ក្រុមហ៊ុន Air India បញ្ជាទិញយន្តហោះ Airbus ពីអឺរ៉ុប​​ ១០០ គ្រឿង​

ក្រុមហ៊ុនអាកាសចរណ៍ Tata Group បានឲ្យដឹងថា ក្រុមហ៊ុន Air India បានដាក់បញ្ជាទិញយន្តហោះ Airbus មាន​មូលដ្ឋានផលិត​នៅ​អឺរ៉ុប​ ចំនួន១០០គ្រឿងបន្ថែមទៀត នៅក្នុងកិច្ចព្រមព្រៀងមួយដែលមានគោលបំណងជំរុញការហោះហើររបស់ខ្លួន​ទៅ​កាន់​គោល​ដៅ​ច្រើន​​ទៀត​​ក្នុង​ពិភពលោក​។

ក្រុមហ៊ុន​អាកាសចរណ៍ ​បាន​និយាយ​ថា ​កិច្ច​ព្រម​ព្រៀង​នេះ​ មាន​យន្តហោះ​ប្រភេទ Widebody A350 ចំនួន១០ និង​យន្តហោះ A320 ធុន​តូច៩០គ្រឿង។ ការ​ទិញ​ថ្មី​នេះ​គឺ​ជា​ការ​បន្ថែម​លើ​ការ​បញ្ជា​ទិញ​យន្តហោះ​ចំនួន​៤៧០​គ្រឿង​ដែល​ក្រុមហ៊ុន Air India ដែល​បាន​ដាក់​ជាមួយ​ក្រុមហ៊ុន Airbus និង Boeing កាល​ពី​ឆ្នាំ​មុន។

នៅពេលដែលកិច្ចព្រមព្រៀងទាំងពីរត្រូវបានប្រកាស វាគឺជាការបញ្ជាទិញដ៏ធំបំផុតដែលត្រូវបានបង្ហាញក្នុងពេលតែមួយដោយក្រុមហ៊ុនអាកាសចរណ៍ពាណិជ្ជកម្ម ជាមួយនឹងតម្លៃប៉ាន់ស្មានប្រមាណ​៧០ពាន់លានដុល្លារ។

ក្រុមហ៊ុនអាកាសចរណ៍នេះនិយាយថា «ការបញ្ជាទិញចុងក្រោយនេះនាំឲ្យចំនួនយន្តហោះសរុបដែលក្រុមហ៊ុន Air India បានបញ្ជាទិញជាមួយក្រុមហ៊ុន Airbus ក្នុងឆ្នាំ ២០២៣ ពីយន្តហោះចំនួន​២៥០​គ្រឿង ដែលរួមមានយន្តហោះគ្រួសារ A350 និង ២១០ A320 ចំនួន២១០ ដល់ទៅ ៣៥០គ្រឿង ។

ចាប់តាំងពីបានកាន់កាប់អតីតក្រុមហ៊ុនអាកាសចរណ៍ជាតិក្នុងឆ្នាំ ២០២២មក ក្រុមហ៊ុន Tata Group ដែលកំពុងរីក​ចម្រើន​បាន​ព្យាយាមបង្វែរក្រុមហ៊ុនអាកាសចរណ៍ដែលបាត់បង់ដោយបញ្ជាទិញយន្តហោះថ្មី និងធ្វើឱ្យប្រសើរឡើងនូវការហោះហើរដែលមានស្រាប់របស់ខ្លួន។

ប្រធានក្រុមហ៊ុន Tata Sons លោក Natarajan Chandrasekaran បាននិយាយថា ក្រុមហ៊ុនអាកាសចរណ៍បានឃើញ យ៉ាងច្បាស់លាស់ចំពោះក្រុមហ៊ុន Air India ដើម្បីពង្រីកការហោះហើរនាពេលអនាគតរបស់ខ្លួនលើសពីយន្តហោះចំនួន ៤៧០ដែលត្រូវបានបញ្ជាទិញក្នុងឆ្នាំ២០២៣ ។

លោក Chandrasekaran ថា «យន្តហោះ Airbus ១០០គ្រឿងបន្ថែមទៀតនេះ នឹងជួយជុំរុញក្រុមហ៊ុន Air India នៅលើផ្លូវឆ្ពោះទៅរកការរីកចម្រើនកាន់តែខ្លាំង និងរួមចំណែកដល់បេសកកម្មរបស់យើងក្នុងការកសាង Air India ទៅជាក្រុមហ៊ុនអាកាសចរណ៍លំដាប់ពិភពលោក ដែលភ្ជាប់ប្រទេសឥណ្ឌាទៅកាន់គ្រប់ជ្រុងនៃពិភពលោក»។

ចំណែកនាយកប្រតិបត្តិក្រុមហ៊ុន Airbus លោក Guillaume Faury ក៏បាននិយាយនៅក្នុងសេចក្តីថ្លែងការណ៍មួយថា លោកពេញចិត្តចំពោះការវិនិយោគចុងក្រោយរបស់ Air India៕

អត្ថបទ៖ ប៊ុន សុភាព