វីដេអូទីបញ្ចុះសពអ្នកស្លាប់ដោយសារកូវីដនៅប្រេស៊ីល មើលហើយសោកសង្រេងណាស់

ក្រសួងសុខាភិបាលបាននិយាយកាលពីថ្ងៃព្រហស្បតិ៍ថា ប្រទេសប្រេស៊ីលបានរាយការណ៍ចំនួនអ្នកស្លាប់ថ្មីដោយសារជំងឺកូវីដ១៩ក្នុងកម្រិតកំណត់ត្រា ២,២២៣នាក់ក្នុងរយៈពេល២៤ ម៉ោង ដែលនេះជាតួលេខប្រចាំថ្ងៃខ្ពស់បំផុត២ថ្ងៃជាប់គ្នា ហើយនាំឲ្យចំនួនអ្នកស្លាប់សរុបរបស់ប្រទេសកើនដល់២៧២,៨៨៩នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួរលេខស្លាប់ប្រចាំថ្ងៃខ្ពស់មួយទៀតគឺកាលពីថ្ងៃពុធ ដែលមានចំនួន២,២៨៦នាក់។

លើសពីនេះទៀត ការឆ្លងថ្មី ៧៥,៤១២ករណី ត្រូវបានចុះបញ្ជី ដោយនាំឲ្យករណីសរុបរបស់ប្រទេសប្រេស៊ីលកើនដល់១១,២៧៧,៧១៧ករណី។

ប្រទេសប្រេស៊ីល មានអ្នកស្លាប់ដោយសារកូវីដច្រើនបំផុតលំដាប់ទី២ បន្ទាប់ពីសហរដ្ឋអាមេរិក និងមានអ្នកឆ្លងច្រើនបំផុតលំដាប់ទី៣ បន្ទាប់ពីសហរដ្ឋអាមេរិកនិងឥណ្ឌា។

អភិបាលរដ្ឋ Piaui លោក Wellington Dias បានរៀបរាប់ថា អ្នកជំងឺក្នុងមន្ទីរពេទ្យកំពុងស៊ូទ្រាំជាមួយជំងឺ ទាំងគ្មានគ្រែសម្រាកព្យាបាល។ លោកនិយាយថា “យើងបានឈានដល់ដែនកំណត់ទូទាំងប្រទេសប្រេស៊ីល។ ឱកាសនៃការស្លាប់ដោយគ្មានជំនួយពិតជាមានមែន”។

នៅក្នុងរដ្ឋដែលមានទ្រព្យសម្បត្តិច្រើនបំផុតរបស់ប្រេស៊ីលគឺ Sao Paulo, អ្នកជំងឺយ៉ាងតិច៣០នាក់បានស្លាប់ក្នុងខែនេះ ខណៈពេលកំពុងរង់ចាំចូលបន្ទប់សង្គ្រោះបន្ទាន់។

នៅរដ្ឋភាគខាងត្បូង Santa Catarina, មនុស្សចំនួន៤១៩នាក់កំពុងរង់ចាំផ្ទេរទៅបន្ទប់ ICU។ ចំណែកក្នុងរដ្ឋ Rio Grande do Sul ដែលនៅជិតខាង អគារសង្គ្រោះបន្ទាន់គឺដាក់លើសសមត្ថភាពរបស់ខ្លួន ពោលគឺដាក់អ្នកជំងឺរហូតដល់ទៅ១០៦ភាគរយឯណោះ៕

ទស្សនាវីដេអូនេះហើយពិតជាគួរឲ្យសោកសង្រេងណាស់៖

ប្រែសម្រួលដោយ៖ Vann Vann

ប្រភព៖ Xinhua, Daily Mail

ចុចអាន៖ ធ្ងន់ធ្ងរពេក អ្នកជំងឺកូវីដក្នុងប្រទេសប្រេស៊ីល ត្រូវទុកឲ្យស្លាប់នៅក្រៅបន្ទប់សង្គ្រោះបន្ទាន់ព្រោះអស់កន្លែង

ចុចអាន៖ កុមាររាប់លាននាក់ទូទាំងពិភពលោក ត្រូវរងទុក្ខដោយសារតែកូវីដ