ព័ត៌មានអន្ដរជាតិ
តៃវ៉ាន់ ប្តេជ្ញាប្រយុទ្ធដល់ទីបញ្ចប់ បើចិន វាយប្រហារ
រដ្ឋមន្រ្តីក្រសួងការបរទេសតៃវ៉ាន់បាននិយាយនៅថ្ងៃពុធទី០៧ខែមេសានេះថា កោះតៃវ៉ាន់នឹងប្រយុទ្ធដល់ទីបញ្ចប់ប្រសិនបើចិនវាយប្រហារ។ លោកបន្ថែមថា សហរដ្ឋអាមេរិកបានមើលឃើញពីគ្រោះថ្នាក់ដែលអាចកើតឡើង ចំពេលមានសម្ពាធយោធារបស់ចិនកាន់តែខ្លាំងឡើងរួមទាំងសមយុទ្ធនាវាដឹកយន្តហោះ នៅក្បែរកោះនេះផងដែរ។
កោះតៃវ៉ាន់ បានត្អូញត្អែរម្តងហើយម្តងទៀតពីសកម្មភាពយោធារបស់ទីក្រុងប៉េកាំង ក្នុងប៉ុន្មានខែថ្មីៗនេះ ដោយកងទ័ពអាកាសរបស់ប្រទេសចិនបានហោះហើរស្ទើរតែរាល់ថ្ងៃ នៅក្នុងតំបន់ការពារដែនអាកាសរបស់តៃវ៉ាន់។ កាលពីថ្ងៃចន្ទ ប្រទេសចិនបាននិយាយថា ក្រុមនាវាដឹកយន្តហោះកំពុងធ្វើសមយុទ្ធនៅជិតកោះនេះ។
លោក Joseph Wu បានប្រាប់អ្នកយកព័ត៌មាននៅក្រសួងរបស់លោកថា “តាមរយៈការយល់ដឹងរបស់ខ្ញុំអំពីស្ថាប័នធ្វើសេចក្តីសម្រេចចិត្តរបស់អាមេរិកដែលកំពុងឃ្លាំមើលការវិវត្តនៅក្នុងតំបន់នេះ ពួកគេមើលឃើញយ៉ាងច្បាស់ពីគ្រោះថ្នាក់នៃលទ្ធភាពដែលថា ប្រទេសចិននឹងធ្វើការវាយប្រហារប្រឆាំងនឹងកោះតៃវ៉ាន់” ។
យើងប្តេជ្ញាការពារខ្លួនដោយគ្មានសំណួរអ្វីទាំងអស់ ហើយយើងនឹងប្រយុទ្ធក្នុងសង្គ្រាមប្រសិនបើយើងចាំបាច់ត្រូវប្រយុទ្ធ។ ហើយប្រសិនបើយើងត្រូវការការពារខ្លួនដល់ថ្ងៃចុងក្រោយ យើងនឹងការពារខ្លួនយើងដល់ថ្ងៃចុងក្រោយ។
ទីក្រុងវ៉ាស៊ីនតោន ដែលជាអ្នកគាំទ្រនិងផ្គត់ផ្គង់អាវុធអន្តរជាតិដ៏សំខាន់បំផុតរបស់កោះតៃវ៉ាន់ បាននិងកំពុងជំរុញឲ្យទីក្រុងតៃប៉ិធ្វើទំនើបកម្មយោធារបស់ខ្លួន ដូច្នេះតៃវ៉ាន់អាចក្លាយជា “សត្វកាំប្រមា” ដែលចិនពិបាកវាយប្រហារ។
លោក Wu បាននិយាយថា ពួកគេបានប្តេជ្ញាចិត្តធ្វើឲ្យប្រសើរឡើងនូវសមត្ថភាពយោធារបស់ពួកគេ និងចំណាយកាន់តែច្រើនលើវិស័យការពារជាតិ។
ការការពារកោះតៃវ៉ាន់គឺជាទំនួលខុសត្រូវរបស់យើង។ យើងនឹងព្យាយាមគ្រប់មធ្យោបាយដើម្បីធ្វើឲ្យប្រសើរឡើងនូវសមត្ថភាពការពារជាតិរបស់យើង៕
ប្រែសម្រួលដោយ៖ Vann Vann
ប្រភព៖ Asian One
ចុចអាន៖ តៃវ៉ាន់ ត្រៀមរៀបចំហ្គេមធ្វើសង្គ្រាម និងវីដេអូត្រាប់ការវាយប្រហាររបស់ចិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ