ព័ត៌មានអន្ដរជាតិ
រន្ទះបាញ់រោងចក្រចម្រាញ់ប្រេងធំបំផុតរបស់ឥណ្ឌូណេស៊ី បង្កជាអគ្គិភ័យយ៉ាងសន្ធោសន្ធៅគួរឲ្យរន្ធត់ (មានវីដេអូ)
អគ្គិភ័យដ៏ធំមួយ បានផ្ទុះឡើងនៅថ្ងៃចន្ទនេះ នៅឯរោងចក្រចម្រាញ់ប្រេងដ៏ធំបំផុតមួយរបស់ប្រទេសឥណ្ឌូណេស៊ី បន្ទាប់ពីការផ្ទុះដ៏ខ្លាំងក្លាបានប្រែក្លាយទីតាំងរោងចក្រដ៏ធំល្វឹងល្វើយ ទៅជាអណ្តាតភ្លើងដ៏កាចសាហាវដូចជាឋាននរក។
ក្រុមពន្លត់អគ្គិភ័យបានប្រយុទ្ធដើម្បីទប់ទល់នឹងអណ្តាតភ្លើង នៅឯរោងចក្រចម្រាញ់ប្រេង Balongan ក្នុងខេត្តជ្វាខាងលិច ដែលដំណើរការដោយក្រុមហ៊ុនប្រេងរដ្ឋ Pertamina។
មនុស្សចំនួន៥នាក់ បានរងរបួសធ្ងន់ហើយអ្នកស្រុកប្រហែល១,០០០នាក់ ត្រូវបានជម្លៀសចេញពីកន្លែងកើតហេតុបន្ទាប់ពីអគ្គិភ័យ ផ្ទុះឡើង។
ទោះបីជាយ៉ាងណាក៏ដោយ ទីភ្នាក់ងារគ្រោះមហន្តរាយក្នុងតំបន់បាននិយាយថា មនុស្សម្នាក់បានស្លាប់ដោយសារគាំងបេះដូងបន្ទាប់ពីការផ្ទុះ។
ស្របពេលជាមួយគ្នានោះ មនុស្សប្រហែល១៥នាក់ បានរងរបួសស្រាល ហើយអាជ្ញាធរនិយាយថា ពួកគេកំពុងពិនិត្យរកមើល មនុស្ស៣នាក់ផ្សេងទៀតដែលកំពុងបាត់ខ្លួន។
លោក Nicke Widyawati ប្រធានក្រុមហ៊ុន Pertamina បាននិយាយនៅក្នុងសេចក្តីថ្លែងការណ៍មួយថា “ដើម្បីការពារអគ្គិភ័យមិនឲ្យរាលដាល យើងបានបិទប្រតិបត្តិការ ហើយយើងកំពុងប្រឹងប្រែងក្នុងការប្រយុទ្ធជាមួយអគ្គិភ័យនេះ”។
មូលហេតុនៃអគ្គិភ័យនេះមិនទាន់ដឹងច្បាស់នៅឡើយទេ ប៉ុន្តែក្រុមហ៊ុនអះអាងថា អគ្គិភ័យបានឆាបឆេះអំឡុងពេលមានរន្ទះបាញ់៕
សូមទស្សនាវីដេអូ៖
ប្រែសម្រួលដោយ៖ Vann Vann
ប្រភព៖ Daily Sabah
ចុចអាន៖ កំពុងតែឆ្លងខ្លាំងផង មន្ទីរពេទ្យព្យាបាលកូវីដនៅឥណ្ឌា ត្រូវអគ្គិភ័យឆាបឆេះទៀត
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»