ព័ត៌មានអន្ដរជាតិ
ការរាប់សន្លឹកឆ្នោតក្នុងរដ្ឋដែលកំណត់ជោគវាសនាលោក Trump និង Biden នឹងបន្តដល់យប់ថ្ងៃព្រហស្បតិ៍ (ម៉ោងនៅកម្ពុជា)
លទ្ធផលឆ្នោតនៅរដ្ឋ Nevada នៅតែមិនទាន់អាចបញ្ជាក់បាននៅយប់ថ្ងៃពុធ (ព្រឹកថ្ងៃព្រហស្បតិ៍នៅកម្ពុជា) ខណៈមានសន្លឹកឆ្នោតទើបតែ៧៥ភាគរយប៉ុណ្ណោះដែលត្រូវរាប់រួច។
បេក្ខជនគណបក្សប្រជាធិបតេយ្យលោក Joe Biden បាននាំមុខយ៉ាងប្រកៀកប្រកិតលើលោកប្រធានាធិបតី Trump ប៉ុន្តែអ្នកបោះឆ្នោតនៅទូទាំងប្រទេសមានការងឿងឆ្ងល់ថា ហេតុអ្វីបានជាវាត្រូវការពេលវេលាយូរយ៉ាងនេះសម្រាប់រដ្ឋនេះក្នុងការរាប់សន្លឹកឆ្នោតរបស់ខ្លួន។
យុទ្ធនាការរបស់អ្នកទាំងពីរកំពុងតាមដានយ៉ាងដិតដល់លើរដ្ឋ Nevada ព្រោះវាគឺជារដ្ឋដែលនឹងសម្រេចជោគវាសនាស្របពេលអ្នកទាំងពីរកំពុងប្រជែងគ្នាឲ្យទទួលបានតំណាងអ្នកបោះឆ្នោត២៧០សំឡេង។
យោងតាម Fox News Decision Desk បានឲ្យដឹងថា លោក Biden ដែលកំពុងមានសំឡេងឆ្នោតចំនួន២៦៤គឺត្រូវការឈ្នះចំនួន៦សំឡេងក្នុងរដ្ឋ Nevada នេះដើម្បីទទួលបានជ័យជម្នះជាប្រធានាធិបតី។
ចំណែកឯលោកប្រធានាធិបតី Trump កំពុងមានសំឡេងឆ្នោតចំនួន២១៤ហើយត្រូវការឈ្នះនៅ Georgia, North Carolina, Pennsylvania, Alaska និង Nevada ដើម្បីទទួលបានសំឡេង២៧០។
រដ្ឋលេខាធិការរដ្ឋ Nevada បានបង្ហាញចម្លើយមួយចំនួននៅយប់ថ្ងៃពុធដើម្បីព្យាយាមបំបាត់ភាពហ្មងសៅរបស់អ្នកបោះឆ្នោតស្របពេលដែលជនជាតិអាមេរិកនៅទូទាំងប្រទេសកំពុងអ៊ុតមើលថាតើលទ្ធផលរបស់រដ្ឋ Nevada នឹងទៅជាយ៉ាងណា។
ការិយាល័យលេខាធិការបានព្យាយាមលើកទឹកចិត្តឲ្យមានភាពអត់ធ្មត់ខណៈសន្លឹកឆ្នោតនៅតែបន្តរាប់ហើយបាននិយាយថា ដំណើរការរាប់សន្លឹកឆ្នោតកំពុងដំណើរការក្នុងល្បឿនដូចការរំពឹងទុកហើយពួកគេនឹងមិនបញ្ចេញលទ្ធផលនៃការបោះឆ្នោតទៀតទេរហូតដល់យប់ថ្ងៃព្រហស្បតិ៍ (យប់ថ្ងៃព្រហ្បតិ៍នៅកម្ពុជា)។
ការិយាល័យបោះឆ្នោតរបស់រដ្ឋនេះក៏បានបញ្ជាក់ផងដែរថា ខ្លួនមិនបានបញ្ឈប់ការរាប់ទេចាប់តាំងពីការចាប់ផ្តើមហើយមានគោលបំណងបន្តការរាប់សន្លឹកឆ្នោតពេញមួយយប់។
ការិយាល័យបាននិយាយនៅក្នុងសេចក្តីថ្លែងការណ៍មួយនៅរាត្រីថ្ងៃពុធថា “ការកំណត់ពេលវេលាសម្រាប់ការរាប់សន្លឹកឆ្នោតនៅរដ្ឋ Nevada គឺចេញពីដំណើរការដែលត្រូវបានអនុម័តដោយច្បាប់ហើយដំណើរការនេះកំណត់ថា សន្លឹកឆ្នោតដែលបានទទួលត្រឹមត្រូវទាំងអស់នឹងត្រូវរាប់រហូតដល់៩ថ្ងៃបន្ទាប់ពីការបោះឆ្នោត៕
ប្រែសម្រួលដោយ៖ Vann Vann
ប្រភព៖ FOX NEWS
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង