ព័ត៌មានអន្ដរជាតិ
អត្រាមនុស្សចាស់ឆ្លង និងស្លាប់ដោយកូវីដនៅ អឺរ៉ុប ធ្លាក់ចុះ ក្រោយចាក់វ៉ាក់សាំងដូសដំបូង
ចំនួននៃការឆ្លង និងស្លាប់ដោយសារជំងឺកូវីដ ១៩ ក្នុងចំណោមប្រជាជនវ័យចំណាស់នៅអឺរ៉ុបបានធ្លាក់ចុះ បន្ទាប់ពីពួកគេបានទទួលការចាក់វ៉ាក់សាំងយ៉ាងហោចណាស់មួយដង ។
ប្រទេសនៅអ៊ឺរ៉ុបមួយចំនួនបានចាប់ផ្តើមយុទ្ធនាការចាក់វ៉ាក់សាំងនៅដើមខែធ្នូដោយផ្តល់អាទិភាពខ្ពស់ដល់មនុស្សចាស់ ខណៈរហូតមកដល់ពេលនេះមន្ត្រីរដ្ឋាភិបាល និងអ្នកជំនាញនិយាយថា ការចាក់វ៉ាក់សាំងបាននិងកំពុងដំណើរការ ។
នៅប្រទេសបារាំងជាង ៤០ ភាគរយនៃមនុស្សដែលមានអាយុលើសពី ៧៥ ឆ្នាំបានទទួលការចាក់វ៉ាក់សាំងយ៉ាងហោចណាស់មួយដូសកាលពីថ្ងៃចន្ទ ។
ទន្ទឹមនោះក្នុងចំណោមប្រជាជនប្រហែល ៧០០,០០០ នាក់នៃមណ្ឌលលថែទាំមនុស្សចាស់នៅទូទាំងប្រទេស ៨៩ ភាគរយបានចាក់វ៉ាក់សាំងមួយដូស និង ៦៨ ភាគរយចាក់ពីរដូស ។
មន្ត្រីសុខាភិបាលបារាំងនិយាយថា ក្នុងខែមករាចំនួនមនុស្សចាស់ជរានៅតាមមណ្ឌលថែទាំដែលបានធ្វើតេស្តវិជ្ជមានប្រចាំសប្តាហ៍បានកើនឡើងដល់ ៩,០០០ នាក់ ។
ប៉ុន្តែពួកគេនិយាយថា អត្រាឆ្លង និងស្លាប់ប្រចាំសប្តាហ៍បានធ្លាក់ចុះប្រហែល ២ ភាគ ៣ នៅដើមខែនេះ ។
លោកនាយករដ្ឋមន្រ្តី Jean Castex បានប្រាប់អ្នកសារព័ត៌មានកាលពីដើមខែនេះថា ក្រុមមន្រ្តីបានបញ្ជាក់ពីប្រសិទ្ធភាពនៃការចាក់វ៉ាក់សាំងសម្រាប់ប្រជាជនដែលមានហានិភ័យខ្ពស់នៃការឆ្លង ។
មនុស្សជាង ២៥,០០០ នាក់បានស្លាប់ដោយសារជំងឺកូវីដ ១៩ នៅឯមណ្ឌលថែទាំមនុស្សចាស់នៅទូទាំងប្រទេសបារាំងចាប់តាំងពីមានការផ្ទុះឡើងនៅឆ្នាំមុន ។ ចំនួននេះគឺច្រើនជាងមួយភាគបួននៃចំនួនអ្នកស្លាប់ដោយសារជំងឺកូវីដ ១៩ សរុបទូទាំងប្រទេស ។
ទន្ទឹមនោះមន្ត្រីជាន់ខ្ពស់នៃក្រុមប្រតិបត្តិករមណ្ឌលថែទាំមនុស្សចាស់បារាំងនិយាយថា លោកសង្ឃឹមថា ការចាក់វ៉ាក់សាំងនឹងជួយឲ្យជីវិតវិលត្រឡប់មករកភាពធម្មតាវិញ ខណៈឆ្នាំមុនៗជំងឺកូវីដ ១៩ បានបំផ្លិចបំផ្លាញពួកយើង ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ដំណឹងល្អ! វ៉ាក់សាំងចាក់តែមួយដូស Johnson & Johnson មានសុវត្ថិភាពលើមនុស្សអាយុលើស ១៨ ឆ្នាំ
ចុចអាន ៖ វ៉ាក់សាំងសាកលវិទ្យាល័យ Oxford មានប្រសិទ្ធភាពប្រឆាំងវីរុសប្រេស៊ីល លើសការរំពឹងទុក
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»