ព័ត៌មានអន្ដរជាតិ
ប្រជាជន មីយ៉ាន់ម៉ា គប់ថ្នាំលាបពណ៌ក្រហមលើផ្លូវតំណាងឈាមអ្នកស្លាប់ពីការបង្រ្កាបរបស់យោធា
ក្រុមបាតុករប្រឆាំងរដ្ឋប្រហារនៅមីយ៉ាន់ម៉ាបន្តដើរតាមដងផ្លូវដើម្បីបង្ហាញពីការតស៊ូរបស់ពួកគេតាមវិធីផ្សេងៗគ្នា ។ នៅពេលដែលយោធាបង្កើនការបង្ក្រាបយ៉ាងឃោរឃៅរបស់ខ្លួនទៅលើក្រុមអ្នកតវ៉ា វាក៏កំពុងតែបង្កើនសម្ពាធទៅលើតារាល្បីៗដែលគាំទ្រការវិលត្រឡប់ទៅរកលទ្ធិប្រជាធិបតេយ្យវិញផងដែរ ។
ឥឡូវនេះក្រុមបាតុករកំពុងបែងចែកជាក្រុមតូចៗដើម្បីគេចពីកម្លាំងសន្តិសុខ ។ នៅទីក្រុងធំជាងគេ យ៉ាំងហ្គោន កាលពីថ្ងៃអង្គារប្រជាជនបានគប់ថ្នាំពណ៌ក្រហមនៅលើផ្លូវក្បែរកន្លែងដែលបាតុករត្រូវបានសម្លាប់ ។
អ្នកតវ៉ាម្នាក់បាននិយាយថា “ថ្នាំលាបពណ៌ក្រហមតំណាងឲ្យឈាមរបស់វីរបុរសរបស់យើងដែលបានស្លាប់ ។ នេះគឺជាមធ្យោបាយមួយដើម្បីផ្ញើសារថាឈាមរបស់ពួកគេមិនទាន់ស្ងួតទេ” ។
ទន្ទឹមនឹងនេះដែរយោធាបានពង្រីកគោលដៅរបស់ខ្លួនដល់អ្នកល្បីល្បាញរួមទាំងតារាសម្ដែង និងអ្នកមានឥទ្ធិពលលើប្រព័ន្ធផ្សព្វផ្សាយសង្គម ។ ស្របពេលជាមួយគ្នានេះកាសែតរដ្ឋមួយក៏បានចុះផ្សាយពីបញ្ជីឈ្មោះអ្នកដែលត្រូវបានចោទប្រកាន់ជាច្រើនពីបទរំលោភច្បាប់ស្តីពីការផ្សព្វផ្សាយព័ត៌មានដែលជះឥទ្ធិពលដល់ស្ថិរភាពរបស់រដ្ឋ ។
តារាសម្តែងស្រីម្នាក់ដែលស្ថិតនៅក្នុងបញ្ជីឈ្មោះចោទប្រកាន់នោះបានប្រាប់ NHK ថា នាងនឹងនៅតែបន្តនិយាយចេញមក ហើយមិនឈប់ឡើយទាល់តែលទ្ធិប្រជាធិបតេយ្យវិលត្រឡប់មកវិញ ។
គួរបញ្ជាក់ថា ចំនួនអ្នកស្លាប់នៅតែបន្តកើនឡើងចាប់តាំងពីការធ្វើរដ្ឋប្រហារថ្ងៃទី ១ ខែកុម្ភៈ ខណៈអង្គការក្រៅរដ្ឋាភិបាល និងសិទ្ធិមនុស្សក្នុងស្រុកបានរាយការណ៍ថា ជនស៊ីវិល ៥៧០ នាក់ត្រូវបានសម្លាប់ដោយកងកម្លាំងសន្តិសុខ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ យុវវ័យមីយ៉ាន់ម៉ាអំពាវនាវឲ្យពលរដ្ឋមិនចូលរួមប្រារព្ធពិធីបុណ្យចូលឆ្នាំថ្មី
ចុចអាន ៖ រុស្ស៊ី ចេញមុខព្រមានថា ទណ្ឌកម្មលើមីយ៉ាន់ម៉ា អាចបង្កឲ្យមាន សង្គ្រាមស៊ីវិលទ្រង់ទ្រាយធំ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»