ព័ត៌មានអន្ដរជាតិ
ប្រេស៊ីល វ៉ា ឥណ្ឌាឡើងលេខ ២ ទាំងករណីឆ្លង និងស្លាប់ដោយសារកូវីដ
ប្រេស៊ីលបានវ៉ាឥណ្ឌាក្នុងករណីឆ្លងជំងឺកូវីដ ១៩ ដោយក្លាយជាប្រទេសដែលរងគ្រោះខ្លាំងជាងគេទី ២ លើពិភពលោក ខណៈប្រទេសនេះប្រញាប់ប្រញាល់ទប់ស្កាត់ការរីករាលដាលនៃវីរុសដែលបង្កការបំផ្លិចបំផ្លាញទូទាំងប្រទេសអាមេរិកឡាទីនដ៏ធំមួយនេះ ។
ប្រទេសប្រេស៊ីលបានរាយការណ៍អំពីករណីឆ្លងថ្មីចំនួន ៨៥,៦៦៣ ករណីនៅថ្ងៃសុក្រនេះដែលនាំឲ្យករណីឆ្លងសរុបកើនដល់ ១១,៣៦៣,៣៨០ ករណី ។ ចំណែកចំនួនអ្នកស្លាប់នៅថ្ងៃសុក្រដដែលនេះបានកើនឡើង ២,២១៦ នាក់ និងមានអ្នកស្លាប់សរុប ២៧៥,១០៥ នាក់ ។ ឥឡូវនេះប្រេស៊ីលតាមពីក្រោយអាមេរិកទាំងចំនួនករណីឆ្លង និងអ្នកស្លាប់នៅទូទាំងពិភពលោក ។
ខណៈដែលការអនុវត្តទាំងគម្លាតសង្គម និងការចាក់ថ្នាំបង្ការរោគដ៏ច្រើនបានបណ្តាលឲ្យមានការឆ្លងធ្លាក់ចុះនៅទូទាំងពិភពលោកក្នុងប៉ុន្មានសប្តាហ៍ថ្មីៗនេះក៏ដោយ ប្រទេសប្រេស៊ីលកំពុងតែឆ្លងកាត់ដំណាក់កាលអាក្រក់បំផុតនៃរោគរាតត្បាត ។
ករណីឆ្លង និងការស្លាប់បានកើនឡើង បន្ទាប់ពីការប្រមូលផ្តុំនៅចុងឆ្នាំ និងការប្រារព្ធពិធីបុណ្យ Carnival ខណៈពេលដែលវ៉ារ្យ៉ង់ថ្មីកំពុងបង្កើនការឆ្លងយ៉ាងឆាប់រហ័ស ។ មន្ទីរពេទ្យនៅទូទាំងប្រទេសគឺស្ថិតនៅលើបញ្ហាប្រឈមអស់កន្លែងដាក់អ្នកជំងឺដែលជំរុញឲ្យអភិបាលរដ្ឋដាក់បម្រាមគោចរ និងបិទអាជីវកម្ម ។
លោក Raquel Stucchi អ្នកជំនាញខាងជំងឺឆ្លង និងជាសាស្រ្តាចារ្យនៅសាកលវិទ្យាល័យ Unicamp បាននិយាយថា “ស្ថានភាពមិនអាចគ្រប់គ្រងបានទាំងស្រុងទេ ។ វាទំនងជានឹងកាន់តែអាក្រក់ទៅៗ ព្រោះបើទោះបីជាមានការរឹតត្បិតដែលបានប្រកាសដោយអភិបាលក្រុង និងរដ្ឋក៏ដោយ ខណៈរដ្ឋាភិបាលសហព័ន្ធនៅតែទទូចថាបើមិនចាំបាច់ប្រជាជនមិនគួរចេញទៅណានោះទេ” ។
ចាប់តាំងពីវីរុសនេះបានមកដល់កាលពីមួយឆ្នាំមុនអ្នកជំនាញផ្នែកសុខភាពបានរិះគន់ការបដិសេធ ក៏ដូចជាការមើលស្រាលរបស់លោកប្រធានាធិបតី Jair Bolsonaro ពីជំងឺនេះ និងកង្វះគោលនយោបាយជាតិក្នុងការប្រយុទ្ធប្រឆាំងនឹងជំងឺនេះ ។
ការលេចចេញជាថ្មីនៃវីរុសនេះបានធ្វើឲ្យរដ្ឋប្រេស៊ីលព្យាយាមសម្របសម្រួលវិធានការដើម្បីរឹតត្បិតចរាចរដើម្បីប្រយុទ្ធប្រឆាំងនឹងរោគរាតត្បាត ទោះបីជាពួកគេមិនទាន់បានប្រកាសគោលការណ៍ណែនាំច្បាស់លាស់ក៏ដោយ។ ទន្ទឹមនឹងនេះដែរលោក Bolsonaro នៅតែបន្តជម្រុញអភិបាលដ្ឋនានាអនុញ្ញាតឲ្យបើកអាជីវកម្មឡើងវិញដោយនិយាយថាផលប៉ះពាល់សេដ្ឋកិច្ចអំឡុងជំងឺរាតត្បាតនេះមានចំនួនច្រើនជាងផលប៉ះពាល់នៃវីរុសប្រសិនបើមនុស្សមិនអាចធ្វើការបាន ៕
ប្រែសម្រួលដោយ ៖ ជីវ័ន្ត
ប្រភព ៖ Bloomberg
ចុចអាន ៖ វីដេអូទីបញ្ចុះសពអ្នកស្លាប់ដោយសារកូវីដនៅប្រេស៊ីល មើលហើយសោកសង្រេងណាស់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត