ព័ត៌មានអន្ដរជាតិ
WP៖ ត្រាំ អាចបើកដៃឲ្យអ៊ុយក្រែនប្រើមីស៊ីល ATACMS បាញ់ចូលជ្រៅក្នុងទឹកដីរុស្ស៊ី
យោងតាមការចុះផ្សាយកាលពីថ្ងៃចន្ទទី១៤កក្កដារបស់កាសែត Washington Post លោកប្រធានាធិបតី ដូណាល់ ត្រាំ ត្រូវបានគេរាយការណ៍ថាកំពុងពិចារណាផ្តល់សិទ្ធិប្រើប្រាស់មីស៊ីលរយៈចម្ងាយឆ្ងាយ ATACMS ដល់អ៊ុយក្រែន សម្រាប់បាញ់ចូលជ្រៅក្នុងដីរុស្ស៊ី ដោយកំណត់គោលដៅលើហេដ្ឋារចនាសម្ព័ន្ធយោធា។
ផែនការនេះ គឺជាផ្នែកមួយនៃយុទ្ធសាស្ត្រដ៏ទូលំទូលាយរបស់អាមេរិក ដើម្បីបង្កើនសម្ពាធយោធាលើទីក្រុងមូស្គូ និងបង្ខំឲ្យរុស្ស៊ីចូលតុចរចាបញ្ចប់សង្រ្គាមនៅអ៊ុយក្រែន។
មីស៊ីល ATACM ដែលអាចវាយប្រហារគោលដៅបានចម្ងាយ ៣០០គីឡូម៉ែត្រ អាចអនុញ្ញាតឲ្យអ៊ុយក្រែនវាយលុកមូលដ្ឋានទ័ព អាកាសយានដ្ឋាន និងឃ្លាំងផ្គត់ផ្គង់របស់រុស្ស៊ី ដោយរហូតមកដល់ពេលនេះ អាវុធអ៊ុយក្រែនដែលទទួលបានពីសម្ព័ន្ធមិត្តលោកខាងលិច មិនទាន់មានសមត្ថភាពវាយប្រហារដល់គោលដៅទាំងនោះនៅឡើយទេ។
Washington Post បានចុះផ្សាយទៀតថា មីស៊ីលគ្រូស ដែលមានសមត្ថភាពបាញ់ដល់ទីក្រុងមូស្គូ ក៏ត្រូវបានពិចារណាផងដែរ ប៉ុន្តែមិនទាន់រាប់បញ្ចូលនៅក្នុងផែនការលើកនេះទេ។
ទន្ទឹមនឹងរបាយការណ៍មួយនេះ ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រកាសកាលពីល្ងាចថ្ងៃចន្ទថា «សន្តិភាពអាចធ្វើទៅបានទាល់តែប្រើកម្លាំងបាយ» ហើយបានអំពាវនាវឲ្យមានការដាក់សម្ពាធអតិបរមាលើរុស្ស៊ី ដើម្បីបញ្ឈប់សង្គ្រាម។ លោកថ្លែងថា «យើងត្រូវតែធ្វើគ្រប់យ៉ាងដើម្បីបង្ខំរុស្ស៊ីឲ្យបញ្ឈប់ការសម្លាប់ ដើម្បីសម្រេចបានសន្តិភាពពិតប្រាកដ និងធានាសន្តិសុខ»។
ចំណែកឯលោក ដូណាល់ ត្រាំ ក៏កាន់តែបង្ហាញការមិនពេញចិត្តខ្លាំងជាមួយមេដឹកនាំរុស្ស៊ី។ លោកបានគំរាមកំហែងដាក់«ពន្ធដ៏ធ្ងន់ធ្ងរ» លើបណ្តាប្រទេសដែលបន្តធ្វើពាណិជ្ជកម្មជាមួយរុស្ស៊ី ប្រសិនបើទីក្រុងមូស្គូបរាជ័យក្នុងកិច្ចចរចាក្នុងរយៈពេល ៥០ថ្ងៃ។ លើសពីនេះទៅទៀត លោកក៏បានប្រកាសអំពីផែនការបញ្ជូនប្រព័ន្ធ Patriot ចំនួន១៧គ្រឿងទៅកាន់អ៊ុយក្រែនផងដែរ ដើម្បីការពារខ្លួនពីការវាយលុកដែនអាកាសរបស់រុស្ស៊ី។ លោក ត្រាំ បានលើកឡើងថា ពូទីន និយាយល្អតែនៅពីមុខគាត់ តែបន្ទាប់មកបែរទៅទម្លាក់គ្រាប់បែកកាន់តែខ្លាំងដៃលើអ៊ុយក្រែនទៅវិញ៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព