ព័ត៌មានអន្ដរជាតិ

រថភ្លើងធ្លាក់ផ្លូវនៅតៃវ៉ាន់សម្លាប់មនុស្ស៤៨នាក់ត្រឹមល្ងាចថ្ងៃសុក្រនេះ

បានផុស

៣ years មុន

នៅ

ថ្ងៃសុក្រ ២ មេសា ២០២១

ដោយ

យ៉ាងហោចណាស់មនុស្ស៤៨នាក់បានស្លាប់ និងរបួសជាច្រើននាក់ បន្ទាប់ពីរថភ្លើងបានធ្លាក់ផ្លូវនៅតៃវ៉ាន់ វេលាម៉ោងប្រហែលជា ៩:៣០ ព្រឹកនាទី ថ្ងៃសុក្រ ទី២ ខែមេសា នេះ ដែលបានក្លាយជាគ្រោះថ្នាក់រថភ្លើងអាក្រក់បំផុតក្នុងរយៈពេល៤០ឆ្នាំចុងកក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីក្រសួងដឹកជញ្ជូនលោក Lin Chia-lung បានប្រាប់ក្រុមអ្នកយកព័ត៌មាននៅកន្លែងកើតហេតុថា រថភ្លើងដឹកមនុស្សប្រមាណ៤៩០ នាក់ដែលខ្ពស់ជាងតួលេខរបស់នាយកដ្ឋានពន្លត់អគ្គីភ័យមុនថា មនុស្ស៣៥០នាក់។

តាមការឲ្យដឹងពីទីភ្នាក់ងារពន្លត់អគ្គីភ័យជាតិតៃវ៉ាន់បាននិយាយថា ហោចណាស់មនុស្ស៤៨នាក់ត្រូវបានបញ្ជាក់ពីការបាត់បង់ជីវិត និង៦៦នាក់ត្រូវបានបញ្ជូនទៅកាន់មន្ទីរពេទ្យ។

តាមរបាយការណ៍ថា រថយន្តដឹកទំនិញមួយគ្រឿងបានធ្លាក់ពីច្រាំងចោទខាងលើ និងបានធ្លាក់ចូលទៅលើផ្លូវដែក ដែលរថភ្លើងមួយគ្រឿងចេញពីផ្លូវរូងក្រោមដីបុកតែម្តង។ ទូរថភ្លើងជាច្រើននៅតែបន្តជាប់ក្នុងផ្លូវរូងក្រោមដី អ្នកដំណើរបានព្យាយាមទម្លុះទ្វារ បង្អូច និងដំបូលរកផ្លូវចេញដើម្បីសុវត្ថិភាព។

រដ្ឋបាលរថភ្លើងតៃវ៉ាន់បានសេចក្តីថ្លែងការណ៍ដាច់ដោយឡែកមួយដោយនិយាយថា មនុស្សជាច្រើនគ្មានសញ្ញានៃជីវិតរស់ឡើយ៕