រដ្ឋបាលលោក Joe Biden ទៅដល់ប្រទេសកូរ៉េខាងជើង ប៉ុន្តែមិនទាន់ទទួលការឆ្លើយតបណាមួយឡើយ

រដ្ឋបាលលោក Joe Biden បានបញ្ជាក់កាលពីថ្ងៃចន្ទថា ខ្លួនបានទៅដល់ប្រទេសកូរ៉េខាងជើងហើយ ប៉ុន្តែបាននិយាយថាមិនទាន់ទទួលការឆ្លើយតបណាមួយនៅឡើយទេ ។

ដោយបញ្ជាក់អំពីការទៅដល់របស់ការទូត បន្ទាប់ពីមានរបាយការណ៍ជាច្រើនកាលពីចុងសប្តាហ៍អ្នកនាំពាក្យសេតវិមានលោកស្រី Jen Psaki បាននិយាយថា សហរដ្ឋអាមេរិកបានធ្វើឲ្យមានភាពប្រសើរឡើងដល់ទីក្រុងព្យុងយ៉ាងក្នុងគោលបំណងធានាថាភាពតានតឹងមិនកើនឡើងនោះទេ ។ លោកស្រី Psaki បាននិយាយថា រដ្ឋបាលនេះកំពុងធ្វើការជាមួយអតីតមន្រ្តីនៅអាមេរិកក៏ដូចជាជប៉ុន និងកូរ៉េខាងត្បូង ជាដើម ។

លោកស្រីបានប្រាប់អ្នកយកព័ត៌មានថា “យើងក៏ផ្តោតការយកចិត្តទុកដាក់លើការពិគ្រោះយោបល់ជាមួយអតីតមន្រ្តីរដ្ឋាភិបាលជាច្រើនដែលបានចូលរួមក្នុងគោលនយោបាយរបស់កូរ៉េខាងជើងរួមទាំងរដ្ឋបាលមុនៗជាច្រើនផងដែរ ។ គោលដៅរបស់យើងគឺកាត់បន្ថយហានិភ័យនៃការកើនឡើងភាពតានតឹង ប៉ុន្តែរហូតមកដល់ពេលនេះយើងមិនទាន់ទទួលបានការឆ្លើយតបអ្វីទាំងអស់” ។

សេចក្តីលម្អិតបន្ថែមស្តីពីទំនាក់ទំនងគ្មានផ្លែផ្កានៅពេលនេះមិនអាចរកបានភ្លាមៗពីសេតវិមានទេ ប៉ុន្តែរបាយការណ៍ជាច្រើនបាននិយាយថា សហរដ្ឋអាមេរិកបានព្យាយាមស្វែងរកមធ្យោបាយជាច្រើនរួមទាំងតាមរយៈបេសកកម្មរបស់អង្គការសហប្រជាជាតិនៅញូវយ៉ក ។

អតីតប្រធានាធិបតីអាមេរិកលោក Donald Trump បានជួបពិភាក្សាគ្នាជាបន្តបន្ទាប់ចំនួន ៣ លើកជាមួយកូរ៉េខាងជើង ប៉ុន្តែទីបំផុតមិនអាចឈានដល់កិច្ចព្រមព្រៀងស្តីពីកម្មវិធីនុយក្លេអ៊ែរ និងមីស៊ីលផ្លោងរបស់ខ្លួនឡើយ ខណៈកិច្ចពិភាក្សាចុងក្រោយបានបញ្ចប់នៅខែមិថុនា ឆ្នាំ ២០១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ផ្ទុះការបាញ់ប្រហារក្នុងពិធីជប់លៀងនៅអាមេរិក ស្លាប់ និងរងរបួសមនុស្ស ១៥ នាក់

ចុចអាន ៖ កូរ៉េខាងជើងកំពុងទាញយកសារធាតុគីមីភ្លុយតូនីញ៉ូម ផលិតអាវុធនុយក្លេអ៊ែរបន្ថែម