ព័ត៌មានអន្ដរជាតិ
ត្រឹមយប់មិញ ជនស៊ីវិល មីយ៉ាន់ម៉ាស្លាប់ដល់៥២១នាក់ ខណៈរត់ចោលផ្ទះរាប់ពាន់នាក់
ការស្លាប់ជនស៊ីវិលក្នុងការបង្ក្រាបរបស់យោធាមីយ៉ាន់ម៉ាលើការតវ៉ាឡើងដល់៥២១នាក់ហើយ ខណៈក្រុមឧទ្ទាមប្រដាប់ដោយអាវុធភាគតិចនៅថ្ងៃអង្គារ ទី៣០ ខែមីនា បានគំរាមវាយប្រហាររដ្ឋាភិបាលយោធា ប្រសិនបើមិនបញ្ឈប់សម្លាប់ជនស៊ីវិល។
មហាអំណាចពិភពលោកបានបង្កើនការថ្កោលទោសចំពោះការបង្ក្រាបដ៏សាហាវឃៅទៅលើអ្នកតវ៉ាប្រឆាំងនឹងរដ្ឋប្រហារដែលទាមទារស្តារឡើងវិញនូវរដ្ឋាភិបាលជាប់ឆ្នោត និងដោះលែងមេដឹកនាំស៊ីវិលលោកស្រី អ៊ុងសាន ស៊ូជី។
ទីក្រុងវ៉ាស៊ីនតោតបានផ្តាច់ពាណិជ្ជកម្មទាំងអស់ជាមួយប្រទេសមីយ៉ាន់ម៉ា ហើយអគ្គលេខាធិការអង្គការសហប្រជាជាតិលោក Antonio Guterres បានអំពាវនាវឲ្យពិភពលោកដាក់គំនាបរដ្ឋាភិបាលមីយ៉ាន់ម៉ា បន្ទាប់ពីអ្នកតវ៉ាជាង១០០នាក់ត្រូវបានសម្លាប់កាលពីចុងសប្តាហ៍កន្លងទៅនេះដែលបានក្លាយជាចុងសប្តាហ៍ថ្លុកឈាមបំផុត។
បន្ថែមលើយុទ្ធនាការណ៍សម្ពាធពីប្រទេសមហាអំណាច ក្រុមឧទ្ទាមប្រដាប់អាវុធជនជាតិភាគតិចនៅថ្ងៃអង្គារម្សិលមិញក៏បានថ្កោលទោសលើការបង្ក្រាប និងបានគំរាមវាយប្រហារលើរដ្ឋាភិបាលយោធាដែលបានបង្ក្រាបអ្នកតវ៉ាបណ្តាលឲ្យស្លាប់មនុស្សរាប់រយនាក់។
ការជួបជុំជារៀងរាល់ថ្ងៃទូទាំងប្រទេសមីយ៉ាន់ម៉ាដោយអ្នកតវ៉ាគ្មានអាវុធក្នុងដៃប្រឈមនឹងហានិភ័យពីការបង្ក្រាបដោយឧស្ម័នទឹកភ្នែក គ្រាប់ជ័រ គ្រាប់ពិត ការបំផ្ទុះគ្រាប់បែក និងមានទាំងផ្ទុះអាវុធធុនធ្ងន់ថែមទៀត។
សមាគមជំនួយអ្នកទោសនយោបាយ (AAPP) បាននិយាយថា សរុបជនស៊ីវិលដែលត្រូវបានសម្លាប់ត្រឹមយប់ថ្ងៃអង្គារ ទី៣០ ខែមីនា មានចំនួន៥២១នាក់ ប៉ុន្តែចំនួននេះនឹងបន្តកើនឡើងទៀត ដោយសារនៅមានអ្នករបួសធ្ងន់ជាច្រើន។
ជាមួយគ្នានេះ ពលរដ្ឋមីយ៉ាន់ម៉ារាប់ពាន់បានភៀសខ្លួនទៅប្រទេសថៃ និងកំពុងលាក់ខ្លួននៅក្នុងព្រៃពីការវាយប្រហារតាមផ្លូវអាកាសរបស់រដ្ឋាភិបាលមីយ៉ាន់ម៉ា។
កាលពីម្សិលមិញ លោកនាយករដ្ឋមន្ត្រីថៃបានបដិសេធថា កម្លាំងសន្តិសុខប្រទេសរបស់លោកបានបញ្ជូនជនភៀសខ្លួនទៅប្រទេសមីយ៉ាន់ម៉ាវិញដែលបានឆ្លងដែនចូលប្រទេសថៃពីការវាយប្រហារតាមផ្លូវអាកាសរបស់យោធាមីយ៉ាន់ម៉ា។
លោកនាយករដ្ឋមន្ត្រីបាននិយាយថា រដ្ឋាភិបាលរបស់លោកបានត្រៀមជំរំរួចរាល់ហើយសម្រាប់ដាក់ជនភៀសខ្លួនមកពីប្រទេសមីយ៉ាន់ម៉ា។
អាជ្ញាធរថៃបានឲ្យដឹងថា ជនភៀសខ្លួនមីយ៉ាន់ម៉ាប្រហែលជា៣ពាន់នាក់បានឆ្លងដែនចូលទឹកដីថៃកាលពីថ្ងៃអាទិត្យ។
ចំណែកសារព័ត៌មានក្នុងស្រុក Irrawaddy បានផ្សាយថា ជនជាតិភាគតិច Karen ជាង១ម៉ឺននាក់បានរត់ចោលផ្ទះសម្បែងរបស់ខ្លួនពីការវាយប្រហារតាមផ្លូវអាកាសរបស់យោធានៅស្រុក Papun ក្នុងរដ្ឋ Karen៕
ប្រែសម្រួល៖ វីរបុត្រ
ប្រភព៖ CNA
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»