ព័ត៌មានអន្ដរជាតិ
សហរដ្ឋអាមេរិក អនុញ្ញាតឲ្យអ្នកចាក់វ៉ាក់សាំងគ្រប់ដូសហើយ ដើរហើរបាន
មជ្ឈមណ្ឌលគ្រប់គ្រងនិងការពារជំងឺឆ្លងសហរដ្ឋអាមេរិក (CDC) បាននិយាយកាលពីថ្ងៃសុក្រថា អ្នកដែលទទួលវ៉ាក់សាំងពេញលេញហើយ អាចធ្វើដំណើរដោយសុវត្ថិភាពនៅក្នុងសហរដ្ឋអាមេរិក ដោយមិនចាំបាច់ធ្វើតេស្ត មុនពេលឬក្រោយពេលធ្វើដំណើរ។
នាយក CDC លោកស្រី Rochelle Walensky បានប្រកាសអំពីគោលការណ៍ណែនាំថ្មីនេះ ក្នុងសន្និសីទកាសែតរបស់ក្រុមឆ្លើយតបជំងឺកូវីដ-១៩របស់សេតវិមាន។
ទោះបីជាយ៉ាងណាក៏ដោយ CDC ក៏បានណែនាំដល់អ្នកធ្វើដំណើរដែលទទួលវ៉ាក់សាំងរួច ឲ្យបន្តពាក់ម៉ាស រក្សាគម្លាតសង្គម២ម៉ែត្រនិងលាងដៃឲ្យបានទៀងទាត់ផងដែរ។
នាយក CDC បាននិយាយថា គោលការណ៍ណែនាំការធ្វើដំណើរថ្មីនេះ គឺសម្រាប់តែអ្នកដែលទទួលបានវ៉ាក់សាំងពេញលេញប៉ុណ្ណោះ។ លោកស្រីបន្តថា អត្រាឆ្លងកូវីដជាមធ្យមប្រចាំថ្ងៃ ក្នុងរយៈពេល៧ថ្ងៃចុងក្រោយ បានបន្តកើនឡើងហើយឥឡូវនេះ មានប្រហែល៦២,០០០ករណីថ្មីក្នុងមួយថ្ងៃ។
លោកស្រី Walensky បានប្រាប់ឲ្យដឹងថា មានតែ២០ភាគរយប៉ុណ្ណោះនៃប្រជាជនពេញវ័យរបស់សហរដ្ឋអាមេរិកដែលបានចាក់វ៉ាក់សាំងគ្រប់ដូស ដែលនេះជាហេតុនាំឲ្យលោកស្រីនៅតែព្រួយបារម្ភថា សហរដ្ឋអាមេរិកនៅតែមានកិច្ចការជាច្រើនទៀតដែលត្រូវធ្វើដើម្បីគ្រប់គ្រងជំងឺរាតត្បាតនេះ។
គួរបញ្ជាក់ថា សហរដ្ឋអាមេរិក ជាប្រទេសមានអ្នកឆ្លងជំងឺកូវីដ-១៩ច្រើនជាងគេបំផុតនៅលើពិភពលោក ដោយមាន៣១,៣១៤,៦២៥ករណី ស្លាប់៥៦៧,៦១០នាក់ និងជាសះស្បើយ ២៣,៨២៥,៦៣៥នាក់៕
ប្រែសម្រួលដោយ៖ Vann Vann
ប្រភព៖ VOA
ចុចអាន៖ អាមេរិកស្លាប់ដោយកូវីដ-១៩ឡើងដល់៥សែន៥ម៉ឺននាក់គិតត្រឹមយប់មិញ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ