ព័ត៌មានអន្ដរជាតិ
សម្ពាធស្ទើរគ្រប់ច្រក ពេលនេះ ADB ផ្អាកមូលនិធិអភិវឌ្ឍនៅមីយ៉ាន់ម៉ា
ធនាគារអភិវឌ្ឍអាស៊ី (ADB) បានប្រកាសថា ខ្លួនត្រៀមឈប់ផ្តល់ថវិកាសម្រាប់គម្រោងអភិវឌ្ឍរដ្ឋាភិបាលប្រទេសមីយ៉ាន់ម៉ា បន្ទាប់ពីរដ្ឋប្រហារដោយរបបយោធាថ្ងៃទី១ កុម្ភៈ។
ADB ជាដៃគូអភិវឌ្ឍធំបំផុតមួយរបស់ប្រទេសមីយ៉ាន់ម៉ា។ ការសម្រេចចិត្តផ្អាកផ្តល់មូលនិធិនេះ បានកើតមានឡើង បន្ទាប់ពីជនស៊ីវិលហោចណាស់៧០នាក់ត្រូវបានសម្លាប់ដោយកម្លាំងសន្តិសុខ ខណៈរបបយោធានៅតែបន្តបង្ក្រាបលើការតវ៉ាដោយសន្តិវិធីដើម្បីអំពាវនាវឲ្យស្តារឡើងវិញនូវរដ្ឋាភិបាលស៊ីវិល។
នៅក្នុងសេចក្តីថ្លែងការណ៍មួយ ធនាគារអភិវឌ្ឍអាស៊ីបាននិយាយថា ខ្លួននៅតែព្រួយបារម្ភយ៉ាងខ្លាំងអំពីការវិវត្តថ្មីៗនៅក្នុងប្រទេសមីយ៉ាន់ម៉ា ជាពិសេសការបាត់បង់ជីវិតជនស៊ីវិលកំឡុងពេលតវ៉ា។ ធនាគារបញ្ជាក់ថា ការផ្លាស់ប្តូរកាលៈទេសៈរបស់ប្រទេសនេះនឹងមានផលអាក្រក់ធ្ងន់ធ្ងរលើសេដ្ឋកិច្ច និងការអភិវឌ្ឍសង្គម។
ធនាគារសម្រេចរឈប់ផ្តល់មូលនិធិជាបណ្តោះអាសន្នលើគម្រោងអធិបតេយ្យភាព និងកិច្ចសន្យាថ្មីៗនៅក្នុងប្រទេសប្រទេសមីយ៉ាន់ម៉ា ខណៈសហគមន៍អន្តរជាតិបានវាយតម្លៃពីស្ថានភាពដែលកំពុងវិវត្ត។ គម្រោងដែលរងផលប៉ះពាល់រួមមានការដឹកជញ្ជូន ថាមពល ការអប់រំ និងព័ត៌មានវិទ្យាជាដើម។
ADB បាននិយាយថា ៖«យើងនឹងបន្តពិគ្រោះយោបល់ជាមួយម្ចាស់ភាគហ៊ុន និងអ្នកពាក់ព័ន្ធដទៃទៀត»។
ចន្លោះឆ្នាំ២០១៣ និង២០១៩ ADB បានគាំទ្រដល់ប្រទេសមីយ៉ាន់ម៉ានូវមូលនិធិជាង ៣.៥ពាន់លានដុល្លារអាមេរិកសម្រាប់គម្រោងនានារួបបញ្ចូលទាំងកម្ចី ជំនួយ និងជំនួយផ្នែកបច្ចេកទេសជាដើម។
ស្ថិតក្រោមកិច្ចព្រមព្រៀងកម្ចីចុងក្រោយបំផុត ADB បានអនុម័យលើកម្ចីចំនួន៤៨៤លានដុល្លារអាមេរិកកាលពីខែវិច្ឆិកាដើម្បីសាងសងផ្លូវល្បឿនលឿនដែលភ្ជាប់ពីតំបន់ Bago Region ទៅ Mon State។ តំបន់ទាំងពីរស្ថិតនៅតាមច្រករបៀងសេដ្ឋកិច្ចបូព៌ា-ខាងលិចដែលរៀបផែនការដោយប្រទេសជប៉ុន ដែលជាគម្រោងហេដ្ឋារចនាសម្ព័ន្ធដ៏ធំមួយសម្រាប់មហាអនុតំបន់មេគង្គ។
កាលពីខែកុម្ភៈកន្លងទៅ ធនាគារពិភពលោកបានជូនដំណឹងដល់របបយោធាថា ខ្លួនបានផ្អាកការផ្តល់មូលនិធិសម្រាប់គម្រោងកំពុងអភិវឌ្ឍនៅក្នុងប្រទេសមីយ៉ាន់ម៉ាយ៉ាងតិច២៤គម្រោង៕
អានអត្ថបទពាក់ព័ន្ធ ផ្សេងៗទៀត
–ក្រុមប្រឹក្សាសន្តិសុខរបស់ UN បរាជ័យចាត់វិធានការរួមគ្នាលើប្រទេសមីយ៉ាន់ម៉ា
–ខ្លោចចិត្ត! អ្នកតវ៉ាម្នាក់ផ្តាំប្រពន្ធមុនទៅតវ៉ាស្ថិតក្នុងចំណោមអ្នកស្លាប់១២នាក់ម្សិលមិញ
–សហរដ្ឋអាមេរិកដាក់ទណ្ឌកម្មកូនៗមេដឹកនាំយោធាមីយ៉ាន់ម៉ា
–WHO ប្រកាសអាសន្នពីជំងឺកូវីដ ១៩ តាំងពីដើមឆ្នាំ ២០២០ មកម្ល៉េះ
–៨មីនានេះ ២នាក់ស្លាប់នៅ មីយ៉ាន់ម៉ា ខណៈ ហាង ធនាគាររោងចក្របិទទ្វារ បុគ្គលិកទៅតវ៉ា
–អូស្ត្រាលីបញ្ឈប់មិត្តភាពការពារជាមួយមីយ៉ាន់ម៉ា ខណៈជំនួយត្រូវបង្វែរទិសដៅ
–ថ្ងៃនេះ សហជីពអំពាវនាវឲ្យបិទទ្វារពាណិជ្ជកម្មចូលរួម
ប្រែសម្រួល៖ វីរបុត្រ
ប្រភព៖ Irrawaddy
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត