កូវីដនៅប្រេស៊ីលកើនលើស១១លានករណី បន្ទាប់ពីមនុស្ស៤៣,៨១២នាក់ឆ្លង ក្នុងរយៈពេល២៤ម៉ោងចុងក្រោយ

ក្រសួងសុខាភិបាលបាននិយាយកាលពីថ្ងៃអាទិត្យថា ប្រទេសប្រេស៊ីលបានកត់ត្រាករណីសរុបនៃជំងឺកូវីដ១៩ចំនួន ១១,៤៨៣,៣៧០ករណី និងមានអ្នកស្លាប់២៧៨,២២៩នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងក៏បានរាយការណ៍ផងដែរថា មានករណីឆ្លងកូវីដចំនួន៤៣,៨១២ករណី និងអ្នកស្លាប់១,១២៧នាក់ក្នុងរយៈពេល២៤ម៉ោងចុងក្រោយ។

Sao Paulo គឺជារដ្ឋដែលរងផលប៉ះពាល់ខ្លាំងជាងគេបំផុត ដោយសារជំងឺរាតត្បាតនេះ។

រលកថ្មីនៃជំងឺកូវីដ១៩ បានស្ទុះឡើងយ៉ាងខ្លាំងក្នុងរយៈពេលប៉ុន្មានខែកន្លងមកនេះ ខណៈនាពេលថ្មីៗនេះ អ្នកស្លាប់ភាគច្រើនដោយសារជំងឺកូវីដគឺជាមនុស្សអាយុចន្លោះ២០ដល់៥០ឆ្នាំ។

អាជ្ញាធរសុខាភិបាលបានសន្មតថា រលកថ្មីនៃការឆ្លងគឺទាក់ទងទៅនឹងវីរុសបំប្លែងខ្លួនប្រភេទ P.1 ដែលបានលេចឡើងនៅក្នុងរដ្ឋ Amazonas ភាគខាងជើងប្រទេសប្រេស៊ីលកាលពីខែវិច្ឆិកាឆ្នាំមុន និងចលនារបស់ប្រជាជនក្នុងអំឡុងពេលវិស្សមកាលរដូវក្តៅ៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ វីដេអូទីបញ្ចុះសពអ្នកស្លាប់ដោយសារកូវីដនៅប្រេស៊ីល មើលហើយសោកសង្រេងណាស់

ចុចអាន៖ ធ្ងន់ធ្ងរពេក អ្នកជំងឺកូវីដក្នុងប្រទេសប្រេស៊ីល ត្រូវទុកឲ្យស្លាប់នៅក្រៅបន្ទប់សង្គ្រោះបន្ទាន់ព្រោះអស់កន្លែងដាក់