ព័ត៌មានអន្ដរជាតិ
មន្ទីរពេទ្យនៅប្រេស៊ីលស្ថិតក្នុងស្ថានភាពធ្ងន់ធ្ងរទាំងផ្ទុកអ្នកឆ្លង និងស្លាប់ដោយកូវីដ
ជំងឺកូវីដ ១៩ និងវីរុសបំប្លែងខ្លួនប្រភេទថ្មីបាននិងកំពុងរាលដាលនៅក្នុងប្រទេសប្រេស៊ីលដោយធ្វើឲ្យប្រព័ន្ធវេជ្ជសាស្ត្ររបស់ប្រទេសនេះស្ថិតក្នុងស្ថានភាពធ្ងន់ធ្ងរ ។
វ៉ារ្យ៉ង់នេះត្រូវបានគេជឿថាមានដើមកំណើតនៅទីក្រុង Manaus នៃរដ្ឋ Amazon ហើយបានរីករាលដាលពាសពេញប្រទេសនៅខែនេះ ។
ចំនួនករណីឆ្លងថ្មីប្រចាំថ្ងៃដែលត្រូវបានបញ្ជាក់ថ្មីៗនេះបានកើនឡើងដល់ ៧០,០០០ ករណីដែលជាចំនួនច្រើនជាងគេបំផុតនៅលើពិភពលោកពោលគឺលើសសហរដ្ឋអាមេរិកទៅទៀត ។ ចំណែកការស្លាប់ប្រចាំថ្ងៃវិញបានឡើងដល់ ២,០០០ នាក់នៅថ្ងៃខ្លះ ។
គិតត្រឹមថ្ងៃសុក្រសប្ដាហ៍មុនបន្ទប់សង្គ្រោះបន្ទាន់ (ICU) ជាង ៨០ ភាគរយត្រូវបានប្រើប្រាស់នៅក្នុងរដ្ឋយ៉ាងតិច ២៤ ក្នុងចំណោមរដ្ឋទាំង ២៧ ហើយក៏កំពុងមានខ្វះខាតផងដែរ ។
នៅទីក្រុង Sao Paulo អត្រានៃការប្រើប្រាស់បន្ទប់ ICU បានឡើងដល់ ៩០ ភាគរយនៅសប្តាហ៍នេះ ។ ប្រព័ន្ធផ្សព្វផ្សាយក្នុងស្រុកនិយាយថា មនុស្សរាប់សិបនាក់បានស្លាប់ក្នុងមួយថ្ងៃមុនពេលពួកគេចូលមន្ទីរពេទ្យ ។
ចំណែកនៅឯទីបញ្ចុះសពមួយនៅជាយក្រុង Sao Paulo ជិត ៨០ ភាគរយនៃមនុស្សប្រមាណ ៣០ នាក់ដែលត្រូវបានបញ្ចុះនៅទីនោះជារៀងរាល់ថ្ងៃគឺជាជនរងគ្រោះដោយសារជំងឺកូវីដ ១៩ ។
គួរបញ្ជាក់ថា គិតត្រឹមពេលនេះប្រទេសប្រេស៊ីលមានករណីឆ្លងជំងឺកូវីដ ១៩ សរុបចំនួន ១១,៦០៩,៦០១ ករណី និងមានអ្នកស្លាប់ចំនួន ២៨២,៤០០ នាក់ ហើយជាប្រទេសរងគ្រោះខ្លាំងជាងគេទី ២ លើពិភពលោក បន្ទាប់ពីសហរដ្ឋអាមេរិក ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ប្រេស៊ីល វ៉ា ឥណ្ឌាឡើងលេខ ២ ទាំងករណីឆ្លង និងស្លាប់ដោយសារកូវីដ
ចុចអាន ៖ ធ្ងន់ធ្ងរខ្លាំងណាស់! មនុស្សម្នាក់ស្លាប់រាល់៥០វិនាទីម្តងនៅប្រេស៊ីល ដោយសារកូវីដ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»