សភារុស្ស៊ីអនុម័តច្បាប់ឲ្យលោក ពូទីន ឈរឈ្មោះ ២ អាណត្តិទៀត

សភាជាន់ទាបរបស់រុស្ស៊ី ឬហៅថា State Duma បានអនុម័តកាលពីថ្ងៃពុធនូវការប្រកាសលើកទី ៣ នៃច្បាប់មួយដែលអនុញ្ញាតឲ្យប្រធានាធិបតីលោក វ្លាឌីមៀរ ពូទីន ឈរឈ្មោះសម្រាប់ ២ អាណត្តិទៀត ។

ក្រៅពីការកំណត់ល័ក្ខខ័ណ្ឌក្នុងតំណែងជាប្រធានាធិបតីកាលពីពេលកន្លងទៅ ច្បាប់នេះបានកំណត់តម្រូវការសម្រាប់បេក្ខជនប្រធានាធិបតីដូចជាសញ្ជាតិរុស្ស៊ី និងអាយុអប្បបរមា ៣៥ ឆ្នាំ ។ អ្នកឈរឈ្មោះបោះឆ្នោតត្រូវតែមានទីលំនៅជាអចិន្ត្រៃយ៍នៅប្រទេសរុស្ស៊ីយ៉ាងហោចណាស់ ២៥ ឆ្នាំ ហើយមិនដែលមានសញ្ជាតិ ឬទីលំនៅនៅប្រទេសមួយទៀតឡើយ ។

បទប្បញ្ញត្តិនេះមិនអនុវត្តចំពោះជនជាតិរុស្ស៊ីដែលមានសញ្ជាតិត្រូវបានអនុម័តដោយប្រទេសមួយទៀត ឬផ្នែកខ្លះនៃច្បាប់ដែលត្រូវបានអនុម័តនៅក្នុងសហព័ន្ធរុស្ស៊ីតាមច្បាប់រដ្ឋធម្មនុញ្ញសហព័ន្ធ ។

គួរបញ្ជាក់ផងដែរថា ច្បាប់នេះសំដៅការកំណត់អាយុ ៣០ ឆ្នាំសម្រាប់មនុស្សម្នាក់ដែលកាន់តំណែងជាប្រធានគណៈកម្មាធិការកណ្ដាលរៀបចំការបោះឆ្នោត ក៏ដូចជាលក្ខន្តិកៈជាពលរដ្ឋរុស្ស៊ីជាដើម ។

កាលពីឆ្នាំមុនប្រទេសរុស្ស៊ីបានធ្វើការបោះឆ្នោតលើការធ្វើវិសោធនកម្មរដ្ឋធម្មនុញ្ញ ហើយបន្ទាប់ពីការបោះឆ្នោតនោះសមាជិកសភារុស្ស៊ីបានចាប់ផ្តើមបង្កើតច្បាប់ដែលមានស្រាប់ស្របតាមរដ្ឋធម្មនុញ្ញថ្មី ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ លោក ពូទីន ប្រាប់ពីអារម្មណ៍ ក្រោយចាក់វ៉ាក់សាំងការពារកូវីដ

ចុចអាន ៖ លោក ពូទីន នឹងចាក់វ៉ាក់សាំង Sputnik V បញ្ចប់ការរិះគន់របស់បរទេស