ព័ត៌មានអន្ដរជាតិ
ចិន បង្កើនការចំណាយដល់ទៅ២១០ពាន់លានដុល្លារលើវិស័យការពារជាតិ ទោះមានបំណុលនិងជំងឺរាតត្បាតកូវីដ១៩
ចិន នឹងបង្កើនការចំណាយលើវិស័យការពារជាតិរបស់ខ្លួនចំនួន ៦,៨ភាគរយនៅឆ្នាំក្រោយ ខណៈប្រទេសនេះធ្វើការដើម្បីពង្រឹងកងកម្លាំងប្រដាប់អាវុធរបស់ខ្លួន ឲ្យកាន់តែខ្លាំង ថ្វីបើមានបំណុលរដ្ឋាភិបាលនិងផលប៉ះពាល់នៃការរីករាលដាល នៃជំងឺរាតត្បាតកូវីដ១៩ក៏ដោយ។
របាយការណ៍ថវិកាជាតិចេញផ្សាយនៅថ្ងៃសុក្រទី៥ខែមីនានេះ បាននិយាយថា ប្រទេសចិននឹងចំណាយថវិកាចំនួន១.៣៥៥ទ្រីលានយ័ន (២១០ពាន់លានដុល្លារ) លើវិស័យការពារជាតិនៅក្នុងឆ្នាំខាងមុខ។
ចំនួននេះ គឺកើនឡើងពី១.៣ទ្រីលានយ័ន បើប្រៀបធៀបទៅនឹងឆ្នាំមុន។
ការចំណាយដ៏លើសលប់ក្នុងរយៈពេលប៉ុន្មានឆ្នាំកន្លងមកនេះ បានធ្វើឲ្យចិនក្លាយជាប្រទេសមានថវិកាការពារជាតិធំបំផុតលំដាប់ទី២នៅលើពិភពលោក ពីក្រោយសហរដ្ឋអាមេរិក។
ជាមួយកម្លាំងទ័ពចំនួន៣លាននាក់ ប្រទេសមានកងទ័ពឈរជើងធំជាងគេបំផុតនៅលើពិភពលោកមួយនេះ បានបន្ថែមនាវាផ្ទុកយន្តហោះ នាវាមុជទឹកដើរដោយថាមពលនុយក្លេអ៊ែរនិងយន្តហោះបំបាំងកាយទៅក្នុងឃ្លាំងអាវុធរបស់ខ្លួន។
រដ្ឋាភិបាលនិយាយថា ការចំណាយភាគច្រើនគឺផ្តោតទៅលើ ការដំឡើងប្រាក់ខែនិងលក្ខខណ្ឌផ្សេងៗសម្រាប់កងទ័ព ខណៈក្រុមអ្នកសង្កេតការណ៍លើកឡើងថា ថវិកានេះមិនរាប់បញ្ចូលការចំណាយភាគច្រើនរបស់ចិន ទៅលើសព្វាវុធដែលភាគច្រើនជាសព្វាវុធអភិវឌ្ឍក្នុងស្រុកនោះទេ។
យោធារបស់ចិនបានបង្កើនសមត្ថភាពកាន់តែខ្លាំង ដើម្បីបន្តការគំរាមកំហែងរបស់ខ្លួនក្នុងការប្រើប្រាស់កម្លាំងដើម្បីនាំយកកោះតៃវ៉ាន់មកគ្រប់គ្រង ថ្វីបើខ្លួនក៏ពង្រឹងឥទ្ធិពលនៅសមុទ្រចិនខាងត្បូង មហាសមុទ្រប៉ាស៊ីហ្វិកខាងលិច មហាសមុទ្រឥណ្ឌានិងកន្លែងផ្សេងទៀតក៏ដោយ។
សហរដ្ឋអាមេរិក ដែលការចំណាយលើវិស័យការពារជាតិរបស់ខ្លួនត្រូវបានគេប៉ាន់ប្រមាណថា នឹងចំណាយដល់ប្រមាណ៩៣៤ពាន់លានដុល្លារ នៅចន្លោះថ្ងៃទី១ខែតុលាឆ្នាំ២០២០ដល់ថ្ងៃទី៣០ខែកញ្ញាឆ្នាំ២០២១ បានត្អូញត្អែរអំពីកង្វះតម្លាភាពនៅក្នុងកម្មវិធីការពារជាតិរបស់ចិន ដែលជាហេតុជំរុញឲ្យមានការរំពឹងទុកថា ទីក្រុងប៉េកាំងមានគោលបំណងផ្តួលអាមេរិកក្លាយជាមហាអំណាចយោធានៅអាស៊ីបូព៌ា៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ កងទ័ពចិននិងឥណ្ឌា ប៉ះទង្គិចគ្នាជាថ្មីនៅព្រំដែន
ចុចអាន៖ កាន់តែក្តៅ! លោក ស៊ី ចេញបញ្ជាឲ្យកងទ័ពចិនត្រៀមខ្លួនធ្វើសង្គ្រាមគ្រប់វិនាទី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង