Connect with us

ព័ត៌មានអន្ដរជាតិ

អ្នកជំងឺកូវីដដែលជាសះស្បើយហើយ បែរជាលាប់ឡើងវិញនៅវៀតណាម

បានផុស

នៅ

អ្នកជំងឺកូវីដ ១៩ ម្នាក់នៅប្រទេសវៀតណាមបានលាប់ជំងឺនេះឡើងវិញ បន្ទាប់ពីត្រូវបានប្រកាសថាជាសះស្បើយនៅដើមខែនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មាធិការប្រជាជនខេត្ត Hung Yen កាលពីថ្ងៃអង្គារបានចេញសេចក្តីថ្លែងការណ៍បន្ទាន់មួយដែលតម្រូវឲ្យស្ថាប័នពាក់ព័ន្ធចាត់វិធានការបង្ការជំងឺកូវីដ ១៩ ជាបន្ទាន់ និងធ្វើការតាមដានទំនាក់ទំនងយ៉ាងរហ័សទាក់ទងនឹងអ្នកជំងឺដែលលាប់ជំងឺនេះឡើងវិញ បន្ទាប់ពីបានជាសះស្បើយពីជំងឺផ្លូវដង្ហើមមួយនេះ ។

អ្នកជំងឺដែលមានឈ្មោះកាត់ D.T.H មកពីស្រុក Yen My ភាគខាងជើងខេត្ត Hung Yen ទទួលលទ្ធផលតេស្តវិជ្ជមានសាជាថ្មីពីមជ្ឈមណ្ឌលប្រយុទ្ធនឹងជំងឺឆ្លងខេត្តនៅថ្ងៃដែលត្រូវបានប្រកាសថាជាសះស្បើយពីជំងឺ ហើយនាងបានចេញពីមន្ទីរពេទ្យនៅថ្ងៃទី ១ ខែមីនា ។

ចំណែកគណៈកម្មាធិការស្រុក Yen My បានបញ្ជាឲ្យភ្នាក់ងារមូលដ្ឋានទាំងអស់កំណត់ទំនាក់ទំនងដោយផ្ទាល់ និងដោយប្រយោលរបស់នាងសម្រាប់ការធ្វើចត្តាឡីស័ក និងធ្វើតេស្តដើម្បីការពារការឆ្លងក្នុងសហគមន៍ ។

បន្ថែមពីនេះគណៈកម្មាធិការប្រជាជនខេត្តក៏បានទាមទារឲ្យមានការធ្វើចុះពិនិត្យលើទីតាំងទាំងអស់ដែលពាក់ព័ន្ធនឹងករណីនេះ ។

លោក Hoang Huu Hung មន្ត្រីក្នុងតំបន់បានប្រាប់កាសែត Tuoi Tre កាលពីថ្ងៃអង្គារថា នាង D.T.H បានផ្ដាច់ខ្លួននៅដាច់ដោយឡែកនៅឯផ្ទះតាំងពីថ្ងៃទី ១ ខែមីនា ដូច្នេះនាងទំនងជាមិនមានទំនាក់ទំនងជាមួយអ្នកណានោះទេ ។

លោក Hung បាននិយាយថា “យើងមិនបានរកឃើញអ្នកណាម្នាក់មានទំនាក់ទំនងជិតស្និទ្ធជាមួយនឹងនោះទេ ។ យើងបានដាក់គ្រួសាររបស់នាងនៅដាច់ដោយឡែក និងបានបាញ់ថ្នាំសម្លាប់មេរោគទីតាំងដែលពាក់ព័ន្ធរួចហើយ ។ យើងក៏បានយកសំណាកពីអ្នកជិតខាងរបស់នាងចំនួន ២៨ នាក់ដើម្បីពិនិត្យរកមើលជំងឺកូវីដ ១៩ ផងដែរ”។

រហូតមកដល់ពេលនេះមិនមានរបាយការណ៍ណាមួយអំពីអ្នកជំងឺដែលបានជាសះស្បើយហើយតេស្តវិជ្ជមានកូវីដ ១៩ ម្ដងទៀតនោះទេ ហើយក៏មិនមានការឆ្លងថ្មីក្នុងពេលតែមួយផងដែរ ខណៈអ្នកជំនាញផ្នែកវេជ្ជសាស្រ្តនៅប្រទេសវៀតណាមបាននិយាយថា ការលាប់ជំងឺកូវីដ ១៩ ឡើងវិញនេះអាចមកពីបំណែកវីរុសអសកម្មនៅក្នុងខ្លួនរបស់អ្នកជំងឺ ។

គួរបញ្ជាក់ថា គិតត្រឹមពេលនេះប្រទេសវៀតណាមមានករណីឆ្លងជំងឺកូវីដ ១៩ ចំនួន ២,៥២៩ ករណី និងមានអ្នកស្លាប់ចំនួន ៣៥ នាក់ ខណៈអ្នកជាសះស្បើយមាន ២,០០៤ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ មិនខុសវៀតណាម ថៃត្រៀមជើងហោះហើរពិសេសយកពលរដ្ឋខ្លួនចេញពីមីយ៉ាន់ម៉ា

ចុចអាន ៖ ជនជាតិវៀតណាមរាប់រយនាក់ ប្រញាប់ចាកចេញពីប្រទេស មីយ៉ាន់ម៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ១១ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១៤ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១៤ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១៤ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម