ព័ត៌មានអន្ដរជាតិ
គ្រូពេទ្យនៅទូទាំងពិភពលោក កំពុងជួបជំងឺស្ត្រេសនិងធ្លាក់ទឹកចិត្ត អំឡុងប្រយុទ្ធប្រឆាំងកូវីដនិងវីរុសបំប្លែងខ្លួន
តាមការស្រាវជ្រាវមួយបានបង្ហាញថា ១ ភាគ ៥ នៃក្រុមវេជ្ជសាស្ត្រនៅទូទាំងពិភពលោក ទទួលរងជំងឺស្រ្តេស (PTSD) និងធ្លាក់ទឹកចិត្តអំឡុងពេលប្រយុទ្ធនឹងកូវីដ ជាពិសេសគឺវីរុសបំប្លែងខ្លួនគ្រប់ប្រភេទ។
ក្រុមអ្នកស្រាវជ្រាវនៃសាលាអនាម័យនិងវេជ្ជសាស្ត្រត្រូពិកនៃទីក្រុងឡុងដ៏ បានវិភាគទិន្នន័យលើសុខភាពផ្លូវចិត្តរបស់វេជ្ជបណ្ឌិត គិលានុបដ្ឋាយិកានិងបុគ្គលិកថែទាំសុខភាពជាង ១០០,០០០ នាក់ដែលរស់នៅក្នុងប្រទេសចំនួន ១២ ។ ២១ភាគរយ បានវិវត្តទៅជាជំងឺធ្លាក់ទឹកចិត្តនិងជំងឺស្ត្រេស ក្នុងកំឡុងពេលមានជំងឺរាតត្បាត ហើយ ២២ភាគរយ មានការថប់បារម្ភខ្លាំង។
ការសិក្សាដាច់ដោយឡែកមួយផ្សេងទៀត ដែលត្រូវបានចេញផ្សាយនៅថ្ងៃនេះបាននិយាយថា ស្ទើរតែ ២ភាគ៣ នៃវេជ្ជបណ្ឌិត គិលានុបដ្ឋាយិកានិងអ្នកធ្វើការតាមផ្ទះនៅចក្រភពអង់គ្លេស បានធ្លាក់ទឹកចិត្ត បន្ទាប់ពីជួបរលកដំបូងនៃជំងឺកូវីដ។
អង្គការសប្បុរសធម៌បាននិយាយថា តួលេខនេះបានឆ្លុះបញ្ចាំងពីរូបភាពនៃផលប៉ះពាល់ នៃការរាតត្បាតទៅលើបុគ្គលិកថែទាំ ហើយបានជំរុញឲ្យរដ្ឋមន្ត្រីផ្ដល់ការគាំទ្របន្ថែមដល់ពួកគេជាចាំបាច់។
ការវិភាគជាសកលដែលបានបោះពុម្ពផ្សាយនៅក្នុង PLOS ONE បាននិយាយថា មជ្ឈិមបូព៌ាមានអត្រានៃជំងឺធ្លាក់ទឹកចិត្តខ្ពស់បំផុតក្នុងចំណោមបុគ្គលិកថែទាំសុខភាព ៣៤,៦ភាគរយ បន្ទាប់មកគឺអាស៊ីខាងត្បូង ២៨,៨ភាគរយ អឺរ៉ុប ២២ភាគរយ និងអាស៊ីខាងកើត ១៩,១ ភាគរយ ។
ចំណែកកម្រិតទាបបំផុតនៃជំងឺធ្លាក់ទឹកចិត្តក្នុងចំណោមគ្រូពេទ្យ ត្រូវបានគេរាយការណ៍នៅអាមេរិកខាងជើង ដោយផ្អែកលើការសិក្សាមួយ មានអត្រា ១៨,៧ ភាគរយ។
ឆ្លើយតបទៅនឹងរបាយការណ៍នេះ ប្រធានស្រាវជ្រាវនៅមូលនិធិសុខភាពផ្លូវចិត្តលោកស្រី Catherine Seymour បានមានប្រសាសន៍ថា៖ បុគ្គលិកថែទាំសុខភាពមានការថប់បារម្ភខ្លាំង ទាំងជំងឺធ្លាក់ទឹកចិត្ត បញ្ហានៃការគេងនិងជំងឺស្ត្រេស រួមទាំងកង្វះសម្ភារប្រើប្រាស់ក្នុងវេជ្ជសាស្ត្រ ពេលកំពុងប្រយុទ្ធប្រឆាំងនឹងជំងឺរាតត្បាតជាសកលនេះ”៕
ប្រែសម្រួល៖ សាង ស្រីល័ក្ខ
ប្រភព៖dailymail
ចុចអាន៖ផ្អើលពេញកប៉ាល់ ក្រោយរកឃើញផ្ទុះឆ្លងកូវីដជាចង្កោម ពេលចូលចតនៅប្រទេស បេលី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ