ព័ត៌មានអន្ដរជាតិ
កាន់តែសាហាវ! ប្រជាជន មីយ៉ាន់ម៉ា រត់ភៀសខ្លួនទៅថៃ ដោយសារការវាយប្រហារតាមអាកាសពីយោធា
អង្គការមួយសម្រាប់ក្រុមជនជាតិភាគតិចការ៉ែន (Karen) ក្នុងប្រទេសមីយ៉ាន់ម៉ានិយាយថា ប្រជាជនជាង ៣,០០០ នាក់បានភៀសខ្លួនទៅកាន់ប្រទេសថៃដែលនៅជិតខាង ដោយសារការវាយប្រហារតាមអាកាស ។
អង្គការនេះបានធ្វើការប្រកាសកាលពីថ្ងៃអាទិត្យដោយជំរុញឲ្យយោធាបញ្ឈប់ការវាយប្រហារតាមអាកាសរបស់ខ្លួន ។
ទន្ទឹមនោះទូរទស្សន៍រដ្ឋរបស់មីយ៉ាន់ម៉ាបានរាយការណ៍កាលពីយប់ថ្ងៃអាទិត្យថា កងកម្លាំងជីវពលបានវាយប្រហារទៅលើប៉ុស្តិ៍យោធាដោយរំលោភកិច្ចព្រមព្រៀងឈប់បាញ់ ហើយវាត្រូវបានគេមើលឃើញថាយោធាបានទទួលរងការវាយប្រហារកាលពីថ្ងៃសៅរ៍ដោយក្រុមប្រដាប់អាវុធមកពីរដ្ឋ Karen ភាគអាគ្នេយ៍ ។
ប្រព័ន្ធផ្សព្វផ្សាយបានបន្ថែមថា យោធានឹងចាត់វិធានការចាំបាច់ដើម្បីជាការបង្ហាញថា ខ្លួនបានធ្វើការតបតវិញ ។
ចំនួនសមាជិកប្រដាប់អាវុធកាន់តែច្រើនឡើងៗមកពីក្រុមជនជាតិភាគតិចនៅក្នុងប្រទេសមីយ៉ាន់ម៉ាបាននិងកំពុងជួយក្រុមបាតុករប្រឆាំងនឹងការធ្វើរដ្ឋប្រហារនៅថ្ងៃទី ១ ខែកុម្ភៈ ។
ពួកគេបានឆ្លើយតបទៅនឹងការអំពាវនាវរកជំនួយពីគណៈកម្មាធិការដែលតំណាងឲ្យសភា Pyidaungsu Hluttaw ដែលរួមមានសមាជិកនៃគណបក្សសម្ព័ន្ធជាតិដើម្បីប្រជាធិបតេយ្យ (NLD) ដឹកនាំដោយលោកស្រី អ៊ុងសាន ស៊ូជី ខណៈលោកស្រីស្ថិតក្នុងចំណោមអ្នកដែលត្រូវបានចាប់ខ្លួនដោយយោធា ។
យោធាបាននិងកំពុងបង្ក្រាបក្រុមបាតុករ ។ ប្រព័ន្ធផ្សព្វផ្សាយក្នុងស្រុករាយការណ៍ថា មនុស្ស ៥ នាក់ត្រូវបានសម្លាប់កាលពីថ្ងៃអាទិត្យ បន្ទាប់ពីមនុស្ស ១១៤ នាក់បានបាត់បង់ជីវិតកាលពីថ្ងៃសៅរ៍ដែលជាទិវានៃកងកម្លាំងប្រដាប់អាវុធ ហើយក៏ជាចំនួនអ្នកស្លាប់ខ្ពស់បំផុតក្នុងមួយថ្ងៃចាប់តាំងពីរដ្ឋប្រហារ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ហួសហេតុ សូម្បីពិធីបុណ្យសពក៏យោធាមីយ៉ាន់ម៉ាបាញ់ប្រហារដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង