ព័ត៌មានអន្ដរជាតិ
វិបត្តិនៅមីយ៉ាន់ម៉ាបង្ហាញពីអស្ថិរភាពម្ដងទៀតដល់ប្លុកអាស៊ាន
ក្រុមអ្នកនយោបាយមកពីប្រទេសក្នុងតំបន់ចំនួន ៦ បាននិយាយកាលពីថ្ងៃពុធថា ប្រទេសជាសមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) កំពុងបរាជ័យក្នុងការដោះស្រាយប្រកបដោយប្រសិទ្ធភាពនូវវិបត្តិដែលបានកើតឡើងនៅក្នុងប្រទេសមីយ៉ាន់ម៉ាចាប់តាំងពីរដ្ឋប្រហារថ្ងៃទី ១ ខែកុម្ភៈ ។
សេចក្តីថ្លែងការណ៍រួមរបស់អតីត និងមេដឹកនាំបច្ចុប្បន្នចំនួន ៦ រូបមកបាននិយាយថា “ខណៈដែលក្រុមបាតុករគាំទ្រលទ្ធិប្រជាធិបតេយ្យដ៏ក្លាហានរបស់មីយ៉ាន់ម៉ាត្រូវបានសម្លាប់ដោយយោធា រដ្ឋាភិបាលអាស៊ានទាំងអស់កំពុងបង្ហាញពីកង្វះឆន្ទៈនយោបាយ និងការរួបរួមគ្នាដើម្បីដាក់សម្ពាធលើរបបយោធាឲ្យបញ្ចប់ការសម្លាប់នេះ” ។
មន្ត្រីទាំងនោះបាននិយាយថា ព្រឹត្តិការណ៍នានានៅក្នុងប្រទេសមីយ៉ាន់ម៉ាបានបង្ហាញជាថ្មីម្តងទៀតនូវភាពអសកម្មរបស់រដ្ឋាភិបាលអាស៊ានក្នុងការដោះស្រាយវិបត្តិក្នុងតំបន់ ។
សេចក្តីថ្លែងការណ៍នោះបាននិយាយថា “អស់រយៈពេលជាច្រើនទសវត្សរដ្ឋាភិបាលអាស៊ានបានបរាជ័យក្នុងការការពារប្រជាជនរបស់ពួកគេពីវិបត្តិមួយទៅវិបត្តិមួយរួមមានការបំពុលបរិយាកាសឆ្លងដែន គ្រោះមហន្តរាយមនុស្សធម៌រ៉ូហ៊ីងយ៉ា និងការរំលោភបំពានប្រឆាំងលទ្ធិប្រជាធិបតេយ្យ និងសិទ្ធិមនុស្សជាច្រើន” ។
ក្រុមមន្រ្តីបាននិយាយថា វេទិកាអាស៊ានត្រូវបានរងគ្រោះដោយគោលលទ្ធិនៃការមិនជ្រៀតជ្រែកដោយខ្លួនឯង ។
សេចក្តីថ្លែងការណ៍នេះបាននិយាយថា “គោលលទ្ធិនេះប្រហែលជាត្រូវការជាចាំបាច់កាលពីអតីតកាល ប៉ុន្តែវាបានក្លាយជាឧបសគ្គដ៏ធំមួយ ហើយរារាំងដល់ការអភិវឌ្ឍលទ្ធិប្រជាធិបតេយ្យដែលមានការចូលរួម និងការការពារសិទ្ធិជាមូលដ្ឋានរបស់ប្រជាជនអាស៊ាន” ។
សមាជិកសភាទាំង ៦ រូបបានទទូចដល់រដ្ឋាភិបាលអាស៊ានឲ្យបោះបង់ចោលគោលលទ្ធិចាស់ និងស្វែងរកវិធីថ្មីនៃការចូលរួមប្រកបដោយលក្ខណៈស្ថាបនាជាមួយនឹងជម្រើសនៃការដាក់ទណ្ឌកម្មពាណិជ្ជកម្ម និងសេដ្ឋកិច្ចទៅលើរបបយោធាមីយ៉ាន់ម៉ា ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ រុស្ស៊ី ត្រៀមខ្លួនសហការជាមួយអាស៊ាន ដោះស្រាយវិបត្តិមីយ៉ាន់ម៉ា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»