ថៃ រៀបចំផែនការជម្លៀសប្រជាជនចេញពី មីយ៉ាន់ម៉ា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ថៃ រៀបចំផែនការជម្លៀសប្រជាជនចេញពី មីយ៉ាន់ម៉ា

បានផុស

នៅ

ប្រទេសថៃ បានរៀបចំផែនការជម្លៀសប្រជាជនរបស់ខ្លួនដែលជាប់នៅក្នុងប្រទេសមីយ៉ាន់ម៉ា ប្រសិនបើអំពើហិង្សានៅទីនោះកាន់តែអាក្រក់ទៅៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
This image has an empty alt attribute; its file name is yq-myanmar-22032021.jpg

អ្នកនាំពាក្យក្រសួងការបរទេសលោក Tanee Sangrat បាននិយាយថា ស្ថានទូតថៃប្រចាំនៅទីក្រុងយ៉ាំងហ្គោនបានរាយការណ៍ថា ការតវ៉ាប្រឆាំងនឹងមេដឹកនាំយោធារបស់មីយ៉ាន់ម៉ា កំពុងបន្តបើទោះបីជាការផ្គត់ផ្គង់ស្បៀងអាហារមិនត្រូវបានរំខានក៏ដោយ។

លោកនិយាយថា អាជ្ញាធរថៃកំពុងឃ្លាំមើលស្ថានការណ៍នេះយ៉ាងដិតដល់បំផុត ហើយបានឯកភាពថា ស្ថានការណ៍មិនទាន់ឈានដល់ចំណុចមួយដែលប្រជាជនថៃនឹងត្រូវប្រាប់ឲ្យចាកចេញពីប្រទេសមីយ៉ាន់ម៉ានោះទេ ប៉ុន្តែប្រសិនបើអំពើហិង្សាកាន់តែកើនឡើងចាំបាច់ត្រូវការការជម្លៀសប្រជាជននោះ ស្ថានទូតមានផែនការក្នុងការនាំជនជាតិថៃត្រឡប់ទៅផ្ទះវិញ។

This image has an empty alt attribute; its file name is 3844331-1024x683.jpg

ស្របពេលជាមួយគ្នានោះ អ្នកនាំពាក្យកងទ័ពអាកាសលោក Thanat Chanamphai បាននិយា​យថា ប្រមុខកងទ័ពអាកាស Suttiwan បានណែនាំដល់កងអង្គភាពលេខ៦ ដែលមានមូលដ្ឋាននៅអាកាសយានដ្ឋាន Don Mueang ឲ្យត្រៀមយន្តហោះដឹកជញ្ជូនធុន C-130 ប្រសិនបើរដ្ឋាភិបាលប្រគល់បេសកកម្មនាំជនជាតិថៃនៅក្នុងប្រទេសមីយ៉ាន់ម៉ាត្រឡប់មកផ្ទះវិញ។

This image has an empty alt attribute; its file name is c-130-hercules_010-1024x683.jpg

លោក Thanat និយាយថា “មេបញ្ជាការកងទ័ពអាកាស បានផ្តល់ការណែនាំនៅពេលបាតុកម្មប្រឆាំងរដ្ឋប្រហារយោធាចាប់ផ្តើមនៅក្នុងប្រទេសមីយ៉ាន់ម៉ា។ យន្តហោះនឹងហោះហើរភ្លាមៗតាមបញ្ជារបស់រដ្ឋាភិបាល”។

ទោះបីជាយ៉ាងណាក៏ដោយ ក្រសួងការបរទេសនឹងវាយតម្លៃអំពីស្ថានការណ៍នៅមីយ៉ាន់ម៉ា ហើយសម្រេចថាតើពេលណាជនជាតិថៃ គួរតែត្រូវបាននាំត្រឡប់មកមាតុភូមិវិញ៕

ប្រែសម្រួលដោយ៖ Vann Vann

ប្រភព៖ Bangkok Post

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services