Connect with us

ព័ត៌មានអន្ដរជាតិ

លោក ហ្សេលេនស្គី ថា ចិន គឺជាឧបករណ៍របស់ ពូទីន

បានផុស

នៅ

តាមសេចក្តីរាយការណ៍របស់ CNN កាលពីថ្ងៃអាទិត្យទី២ខែមិថុនា, ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី បានវាយប្រហារផ្នែកការទូតដ៏កម្រដាក់ទីក្រុងប៉េកាំង ពេលលោកថ្លែងក្នុងសន្និសីទកាសែតមួយបន្ទាប់ពីបង្ហាញខ្លួនយ៉ាងភ្ញាក់ផ្អើលនៅឯកិច្ចសន្ទនាសន្តិសុខ Shangri-La ប្រចាំឆ្នាំ នៅប្រទេសសិង្ហបុរី ដោយលោកនិយាយថា ចិន គឺជាឧបករណ៍របស់លោក ពូទីន ហើយកំពុងធ្វើសកម្មភាពជំនួសមុខឲ្យរុស្ស៊ី។

ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ្សេលេនស្គី​ ​អះអាង​ថា ​រុស្ស៊ី​កំពុង​ប្រើ​ឥទ្ធិពល​ចិន​ដាក់​លើ​តំបន់ ហើយក៏​កំពុងប្រើ​ការទូត​ចិនផងដែរនិង​ធ្វើ​អ្វីៗ​គ្រប់យ៉ាង​ដើម្បី​រំខាន​ដល់​ជំនួប​កំពូល​សន្តិភាពដែលគ្រោងរៀបចំឡើងនៅប្រទេសស្វីស។ ចិនបានផ្តល់ជំនួយយោធាដល់រុស្ស៊ី ចំពេលមានអរិភាព។ មានរបស់ខ្លះចូលទីផ្សាររុស្ស៊ី តាមរយៈប្រទេសចិន ជាពិសេសសព្វាវុធរបស់រុស្ស៊ី ដែលផ្តល់មកពីប្រទេសចិន។

ការចោទប្រកាន់របស់លោក ហ្សេលេនស្គី កើតឡើងភ្លាមៗបន្ទាប់ពីរដ្ឋមន្ត្រីការពារជាតិចិន Dong Jun បានបញ្ជាក់ជាថ្មី នូវជំហរអព្យាក្រឹតរបស់ទីក្រុងប៉េកាំងចំពោះជម្លោះរវាងទីក្រុងមូស្គូនិងកៀវ ដោយអះអាងថា ខ្លួនបាននិងកំពុងឈរយ៉ាងរឹងមាំលើផ្នែកសន្តិភាព និងកិច្ចសន្ទនា។

រដ្ឋមន្ត្រីការពារជាតិចិន Dong Jun (រូបថត៖ AFP)

លោក Dong ក៏បាននិយាយក្នុងសន្និសីទ Shangri-La ដែរថា ទីក្រុងប៉េកាំងមិនបានផ្តល់អាវុធដល់ភាគីណាមួយទេ ហើយគ្រប់គ្រងយ៉ាងតឹងរ៉ឹង លើការនាំចេញទំនិញប្រើប្រាស់។

ពាក់ព័ន្ធនឹង “សន្និសីទសន្តិភាព” ដែលឧបត្ថម្ភដោយអ៊ុយក្រែនឯណោះវិញ, ព្រឹត្តិការណ៍នោះគ្រោងប្រព្រឹត្តទៅនៅថ្ងៃទី១៥-១៦ខែមិថុនា ក្នុងរមណីយដ្ឋាន Burgenstock ជិតទីក្រុង Lucerne នៃប្រទេសស្វីស។

(រូបថត៖ AP)

ថ្វីបើប្រទេសជាង១៦០ ត្រូវបានអញ្ជើញឲ្យចូលរួមក៏ដោយ ប៉ុន្តែមិនទាន់មានការបញ្ជាក់ពីតំណាងពិតប្រាកដដែលត្រូវចូលរួមទេ ខណៈប្រទេសជាច្រើនរាយការណ៍ថា ពិចារណាមិនព្រមចូលរួម ឬបញ្ជូនត្រឹមមន្ត្រីតូចតាចទៅប៉ុណ្ណោះ។

ទោះបីជាយ៉ាងណាក៏ដោយ ទីក្រុងមូស្គូ ត្រូវបានដកឈ្មោះចេញ ព្រោះទីក្រុងកៀវចោទថា រុស្ស៊ីនឹងព្យាយាមបំផ្លាញព្រឹត្តិការណ៍នេះ ចំណែកឯទីក្រុងប៉េកាំង ក៏អះអាងនឹងមិនដាក់គណៈប្រតិភូទៅដែរ ដោយលើកហេតុផលថា ភាគីជម្លោះទាំងពីរត្រូវតែមានវត្តមាននៅក្នុងកិច្ចចរចាសន្តិភាពណាមួយ៕

អត្ថបទ៖ សុខ សុវណ្ណ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម