ព័ត៌មានអន្ដរជាតិ
ធ្ងន់ធ្ងរបំផុត! មួយថ្ងៃ ប្រេស៊ីល មានអ្នកស្លាប់ដោយសារកូវីដជិត២ពាន់នាក់ និងឆ្លងជាង៧ម៉ឺនករណី
ក្រសួងសុខាភិបាលបាននិយាយកាលពីថ្ងៃពុធថា ប្រទេសប្រេស៊ីលមានការស្លាប់ថ្មីដោយសារជំងឺកូវីដ១៩ចំនួន១,៩១០នាក់ និងឆ្លង៧១,៧០៤ករណីក្នុងរយៈពេល២៤ម៉ោងចុងក្រោយ។
វាជាថ្ងៃទីពីរជាប់គ្នា ដែលប្រទេសប្រេស៊ីលបានចុះបញ្ជីចំនួនអ្នកស្លាប់ខ្ពស់បំផុត។
វិទ្យាស្ថានសុខភាពសាធារណៈ Fiocruz បានឲ្យដឹងថា “នេះជាលើកទីមួយហើយចាប់តាំងពីជំងឺរាតត្បាតចាប់ផ្តើម ដែលយើងមើលឃើញរឿងអាក្រក់នៅទូទាំងប្រទេស។ ស្ថានភាពឲ្យភ័យខ្លាច”។
ប្រទេសប្រេស៊ីល បានកត់ត្រាការស្លាប់ទាក់ទងនឹងជំងឺកូវីដ១៩ ជាង២៥៧,០០០នាក់ដែលជាចំនួនសរុបខ្ពស់បំផុតលំដាប់ទី២នៅលើពិភពលោក បន្ទាប់ពីសហរដ្ឋអាមេរិក។ ប្រេស៊ីលក៏មានករណីឆ្លងសរុបជាង១០.៦លានករណីផងដែរ។ នេះបើយោងតាមសាកលវិទ្យាល័យ Johns Hopkins ។
ប្រធានាធិបតីប្រេស៊ីលលោក Jair Bolsonaro បានប្រឈមមុខនឹងការរិះគន់និងការតវ៉ាយ៉ាងខ្លាំងជុំវិញការដោះស្រាយរបស់លោក ចំពោះជំងឺរាតត្បាតដោយសារតែមេដឹកនាំស្តាំនិយមរូបនេះ មើលងាយការគំរាមកំហែងនៃវីរុសនិងចាត់វិធានការសុខភាពសាធារណៈធូររលុង។
រដ្ឋាភិបាលក៏កំពុងតស៊ូដើម្បីធានាការទទួលបាន ចែកចាយនិងចាក់វ៉ាក់សាំងកូវីដផងដែរ។
កាលពីថ្ងៃពុធ អភិបាលរដ្ឋ Sao Paulo លោក Joao Doria បានប្រកាសថា ការបិទរដ្ឋរយៈពេល២សប្តាហ៍ នឹងចូលជាធរមាននៅថ្ងៃសៅរ៍ក្នុងកិច្ចខិតខំប្រឹងប្រែង ដើម្បីទប់ស្កាត់ការរីករាលដាលនៃវីរុសនេះ។
លោក Doria និយាយថា “មនុស្សជាង១,០០០នាក់បានស្លាប់ជារៀងរាល់ថ្ងៃនៅប្រេស៊ីល។ វាដូចជាការធ្លាក់យន្ដហោះ៥គ្រឿងក្នុងមួយថ្ងៃ”៕
ប្រែសម្រួលដោយ៖ Vann Vann
ប្រភព៖ Al Jazeera
ចុចអាន៖ ប្រេស៊ីល មានអ្នកស្លាប់ដោយសារកូវីដលើស ២៥ម៉ឺននាក់
ចុចអាន៖ សហរដ្ឋអាមេរិក ក្លាយជាប្រទេសដំបូងគេ មានអ្នកស្លាប់ដោយសារកូវីដលើសកន្លះលាននាក់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត