មហាសេដ្ឋីជប៉ុន ប្រកាសជ្រើសរើសមនុស្ស៨នាក់ ជិះយានអវកាស រួមដំណើរទៅភពព្រះចន្ទ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មហាសេដ្ឋីជប៉ុន ប្រកាសជ្រើសរើសមនុស្ស៨នាក់ ជិះយានអវកាស រួមដំណើរទៅភពព្រះចន្ទ

Published

on

កាលពីថ្ងៃអង្គារ មហាសេដ្ឋីជនជាតិជប៉ុនលោក Yusaku Maezawa បានប្រកាសឲ្យសាធារណជន ដាក់ពាក្យសុំជិះយានអវកាស Starship របស់ក្រុមហ៊ុន SpaceX ក្នុងបេសកកម្មឯកជនរបស់គាត់ ធ្វើដំណើរជុំវិញភពព្រះចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះត្រូវបានគេមើលឃើញថា មានភាពទូលំទូលាយខុសកាលពី២ឆ្នាំមុន បន្ទាប់ពីលោកបានប្រកាសថា គាត់នឹងជិះយានជាមួយតែក្រុមសិល្បករប៉ុណ្ណោះ។ ដំណើរនេះ បច្ចុប្ប​ន្នគ្រោងធ្វើឡើងនៅឆ្នាំ២០២៣ ប៉ុន្តែកាលបរិច្ឆេទនោះប្រហែលជាមានការប្រែប្រួល។

លោក Maezawa បាននិយាយនៅក្នុងវីដេអូមួយ ដែលបង្ហោះកាលពីរសៀលថ្ងៃអង្គារថា “ខ្ញុំចង់ឲ្យប្រជាជនមកពីគ្រប់មជ្ឈដ្ឋានចូលរួម។ វានឹងមានពី១០ទៅ១២នាក់ តែខ្ញុំនឹងអញ្ជើញមនុស្សតែ៨នាក់ប៉ុណ្ណោះឲ្យជិះយានអវកាសនេះ”។

នៅក្នុងវីដេអូ YouTube លោក Maezawa បាននិយាយថា ផែនការបានវិវត្តហើយ។ លោកបន្ថែមថា “ប្រហែលជាមនុស្សម្នាក់ៗកំពុងធ្វើអ្វីដែលច្នៃប្រឌិត ហើយអាចហៅថាជាសិល្បករបាន”។

លោកបន្ថែម “ឥឡូវនេះអ្នកណាដែលបំពេញតាមលក្ខខណ្ឌចំនួនពីរបាន នឹងអាចត្រូវបានជ្រើសរើសសម្រាប់ការជិះ។ មួយ អ្នកដែលអាចជួយមនុស្សផ្សេងទៀតនិងសង្គមកាន់តែច្រើនតាមមធ្យោបាយណាមួយ និងពីរ អ្នកដែលមានឆន្ទៈក្នុងការគាំទ្រសមាជិកនាវិកដទៃទៀត ដែលមានសេចក្តីប្រាថ្នាស្រដៀងគ្នា”។

ពេលវេលាកំណត់នៃការដាក់ពាក្យ សម្រាប់ដំណើរនេះ តម្រូវឲ្យមានការចុះឈ្មោះជាមុនក្នុងគេហទំព័ររបស់លោក Maezawa ត្រឹមថ្ងៃទី១៤ខែមីនា ខណៈការពិនិត្យពាក្យសុំលើកដំបូងនឹងធ្វើឡើងនៅថ្ងៃទី២១ខែមីនា។

កាលបរិច្ឆេទសម្រាប់ដំណាក់កាលបន្ទាប់មិនត្រូវបានគេបង្ហាញទេ ប៉ុន្តែការសម្ភាសន៍ចុងក្រោយតាមអនឡាញនិងការពិនិត្យសុខភាព នឹងធ្វើឡើងនៅចុងខែឧសភាឆ្នាំ២០២១នេះ។

លោក Maezawa ដែលជាស្ថាបនិកក្រុមហ៊ុនលក់រាយតាមអនឡាញធំជាងគេបំផុតរបស់ប្រ​ទេសជប៉ុន គឺមានទឹកប្រាក់ប្រហែល២ពាន់លានដុល្លារ។ កាលពីឆ្នាំ២០១៨ លោកជាអ្នកដំ​ណើរដែលបានចុះហត្ថលេខាដំបូងគេរបស់ Starship ក្នុងព្រឹត្តិការណ៍មួយជាមួយនាយកប្រ​តិបត្តិលោក Elon Musk នៅទីស្នាក់ការកណ្តាលរបស់ក្រុមហ៊ុន SpaceX ក្នុងរដ្ឋ California។

ក្នុងព្រឹត្តិការណ៍នោះ លោក Maezawa បានប្រកាសអំពីគម្រោង Dear Moon របស់លោកដែលមានគោលបំណងនាំសិល្បករពី ៦ទៅ៨នាក់មកពីជុំវិញពិភពលោក ដើម្បីចូលរួមជាមួយលោកក្នុងបេសកកម្មហោះហើរទៅភពព្រះចន្ទ រយៈពេល៦ថ្ងៃក្នុងអំឡុងឆ្នាំ២០២៣៕

ប្រែសម្រួលដោយ៖ Vann Vann

ប្រភព៖ The Verge

ចុចអាន៖ អតីតកម្មករសំណង់ ផ្តួល Jack Ma ក្លាយជាអ្នកមានបំផុតរបស់ ចិន

ចុចអាន៖ ទោះកូវីដ តែចិន បង្កើតមហាសេដ្ឋីបានជាង២០០នាក់ កាលពីឆ្នាំមុន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ1 hour ago

បន្ទាន់! សាលារាជធានីភ្នំ​ពេញ ប្រកាស​ស្នើសុំ​ឲ្យ​អ្នក​វិជ្ជមាន​កូវីដ១៩ ១២នាក់ ទាក់ទង​មក​អាជ្ញាធរ​ជា​បន្ទាន់

ព័ត៌មានជាតិ2 hours ago

លោកស្រី ឱ វណ្ណឌីន ថាពលរដ្ឋខ្មែរ និងបរទេសគង់តែទទួលបានវ៉ាក់សាំងគ្រាន់តែមុននិងក្រោយ

ព័ត៌មានជាតិ2 hours ago

រកឃើញ​អាជីវករ​ផ្សារ​ចាស់​១០នាក់​ តេស្ត​វិជ្ជមាន​កូវីដ១៩

ព័ត៌មានជាតិ2 hours ago

ឡូយ​មែន​!​ មាន​អេស៊ីលីដា​ម៉ូ​បា​លអាច​ខ្ចីលុយ​បាន​ភ្លាមៗ​មិនចាំបាច់​ទៅ​ធនាគារ​ឡើយ​

ព័ត៌មានជាតិ3 hours ago

សម្តេច​តេ​ជោ ហ៊ុន សែន កោតសរសើរ​ចំពោះ​តួនាទី​ឈានមុខ​របស់​អង្គការ​សុខភាព​ពិភពលោក ក្នុងការ​ប្រយុទ្ធប្រឆាំង​ជំងឺ​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services