ព័ត៌មានអន្ដរជាតិ
អាមេរិក និងចិនជួបគ្នាក្នុងកិច្ចប្រជុំកំពូលម្សិលមិញព្រមានគ្នាចាស់ដៃទៅវិញទៅមក
រដ្ឋមន្ត្រីក្រសួងការបរទេសអាមេរិក Antony Blinken បាននិយាយនៅថ្ងៃព្រហស្បតិ៍ ទី១៨ ខែមីនា ម្សិលមិញនៅក្នុងការបើកកិច្ចប្រជុំរយៈពេលពីរ២ថ្ងៃជាមួយសមភាគីចិននៅអាឡាស្កាថា ទង្វើរបស់ប្រទេសចិន«គំរាមកំហែងដល់សណ្ឋាប់ធ្នាប់ផ្នែកលើច្បាប់រក្សាស្ថេរភាពសកល។
លោក Blinken បាននិយាយនៅកិច្ចប្រជុំកំពូលទីក្រុង Anchorage ជាមួយមន្ត្រីការទូតបក្សកុម្មុយនីសចិនកំពូលលោក Yang Jiechi និងរដ្ឋមន្ត្រីក្រសួងការបរទេសលោក Wang Yi ថា ភាគីអាមេរិកនឹង«ពិភាក្សាពីកង្វល់ស៊ីជម្រៅរបស់យើងចំពោះសកម្មភាពរបស់ចិន រាប់បញ្ចូលទាំងតំបន់ស៊ីនជាំង»ដែលរដ្ឋបាលទីក្រុងវ៉ាស៊ីនតោនបានចោទប្រកាន់រដ្ឋបាលទីក្រុងប៉េកាំងពីបទ«អំពើប្រល័យពូជសាសន៍»ប្រឆាំងនឹងមូស្លីម Uyghur។
លោកបន្ថែមថា នឹងមានការសន្ទនាពី«ទីក្រុងហុងកុង កោះតៃវ៉ាន់ ការវាយប្រហារតាមអ៊ីនធើណេត លើសហរដ្ឋអាមេរិក ការបង្ខិតបង្ខំផ្នែកសេដ្ឋកិច្ចទៅលើសម្ព័ន្ធភាពរបស់យើង»។
ទីប្រឹក្សាសន្តិសុខជាតិរបស់លោកប្រធានាធិបតី ចៃ បៃដិ លោក Jake Sullivan បានបន្ថែមថា សហរដ្ឋអាមេរិកមិនចង់មានជំលោះជាមួយប្រទេសចិនទេ ប៉ុន្តែស្វាគមន៍ប្រកួតប្រជែងយ៉ាងស្វិតស្វាញជាមួយដៃគូយុទ្ធសាស្ត្ររបស់ខ្លួន។
លោក Sullivan បានព្រមានថា ៖«ហើយយើងនឹងលើកឡើងគោលការណ៍របស់យើងសម្រាប់ប្រជាជនរបស់យើង និងសម្រាប់មិត្តភក្តិរបស់យើង»។
លោក Yang បានឆ្លើយតបក្នុងសុន្ទរកថាជាភាសាចិនរយៈពេល១៥នាទី នៅពេលភាគីអាមេរិកបានរង់ចាំការបកប្រែថា លទ្ធិប្រជាធិបតេយ្យកំពុងតស៊ូរបស់សហរដ្ឋអាមេរិក និងការប្រព្រឹត្តអាក្រក់ទៅលើជនជាតិភាគតិច។
លោកបានគំរាមថា «ចំណាត់ការម៉ឺងម៉ាត់ប្រឆាំងនឹងការជ្រៀតជ្រែករបស់អាមេរិក» និងបានអំពាវនាវឲ្យបញ្ឈប់នូវស្មារតីសង្គ្រាមត្រជាក់ដែលធ្វើឲ្យទំនាក់ទំនងគូប្រជែងមិនចុះសម្រុងគ្នា។
លោកបន្តថា ៖«ប្រទេសចិនជំទាស់ដាច់ខាតចំពោះការជ្រៀតជ្រែករបស់អាមេរិកចំពោះកិច្ចការផ្ទះក្នុងរបស់ចិន។ យើងបានបង្ហាញជំហររឹងមាំប្រឆាំងនឹងការជ្រៀតជ្រែកបែបនេះ ហើយយើងនឹងចាត់វិធានការម៉ឺងម៉ាត់ដើម្បីឆ្លើយតប»។
«អ្វីដែលយើងត្រូវការធ្វើគឺឲ្យបោះបង់ចោលនូវស្មារតីសង្គ្រាមត្រជាក់ និងវិធីសាស្ត្រនៃបូកផលសូន្យ»។ លោកបានសង្កត់ធ្ងន់។
លោក Yang បន្ថែមថា ៖«សហរដ្ឋអាមេរិកប្រើប្រាស់កម្លាំងយោធារបស់ខ្លួន និងអនុត្តរភាពហិរញ្ញវត្ថុដើម្បីអនុវត្តយុត្តាធិការអាវុធវែង និងបង្ក្រាបប្រទេសដទៃ»។
«វារំលោភលើអ្វីដែលគេហៅថា សញ្ញាសន្តិសុខជាតិដើម្បីរារាំងការផ្លាស់ប្តូរពាណិជ្ជកម្មធម្មតា និងញុះញង់ប្រទេសមួយចំនួនឲ្យវាយប្រហារប្រទេសចិន»។
តាមសំដីរបស់លោក Yang ដែលបានលើកឡើង លោក Blinken អាចឆ្លើយតបវិញតាមរយៈអ្នកកាសែតនៅក្នុងបន្ទប់។
លោក Sullivan បាននិយាយថា សហរដ្ឋអាមេរិកមិនបានស្វែងរកជំលោះជាមួយប្រទេសចិនទេ ប៉ុន្តែក្រោកឈរឡើងក្នុងគោលការណ៍ និងសម្រាប់មិត្តភក្តិ។
រដ្ឋាភិបាលទីក្រុងវ៉ាស៊ីនតោនបាននិយាយថា ដំណើរទស្សនកិច្ចនៅអាស៊ី មុនពេលកិច្ចប្រជុំជាមួយមន្ត្រីចិន ក៏ដូចជាផ្សព្វផ្សាយទៅកាន់អឺរ៉ុប ឥណ្ឌា និងដៃគូផ្សេងៗទៀត បានបង្ហាញពីរបៀបដែលសហរដ្ឋអាមេរិកបានពង្រឹងកណ្តាប់ដៃរបស់ខ្លួនដើម្បីប្រឈមនឹងប្រទេសចិន ចាប់តាំងពីលោកប្រធានាធិបតី ចូ បៃដិន ឡើងកាន់អំណាចកាលពីខែមករា៕
ប៉ុន្តែភាគីទាំងពីរទំនងជាព្រមព្រៀងគ្នាតិចតួចប៉ុណ្ណោះនៅក្នុងកិច្ចប្រជុំដែលត្រូវបានគេរំពឹងថានឹងបន្តនៅថ្ងៃសុក្រនេះ៕
ប្រែសម្រួល៖ វីរបុត្រ
ប្រភព៖ CNA
មនុស្សស្លាប់គរជើងគ្នា ក្នុងវាយប្រហារភេរវកម្មដ៏រន្ធត់នៅផ្សារទំនើប រុស្ស៊ី
កម្ពុជា ចូលរួមកិច្ចប្រជុំផែនការយុទ្ធសាស្ត្រ វប្បធម៌អាស៊ាន ក្រោយឆ្នាំ២០២៥
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»