ព័ត៌មានអន្ដរជាតិ
ឯកអគ្គរដ្ឋទូតមីយ៉ាន់ម៉ាប្រចាំ UN ជំរុញសហគមន៍អន្តរជាតិដាក់ទណ្ឌកម្មលើយោធាតឹងរ៉ឹងជាងនេះ
ឯកអគ្គរដ្ឋទូតមីយ៉ាន់ម៉ាប្រចាំនៅអង្គការសហប្រជាជាតិ (UN) បានជំរុញសហគមន៍អន្តរជាតិឲ្យដាក់ទណ្ឌកម្មតឹងរ៉ឹងជាងនេះប្រឆាំងនឹងយោធារបស់ប្រទេសខ្លួន ហើយមិនត្រូវទទួលស្គាល់ការគ្រប់គ្រងរបស់យោធាលើប្រទេសនេះឡើយ ។
លោក Kyaw Moe Tun បានថ្លែងបែបនេះជាមួយសារព័ត៌មានជប៉ុន NHK នៅក្នុងបទសម្ភាសន៍មួយនៅថ្ងៃចន្ទនេះ ។ គាត់បានបន្តធ្វើជាឯកអគ្គរដ្ឋទូតអង្គការសហប្រជាជាតិ ទោះបីជាគាត់ត្រូវបានយោធាបណ្តេញចេញ បន្ទាប់ពីបានថ្កោលទោសយោធានៅឯមហាសន្និបាតអង្គការសហប្រជាជាតិក៏ដោយ ។ គាត់កំពុងប្រឈមនឹងដីកាចាប់ខ្លួន ក្រោយត្រូវបានចោទប្រកាន់ពីបទក្បត់ជាតិកម្រិតខ្ពស់ ។
លោក Kyaw Moe Tun បាននិយាយថា សហគមន៍អន្តរជាតិគួរតែចាត់វិធានការប្រឆាំងនឹងយោធាមីយ៉ាន់ម៉ាតាមគ្រប់មធ្យោបាយ ។ លោកបានបន្ថែមថា ទណ្ឌកម្មប្រឆាំងនឹងយោធាគួរតែត្រូវបានសម្របសម្រួល កំណត់គោលដៅ និងតឹងរ៉ឹងជាងមុន ។
ជាមួយគ្នានេះទូរទស្សន៍រដ្ឋរបស់មីយ៉ាន់ម៉ាបានដកស្រង់សុន្ទរកថារបស់មេដឹកនាំយោធាគឺឧត្តមសេនីយ Min Aung Hlaing ដែលក្នុងនោះលោកបាននិយាយថា ប្រទេសត្រូវតែការពារពីការគំរាមកំហែងពីខាងក្រៅ ។
ក្រុមអ្នកវិភាគនិយាយថា ការបង្ក្រាបយ៉ាងខ្លាំងទៅលើក្រុមបាតុករប្រឆាំងនឹងរដ្ឋប្រហារអាចនឹងកើតឡើងនៅជិតពិធីប្រារព្ធខួបយោធាដែលគ្រោងធ្វើឡើងនៅថ្ងៃសៅរ៍ ទី២៧ ខែមីនា ។
ក្រុមបាតុករនៅកណ្តាលក្រុង Monywa និងកន្លែងផ្សេងទៀតបានប្រឈមនឹងការបង្ក្រាបកាលពីថ្ងៃអាទិត្យ ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា មនុស្ស ២ នាក់ត្រូវបានសម្លាប់ ។
ក្រុមសិទ្ធិមនុស្សក្នុងតំបន់បានចេញសេចក្តីថ្លែងការណ៍មួយដែលនិយាយថា ចំនួនអ្នកស្លាប់ដែលទាក់ទងនឹងការបង្ក្រាបចាប់តាំងពីរដ្ឋប្រហារថ្ងៃទី ១ ខែកុម្ភៈបានកើនឡើងដល់ ២៤៧ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ក្រុមប្រឹក្សាសន្តិសុខរបស់ UN បរាជ័យចាត់វិធានការរួមគ្នាលើប្រទេសមីយ៉ាន់ម៉ា
ចុចអាន ៖ UN ជំរុញឲ្យមានការដាក់ទណ្ឌកម្មអាវុធជាសកលលើប្រទេសមីយ៉ាន់ម៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត