ព័ត៌មានអន្ដរជាតិ
យោធាចោទលោកស្រី អ៊ុងសាន ស៊ូជី ប្រើបច្ចេកវិទ្យាក្លែងក្លាយដើម្បីដាក់បន្ទុកលើអំពើពុករលួយ
ការប៉ុនប៉ងរបស់យោធាដើម្បីដាក់បន្ទុកបន្ថែមលើការចោទប្រកាន់អំពើពុករលួយចំពោះទីប្រឹក្សារដ្ឋជាប់ឃុំលោកស្រី អ៊ុងសាន ស៊ូជី តាមរយៈវីដេអូឃ្លីមួយរបស់រដ្ឋមន្ត្រីជាប់ឃុំប្រចាំទីក្រុងយ៉ាំងហ្គោនដែលត្រូវបានចោទប្រកាន់ពីការសូកប៉ានដល់លោកស្រី។
ប្រជាពលរដ្ឋជាច្រើនបានងឿឆ្ងល់នឹងភាពត្រឹមត្រូវនៃវីដេអូ ខណៈចលនាបបូរមាត់របស់រដ្ឋមន្ត្រីមិនត្រូវនឹងសំឡេង។
កាលពីថ្ងៃទី១១ ខែមីនា អ្នកនាំពាក្យរបបយោធាបានចោទប្រកាន់លោកស្រី អ៊ុងសាន ស៊ូជី បានទទួលប្រាក់ចំនួន៦០ម៉ឺនដុល្លារអាមេរិក និងមាសជាង៩គីឡូក្រាមពីលោក U Phyo Min Thein ដែលជារដ្ឋមន្ត្រីប្រចាំតំបន់ទីក្រុងយ៉ាំងហ្គោនចន្លោះខែធ្នូ ឆ្នាំ២០១៧ ដល់ខែមីនា ឆ្នាំ២០១៨។
វីដេអូដែលមានរយៈពេល ៤:៤៣នាទីត្រូវបានបង្ហាញកំឡុងពេលធ្វើសន្និសីទកាសែតមួយដែលរៀបចំឡើងដោយអ្នកនាំពាក្យរបស់យោធាមីយ៉ាន់ម៉ាកាលពីថ្ងៃអ្គារនៅរដ្ឋធានីណាយពិដោ។
អ្នកនាំពាក្យបាននិយាយថា វីដេអូរបស់លោក U Phyo Min Thein ផ្តល់ឲ្យនូវភស្តុតាដើម្បីចោទប្រកាន់ ដែលនេះជាការប្រឹងប្រែងដើម្បីបំបាត់ការសង្ស័យជាសាធារណៈជុំវិញករណីនេះ។
លោក U Phyo Min Thein ដែលឥឡូវត្រូវបានឃុំខ្លួនដោយរបបយោធាបាននិយាយនៅលើវីដេអូថា លោកបានទៅជួបលោកស្រី អ៊ុងសាន ស៊ូជី ហោចណាស់៣ដងនៅបរិវេណមួយសម្រាប់មូលនិធិសប្បុរសធម៌របស់លោកស្រីទីប្រឹក្សារដ្ឋ Daw Khin Kyi Foundation ដើម្បីកាត់បន្ថយតម្លៃ។
លោកស្រី អ៊ុងសាន ស៊ូជី ត្រូវបានរបបយោធាឃុំខ្លួនភ្លាមៗ បន្ទាប់ពីរដ្ឋប្រហារដោយយោធាកាលពីថ្ងៃទី១កុម្ភៈ។ របបយោធាបានចោទប្រកាន់៤ករណីប្រឆាំងនឹងទីប្រឹក្សារដ្ឋដែលត្រូវបណ្តេញចេញក្នុងនោះមាន ការញុះញុង ការប្រើប្រាស់អាយកូបដោយគ្មានអាជ្ញាប័ណ្ណ និងរំលោភលើការរឹតត្បិតកូវីដ-១៩។
របបយោធាក៏បានចោទប្រកាន់លោកស្រីបទអំពើពុករលួយមួយករណីទៀតដោយចោទថា អ្នកជំនួញម្នាក់បានផ្តល់ប្រាក់សរុប៥៥ម៉ឺនដុល្លារអាមេរិកដល់លោកស្រី អ៊ុងសាន ស៊ូជី ក្នុងពេល៤ដងផ្សេងគ្នាចន្លោះឆ្នាំ២០១៨ និង២០២០។
ប៉ុន្តែវីដេអូឃ្លីបរបស់អ្នកជំនួញនោះបាននិយាយដែរថា គាត់បានផ្តល់លុយជាសាច់ប្រាក់ទៅលោកស្រីដោយគ្មានសាក្សី។
ប្រសិនបើរកឃើញកំហុសទាំងពីរករណី លោកស្រី អ៊ុងសាន ស៊ូជី អាយុ៧៥ឆ្នាំ នឹងប្រឈមនឹងជាប់ពន្ធនាគាររយៈពេល៣០ឆ្នាំ ដែលមានន័យថា លោកស្រីនឹងចំណាយពេលវេលាសេសសល់ក្នុងជីវិតនៅក្នុងពន្ធនាគារ៕
ប្រែសម្រួល៖ វីរបុត្រ
ប្រភព៖ Irrawaddy
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»