ព័ត៌មានអន្ដរជាតិ

អាហ្វ្រិកខាងត្បូងកំពុងតាមប្រមាញ់ក្រពើច្រើនក្បាលដែលបានរត់ចេញពីកន្លែងចិញ្ចឹម

បានផុស

៣ years មុន

នៅ

ថ្ងៃសុក្រ ៥ មីនា ២០២១

ដោយ

សត្វក្រពើមួយចំនួនដែលគេមិនដឹងចំនួនពិតប្រាកដកំពុងត្រូវគេតាមប្រមាញ់ បន្ទាប់ពួកវាបានរត់ចេញពីកសិដ្ឋានចិញ្ចឹមមួយកន្លែងនៅខេត្ត Western Cape នៅក្នុងប្រទេសអាហ្វ្រិកខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សត្វក្រពើប្រហែលជា២៧ក្បាលត្រូវបានចាប់យកមកវិញ ប៉ុន្តែមន្ត្រីបានប្រាប់ថា ពួកគេមិនដឹងថាតើចំនួនប៉ុន្មានក្បាលដែលពួកគេត្រូវស្វែងរកទៀត។

សត្វក្រពើទាំងនោះត្រូវបានគេជឿថា បានរត់ចេញតាមរបងដែលបានបាក់មួយនៅកសិដ្ឋានចិញ្ចឹមក្រពើមួយនៅ Bonnievale ហើយពួកគេប្រហលជាចូលទៅទន្លេ Breede River។

អ្នកស្រុកត្រូវបានគេប្រាប់ឲ្យមានការប្រុងប្រយ័ត្ន និងកុំទៅជិតទឹកដែលជាតំបន់បាត់ក្រពើទាំងនោះ។

អ្នកនាំពាក្យផ្នែកបរិស្ថាន CapeNature ប្រចាំតំបន់លោក Petro van Rhyn បាននិយាយថា ៖«ច្បាស់ណាស់ ក្រពើទាំងនោះគ្រោះថ្នាក់។ ពួកគេជាសត្វព្រៃ ទោះជាពួកគេស្ថិតនៅទីឃុំឃាំងក៏ដោយ។ អ្នកស្រុកត្រូវតែប្រុងប្រយ័ត្ន និងស្ថិតនៅឲ្យឆ្ងាយពីទន្លេ រហូតដល់ក្រពើទាំងនោះត្រូវបានចាប់យកមកវិញអស់»។

គេជឿថា សត្វក្រពើទាំងនោះមានប្រវែងប្រហែលជា១.៥ម៉ែត្រដែលបានរត់ចេញពីកសិដ្ឋានកាលពីថ្ងៃពុធ ទី៣ ខែមីនា។

ប៉ូលិសបានចាត់ក្រុមពិសេសមួយដើម្បីតាមប្រមាញ់សត្វក្រពើ និងបានកំពុងប្រនុយនៅក្នុងទ្រុងដាក់តាមមាត់ទន្លេក្នុងគោលបំណងឲ្យពួកវាចូលស៊ី ហើយចាប់យកមកវិញ៕

ប្រែសម្រួល៖ វីរបុត្រ
ប្រភព៖ BBC

Related Topics:អាហ្វ្រិកខាងត្បូង