហទំព័រ medRxiv.org អ្នកវិទ្យាសាស្ត្របានយកសំណាកនៃវីរុសបំប្លែងខ្លួនថ្មីចំនួន ២,៧៧២ ពីទូទាំងរដ្ឋនៅចន្លោះខែកញ្ញា ២០២០ ដល់ខែមករាឆ្នាំ ២០២១ ហើយវាត្រូវបានរកឃើញថាមានជិតពាក់កណ្ដាលនៃករណីឆ្លងកូវីដនៅទូទាំងប្រទេស ។

អ្នកវិទ្យាសាស្ត្រសាកលវិទ្យាល័យ UCSF បានប្រាប់កាសែត Los Angeles Times ថា វីរុសថ្មីនេះអាចមានចំនួន ៩០ ភាគរយនៃការឆ្លងសរុបនៅរដ្ឋ California នៅចុងខែមីនា ។

លោកវេជ្ជបណ្ឌិត Charles Chiu នាយករងមន្ទីរពិសោធន៍មីក្រូជីវសាស្ត្រនៅ UCSF និងជាអ្នកដឹកនាំការសិក្សាក៏បានប្រាប់កាសែតនេះផងដែរថា វាប្រហែលជាអាចឆ្លងច្រើនជាងប្រភេទដទៃទៀតរហូតដល់ ២៤ ភាគរយ ។

ក្រុមរបស់លោក Chiu ក៏បានរកឃើញភ័ស្តុតាងមួយចំនួនដែលបង្ហាញថា វាកាន់តែមានគ្រោះថ្នាក់ផងដែរ។ ក្រុមអ្នកវិទ្យាសាស្ត្របាននិយាយថា ពួកគេបានសង្កេតឃើញពីការកើនឡើងនៃភាពធ្ងន់ធ្ងរនៃជំងឺ ដែលជាប់ទាក់ទងជាមួយនឹងវីរុសបំប្លែងខ្លួនថ្មីដែលរួមមានទាំងការកើនឡើងហានិភ័យនៃតម្រូវការអុកស៊ីសែនខ្ពស់ផងដែរ ។

វីរុសបំប្លែងខ្លួនប្រភេទថ្មីនេះ អាចបណ្តាលឲ្យមានផលវិបាកនៅសហរដ្ឋអាមេរិក ក្នុងរយៈពេលប៉ុន្មានសប្តាហ៍ខាងមុខថ្វីបើការឆ្លងកំពុងថយចុះនៅទូទាំងប្រទេស ហើយមនុស្សជាច្រើនកំពុងទទួលបានថ្នាំបង្ការក៏ដោយ។

អ្នកជំនាញផ្នែកសុខភាពសាធារណៈបារម្ភថា វីរុសថ្មីនេះមិនខ្លាចវ៉ាក់សាំងនោះទេ ដែលនេះជាមូលហេតុជំរុញឲ្យមានតម្រូវការទ្វេដងលើវិធានការសុវត្ថិភាពដូចជាការពាក់ម៉ាស់ គម្លាតសង្គមនិងចៀសវាងតំបន់ដែលមានមនុស្សច្រើន៕

ប្រែសម្រួលដោយ ៖ ជីវ័ន្ត

ប្រភព ៖ Mirror

ចុចអាន ៖ វ៉ាក់សាំង Pfizer មានប្រសិទ្ធភាព ៩៤ភាគរយមែន ​តែ​មិនសម្រាប់វីរុស​បម្លែង​ខ្លួន

ចុចអាន ៖ ក្រុម Hacker វាយលុកមន្ទីរពិសោធន៍វ៉ាក់សាំងកូវីដសាកលវិទ្យាល័យ Oxford

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ២ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៥ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៦ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៦ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ១ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម