ជួញដូរគ្រឿងញៀន ២គីឡូក្រាម វៀតណាម ផ្តន្ទាទោសស្ត្រីខ្មែរម្នាក់ជាប់ពន្ធនាគារអស់មួយជីវិត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ជួញដូរគ្រឿងញៀន ២គីឡូក្រាម វៀតណាម ផ្តន្ទាទោសស្ត្រីខ្មែរម្នាក់ជាប់ពន្ធនាគារអស់មួយជីវិត

បានផុស

នៅ

យោងតាមគេហទំព័រ Tuoi Tre News បានចុះផ្សាយថា កាលពីថ្ងៃសុក្រទី១៣ខែមីនា តុលាការប្រជាជននៅខេត្ត អានយ៉ាង ភាគខាងត្បូងប្រទេសវៀតណាម បានផ្តន្ទាទោសស្ត្រីខ្មែរអាយុ៥១ឆ្នាំម្នាក់ឲ្យជាប់ពន្ធនាគារអស់មួយជីវិតពីបទ ជួញដូរគ្រឿងញៀនទម្ងង់២គីឡូក្រាមចូលប្រទេសវៀតណាមក្នុងតម្លៃ៣,០០០ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
This image has an empty alt attribute; its file name is bb1d4e2075629c3cc573.jpg

ឆ្មាំព្រំដែននិងមន្ត្រីនគរបាលប្រចាំខេត្តអានយ៉ាង បានប្រទះឃើញឈ្មោះ លៀង ដាវី ធ្វើដំណើរចេញពីស្រុកព្រែកប្រសព្វ ក្នុងខេត្តក្រចេះ ជាមួយប្រអប់ដ៏គួរឲ្យសង្ស័យចូលក្នុងភូមិ An Hoa ឃុំ Khanh An ស្រុក An Phu ខេត្ត អានយ៉ាង នាម៉ោងប្រហែល៦ល្ងាចកាលពីថ្ងៃទី៥ខែកញ្ញាឆ្នាំ២០២០។

នៅពេលកោះហៅ ដាវី ទៅកាន់ប៉ុស្តិ៍នគរបាលឃុំ Khanh An, ប៉ូលិសបានរកឃើញថង់ប្លាស្ទិកចំនួន២ ដែលមានផ្ទុកនូវសារធាតុគ្រីស្តាល់ពណ៌សទម្ងន់២គីឡូក្រាម ដែលក្រោយមកត្រូវបានក្របខណ្ឌបច្ចេកទេសព្រហ្មទណ្ឌកំណត់ថាជា មេតំហ្វេតាមីន។

This image has an empty alt attribute; its file name is d-1615536439788.jpeg

លទ្ធផលនៃការស៊ើបអង្កេតលើករណីនេះបានបង្ហាញថា អ្នកស្គាល់គ្នាម្នាក់ឈ្មោះ Ut ដែលរស់នៅក្នុងទីក្រុងភ្នំពេញបានណែនាំឲ្យដាវីទៅប្រទេសវៀតណាម ដើម្បីព្យាបាលជំងឺរបស់នាងនៅខែសីហាឆ្នាំ២០២០។

ក្នុងពេលជាមួយគ្នានេះដែរ Ut បាននិយាយលួងលោម ដាវី ឲ្យនាំយកទំនិញខ្លះទៅកាន់ទីក្រុង Chau Doc ដោយសន្យាផ្តល់ប្រាក់៣,០០០ដុល្លារដើម្បីចេញថ្លៃព្យាបាលជំងឺ។

This image has an empty alt attribute; its file name is c7284e8a96c97f9726d8.jpg

បន្ទាប់មក ដាវី បានឲ្យរូបថតទៅ Ut សម្រាប់ធ្វើអត្តសញ្ញាណប័ណ្ណក្លែងក្លាយឈ្មោះ Phan Thi Lan ដើម្បីសម្រួលដល់ការចូលទៅក្នុងប្រទេសវៀតណាម។

នៅថ្ងៃទី៤ខែកញ្ញា ដាវីបានទទួលថង់ប្លាស្ទិកពណ៌ខ្មៅពីបុរសចម្លែកម្នាក់ ដែលមានផ្ទុកមេតំហ្វេតាមីនទម្ងន់២គីឡូក្រាម និងទូរស័ព្ទដៃ១គ្រឿងសម្រាប់ទាក់ទងជាមួយ Ut។

This image has an empty alt attribute; its file name is 5726dc8404c7ed99b4d6.jpg

នៅរសៀលថ្ងៃទី៥ខែកញ្ញា ដាវីបានដាក់គ្រឿងញៀននោះក្នុងប្រអប់កាតុងមួយ បន្ទាប់មកចូលប្រទេសវៀតណាមដោយខុសច្បាប់ ហើយត្រូវបានកម្លាំងសមត្ថកិច្ចវៀតណាមចាប់ខ្លួន។

ទោះបីជាយ៉ាងណាក៏ដោយ ក្រុមការងាររបស់យើងខ្ញុំនឹងតាមដាន និងសម្ភាសន៍អជ្ញាធរកម្ពុជាជុំវិញករណីផ្សាយរបស់គេហទំព័រវៀតណាមមួយនេះ៕

ប្រែសម្រួលដោយ៖ Vann Vann

ប្រភព៖ Tuoi Tre News

ចុចអាន៖ កម្លាំង​ការពារ​គោលដៅ​ច​ត្តា​ឡី​ស័ក​ខេត្ត​ព្រះសីហនុ រកឃើញ​គ្រឿងញៀន​បង្កប់​ជាមួយ​ម្ហូបអាហារ​បាន​៦​ករណី​

ចុចអាន៖ ខ្មែរអ៊ិស្លាម៣នាក់ ត្រូវបានបង្ក្រាបដោយសារជួញដូរសារធាតុញៀន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services