ព័ត៌មានអន្ដរជាតិ
ចំនួនអ្នកស្លាប់ដោយសារការចាក់វ៉ាក់សាំងផ្ដាសាយនៅកូរ៉េខាងត្បូងកើនដល់ ៩៤ នាក់
ទីភ្នាក់ងារសុខាភិបាលសាធារណៈរបស់កូរ៉េខាងត្បូងបាននិយាយនៅថ្ងៃព្រហស្បតិ៍នេះថា មនុស្សសរុបចំនួន ៩៤ នាក់ដែលភាគច្រើនជាមនុស្សចាស់បានស្លាប់ បន្ទាប់ពីទទួលការចាក់វ៉ាក់សាំងការពារជំងឺផ្ដាសាយ ។
ទន្ទឹមនោះការស្លាប់នេះបានបង្កឲ្យមានការព្រួយបារម្ភជាសាធារណៈចំពោះសុវត្ថិភាពនៃវ៉ាក់សាំងបែបនេះ ប៉ុន្តែទីភ្នាក់ងារទប់ស្កាត់ និងបង្ការជំងឺកូរ៉េ (KDCA) បាននិយាយថា មនុស្ស ៨៧ នាក់នៃការស្លាប់ទាំងនោះមានទំនាក់ទំនងតិចតួចណាស់ជាមួយនឹងការចាក់វ៉ាក់សាំងបង្ការជំងឺផ្តាសាយ ខណៈ ៧ ករណីទៀតកំពុងស្ថិតក្រោមការស៊ើបអង្កេត ។
KDCA បាននិយាយថា ក្នុងចំណោមមនុស្សទាំងអស់មាន ៤០ នាក់ស្ថិតក្នុងអាយុ ៧០ ឆ្នាំ បន្ទាប់មកមានមនុស្ស ៣៨ នាក់មានអាយុលើសពី ៨០ ឆ្នាំ ៨ នាក់នៅអាយុ ៦០ ឆ្នាំ និង ៨ នាក់ទៀតអាយុក្រោម ៦០ ឆ្នាំ ។
បន្ថែមពីនេះអាជ្ញាធរសុខាភិបាលបាននិយាយម្តងហើយម្តងទៀតថា ពួកគេមិនបានរកឃើញទំនាក់ទំនងដោយផ្ទាល់រវាងការចាក់វ៉ាក់សាំង និងការស្លាប់នេះនោះទេដោយជំរុញឲ្យប្រជាជនទទួលការចាក់វ៉ាក់សាំងផ្តាសាយមុនពេលចាប់ផ្តើមនៃរដូវរងា ចំពេលមានការឆ្លងរាលដាលនៃជំងឺកូវីដ ១៩ ។
ការព្រួយបារម្ភរបស់សាធារណៈជនបានកើនឡើងខ្ពស់ចំពោះសុវត្ថិភាពនៃវ៉ាក់សាំងផ្តាសាយនេះ បន្ទាប់ពីដបវ៉ាក់សាំងមួយចំនួនត្រូវបានប៉ះពាល់នឹងសីតុណ្ហភាពក្នុងបន្ទប់អំឡុងពេលការចាក់នេះ ។ ទោះយ៉ាងណាអាជ្ញាធរបាននិយាយថាវាមិនមានបញ្ហាសុវត្ថិភាពនោះទេ ។
រហូតមកដល់ពេលនេះប្រជាជនកូរ៉េខាងត្បូងជាង ១២,១៤ លាននាក់បានទទួលការចាក់វ៉ាក់សាំងបង្ការជំងឺផ្តាសាយដោយឥតគិតថ្លៃក្នុងចំណោមប្រជាជនប្រមាណ ១៩ លាននាក់រួមទាំងក្មេងជំទង់ និងពលរដ្ឋវ័យចំណាស់ជាដើម ។
ជាទូទៅរដូវផ្តាសាយមកដល់ចន្លោះចុងខែវិច្ឆិកា និងធ្នូ ។ ដោយពិចារណាថាវ៉ាក់សាំងផ្តាសាយបណ្តាលអង់ទីគ័រមានការវិវត្តនៅក្នុងខ្លួនប្រហែលពីរសប្តាហ៍ បន្ទាប់ពីការចាក់វ៉ាក់សាំង អ្នកជំនាញណែនាំឲ្យមនុស្សចាក់វ៉ាក់សាំងផ្តាសាយនៅពាក់កណ្តាលខែវិច្ឆិកា ៕
ប្រែសម្រួលដោយ ៖ ជីវ័ន្ត
ប្រភព ៖ YONHAP
ចុចអាន ៖ កូរ៉េខាងត្បូងបន្តកម្មវិធីចាក់វ៉ាក់សាំងផ្តាសាយ ទោះចំនួនអ្នកស្លាប់កើនឡើងក៏ដោយ
ចុចអាន ៖ តុលាការសម្រេចផ្ដន្ទាទោសអតីតប្រធានាធិបតីកូរ៉េខាងត្បូងមួយរូបទៀតជាប់ពន្ធនាគាររយៈពេល ១៧ ឆ្នាំ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង