ព័ត៌មានអន្ដរជាតិ
អភិបាលរដ្ឋអាមេរិក២៦នាក់ថ្កោលទោសហិង្សាលើពលរដ្ឋអាស៊ីនៅអាមេរិក
ជាផ្នែកមួយនៃកិច្ចខិតខំប្រឹងប្រែងដើម្បីគូសបញ្ជាក់អំពី«ទិវាជាតិនៃសកម្មភាព និងការផ្សះផ្សា»កាលពីថ្ងៃសុក្រ អភិបាលរដ្ឋចំនួន២៦នាក់នៅសហររដ្ឋអាមេរិកបានចេញសេចក្តីថ្លែងការណ៍រួមមួយថ្កោលទោសចំពោះហិង្សាលើជនជាតអាមេរិកដើមកំណើតអាស៊ីដែលត្រូវបានគេមើលឃើញថា កើនឡើងចាប់តាំងពីការផ្ទះកូវីដ-១៩មួយឆ្នាំកន្លងទៅនេះ។
សេចក្តីថ្លែងការណ៍រួមបានលើកឡើងថា ៖«អ្វីដែលកំពុងកើតឡើងចំពោះពលរដ្ឋអាមេរិកដើមកំណើតអាស៊ីធម្មតាមិនមែនអាមេរិកទេ។ យើងថ្កោលទោសរាល់ការរើសអើងពូជសាសន៍ អំពើហិង្សា និងស្អប់ខ្ពើមប្រឆាំងនឹងសហគមន៍ជនជាតិអាស៊ី-ប៉ាស៊ីហ្វិកដែលនៅអាមេរិក(AAPI)របស់យើង ហើយយើងត្រូវតែធ្វើបន្ថមទៀតដើម្បីការពារ លើកស្ទួយ និងគាំទ្រសហគមអាស៊ី-អាមេរិក»។
ការថ្កោលទោសនេះធ្វើឡើងនៅក្នុងសប្តាហ៍នៃការបាញ់ហាងស្ប៉ាគ្រប់គ្រងដោយជនជាតិអាស៊ីចំនួន៣កន្លែងនៅតំបន់ Atlanta ភាគខាងត្បូងរដ្ឋ Georgia នៅសហរដ្ឋអាមេរិក។ ក្នុងចំណោមអ្នកស្លាប់៨នាក់មានស្ត្រីអាស៊ី៦នាក់ត្រូវបានសម្លាប់។
សេចក្តីថ្លែងការណ៍ថា ៖«ការបាត់បង់គួរឲ្យសោកសៅរបស់មនុស្សជាទីស្រឡាញ់នៅ Atlanta បណ្តាលឲ្យមនុស្ស៨នាក់ស្លាប់ រាប់បញ្ចូលទាំងពលរដ្ឋអាស៊ីនៅអាមេរិក៦នាក់ផងនោះគឺជាផ្នែកនៃសោកនាដកម្មដ៏ឈឺចាប់ និងយូរអង្វែងនៃទង្វើស្អប់ខ្ពើមទៅលើពលរដ្ឋអាស៊ីនៅអាមេរិកទូទាំងសហគមន៍»។
សេចក្តីថ្លែងការណ៍ត្រូវបានចុះហត្ថលេខាដោយអភិបាលរដ្ឋមកគណបក្សសាធារណៈ២នាក់ និងគណបក្សប្រជាធិបតេយ្យ២៤នាក់រាប់បញ្ចូលទាំងលោក Lourdes Leon Guerrero អភិបាលរដ្ឋនៃទឹកដីហ្គាំ។
យោងតាម Stop AAPI Hate ជាអង្គការសង្គមមិនរកប្រាក់ចំណេញដែលមានមូលដ្ឋាននៅរដ្ឋកាលីហ្វញ៉ាកំពុងកត់ត្រា និងចងក្រងសកម្មភាពអំពើហិង្សាលើពលរដ្ឋអាមេរិកដើមកំណើតអាស៊ី-ប៉ាស៊ីហ្វិកថា ខ្លួនទទួលបានរបាយការណ៍ជិត៣៨០០ករណីនៃការវាយប្រហារ ឬការរំលោភបំពានទៅលើប្រជាជនអាស៊ីពីខែមីនា ឆ្នាំ២០២០ ដល់ខែកុម្ភៈ ឆ្នាំ២០២១៕
ប្រែសម្រួល៖ វីរបុត្រ
ប្រភព៖ Xinhuanet
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?