Connect with us

ព័ត៌មានអន្ដរជាតិ

កាន់តែធ្ងន់ធ្ងរ! កូវីដបំប្លែងខ្លួនថ្មីកំពុងឆ្លងខ្លាំងលើយុវវ័យ អាមេរិក

បានផុស

នៅ

មជ្ឈមណ្ឌលគ្រប់គ្រង និងបង្ការជំងឺអាមេរិក (CDC) និយាយថា ករណីឆ្លងថ្មីនៃជំងឺកូវីដ ១៩ បំប្លែងខ្លួនប្រភេទថ្មីគឺកំពុងកើនឡើងនៅទូទាំងប្រទេសជាពិសេសក្នុងចំណោមយុវវ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយក CDC លោកស្រី Rochelle Walensky បានលើកឡើងពីការព្រួយបារម្ភនៃការកើនឡើងនេះនៅក្នុងសន្និសិទកាសែតកាលពីថ្ងៃចន្ទ ។

CDC បាននិយាយថា ចំនួនករណីឆ្លងថ្មីប្រចាំថ្ងៃបានកើនឡើងដល់ប្រហែល ៦៤,០០០ នាក់ជាមធ្យមក្នុងមួយសប្តាហ៍កន្លងមកនេះ បើប្រៀបធៀបនឹងចំនួន ៦០,០០០ នាក់នៅដើមខែមីនា ។

នាយក CDC លោកស្រី Rochelle Walensky

លោកស្រី Walensky បាននិយាយថា ការកើនឡើងនេះគឺដោយសារតែផ្នែកខ្លះនៃវ៉ារ្យ៉ង់ថ្មីដែលអាចចម្លងបានយ៉ាងឆាប់រហ័ស ហើយជាការពិតករណីថ្មីទាំងនេះគឺភាគច្រើនកើតឡើងក្នុងចំណោមមនុស្សវ័យក្មេង ។

លោកស្រីបាននិយាយថា “យើងកំពុងដឹងថា ការផ្ទុះឡើងជាច្រើនចំពោះមនុស្សវ័យក្មេងគឺទាក់ទងនឹងកីឡាយុវជន និងសកម្មភាពក្រៅសាលា” ។

ទន្ទឹមនោះលោកស្រី Walensky ក៏បានអំពាវនាវឲ្យប្រជាជនប្រកាន់ខ្ជាប់នូវវិធានការណ៍នានាដើម្បីការពារការរីករាលដាលនៃវីរុសនេះដូចជា ការពាក់ម៉ាស និងរក្សាគម្លាតសង្គម ខណៈថ្នាក់រៀនផ្ទាល់បានបន្តនៅសាលារៀនជាច្រើនរបស់សហរដ្ឋអាមេរិក ។

រដ្ឋអាមេរិកជាច្រើនបានបន្ធូរបន្ថយការរឹតត្បិតលើភោជនីយដ្ឋាន និងបើកដំណើរការសកម្មភាពសេដ្ឋកិច្ចឡើងវិញ នៅពេលរដ្ឋាភិបាលបង្កើនល្បឿនចាក់វ៉ាក់សាំង ។ ប៉ុន្តែរហូតមកដល់ពេលនេះមានតែប្រជាជន ១៨ ភាគរយប៉ុណ្ណោះដែលបានទទួលការចាក់វ៉ាក់សាំង ។

ក្រុមអ្នកជំនាញកំពុងសម្តែងការព្រួយបារម្ភថា ការកើនឡើងករណីនាពេលបច្ចុប្បន្នអាចនាំឲ្យមាន “រលកទីបួន” នៃការឆ្លង ។

គួរបញ្ជាក់ថា គិតត្រឹមពេលនេះសហរដ្ឋអាមេរិកមានករណីឆ្លងជំងឺកូវីដ ១៩ សរុប ៣១,៤៩៦,៩៧៦ ករណី និងមានអ្នកស្លាប់ចំនួន ៥៦៩,២៨២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ការសិក្សា ៖ អ្នក​ជំងឺ​កូវីដ​ធ្ងន់ធ្ងរ​ភាគច្រើន​ដែល​កំពុង​សម្រាក​ព្យាបាល​នៅ​មន្ទីរពេទ្យ ប្រឈម​ហានិភ័យ​ស្លាប់​ខ្ពស់

ចុចអាន ៖ ជំងឺកូវីដបំប្លែងខ្លួនថ្មីក៏កំពុងអុកឡុក អាមេរិក ក្រោយរកឃើញអ្នកឆ្លងសរុប ១៣,០០០ ករណី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម