លោក Trump អះអាងថា ខ្លួនបានឈ្នះការបោះឆ្នោតដោយសំឡេង ៧១ លាន

ប្រធានាធិបតី ដូណាល់ត្រាំ បានអះអាងថា លោកបានឈ្នះការប្រកួតប្រជែងប្រធានាធិបតីអាមេរិក ទោះបីជាគូប្រជែងរបស់ខ្លួន Joe Biden ប្រមូលសន្លឹកឆ្នោតបានលើស ២៧០ សំឡេងក៏ដោយ។

Trum និយាយថា “អ្នកសង្កេតការណ៍មិនត្រូវអនុញ្ញាតិឲ្យចូលក្នុងបន្ទប់រាប់សន្លឹកនោះទេ។ ខ្ញុំបានឈ្នះការបោះឆ្នោតដោយទទួលបានសំឡេងស្របច្បាប់ចំនួន ៧១ លាន។ រឿងអាក្រក់បានកើតឡើងមិនធ្លាប់មានពីមុនសោះ។ សន្លឹកឆ្នោតរាប់លានសន្លឹកត្រូវបានផ្ញើទៅលើមនុស្សដែលមិនបានបោះឆ្នោត! “។

នៅក្នុងសារធ្វីតធ័របន្តសរសេរទៀតថា “សន្លឹកឆ្នោតស្របច្បាប់ចំនួន ៧១,០០០,០០០ សក្តិសមបំផុតសម្រាប់ប្រធានាធិបតីអង្គុយ!”

បច្ចុប្បន្នលោក បៃដិន ទទួលបានសំឡេងគាំទ្រចំនួន ២៩០ សំឡេង ក្រោយការប្រមូលសរុប ខណៈបណ្ដាញសារព័ត៌នានាក៏បានហៅ រដ្ឋ Nevada ថាជារដ្ឋចុងក្រោយដែលកំណត់ប្រធានាធិបតីជាប់ឆ្នោតថ្មី។

យ៉ាងណាក្ដី Donald Trump និយាយថា ក្រុមរបស់លោកនឹងចាប់ផ្តើមការតវ៉ាផ្លូវច្បាប់នៅថ្ងៃចន្ទនេះ ប៉ុន្តែលោកមិនទាន់បានបញ្ជាក់ រដ្ឋណាដែលត្រូវប្ដឹងនោះទេ៕

ប្រែសម្រួល៖ សន្យា

ប្រភព៖ AA

ចុចអាន៖ ពាក្យបណ្តឹងរបស់លោក Trump គ្រាន់តែជាវិធីពន្យារពេល មិនចង់ឲ្យខ្លួនចាញ់លឿនពេកប៉ុណ្ណោះ

ចុចអាន៖ មូលហេតុ ៥ យ៉ាងដែលលោក Joe Biden ឈ្នះសំឡេងឆ្នោតគគ្រឹកគគ្រេង