លើកដំបូងលើពិភពលោក ជប៉ុន ប្រើជម្រើសព្យាបាលអ្នកជំងឺកូវីដធ្ងន់ធ្ងរដោយវះកាត់ប្ដូរសួត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

លើកដំបូងលើពិភពលោក ជប៉ុន ប្រើជម្រើសព្យាបាលអ្នកជំងឺកូវីដធ្ងន់ធ្ងរដោយវះកាត់ប្ដូរសួត

Published

on

មន្ទីរពេទ្យសាកលវិទ្យាល័យក្យូតូ (Kyoto) របស់ប្រទេសជប៉ុននិយាយថា ខ្លួនបានធ្វើការវះកាត់ប្តូរសួតពីអ្នកបរិច្ចាគដែលនៅរស់ ជាលើកដំបូងនៅលើពិភពលោកដើម្បីព្យាបាលអ្នកជំងឺដែលខូចខាតសួតធ្ងន់ធ្ងរ បន្ទាប់ពីឆ្លងជំងឺកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយការវះកាត់លោកសាស្រ្តាចារ្យ Date Hiroshi ប្រធានផ្នែកវះកាត់សួតបានធ្វើសន្និសិទកាសែតនៅថ្ងៃព្រហស្បតិ៍នេះជាមួយបុគ្គលិកផ្សេងទៀត ។

មន្ទីរពេទ្យនិយាយថា ស្ត្រីម្នាក់ដែលរស់នៅក្នុងតំបន់ Kansai បានទទួលការវះកាត់ជិត ១១ ម៉ោងកាលពីថ្ងៃពុធ ។ អ្នកជំងឺបានវិវត្តទៅជាជំងឺរលាកសួតធ្ងន់ធ្ងរ បន្ទាប់ពីនាងបានឆ្លងជំងឺកូវីដ ១៩ កាលពីចុងឆ្នាំមុន ។

នាងត្រូវបានគេព្យាបាលដោយប្រើម៉ាស៊ីន ECMO ដែលជំនួសមុខងាររបស់បេះដូង និងសួត ហើយទីបំផុតបានធ្វើតេស្តអវិជ្ជមានសម្រាប់ជំងឺនេះ ។

ប៉ុន្តែក្រោយមកនាងបានបាត់បង់មុខងារសួតភាគច្រើនរបស់នាងដោយសារតែការលូតលាស់ខុសប្រកក្រតី ហើយមិនមានសញ្ញា ឬលទ្ធភាពណាមួយនៃការជាសះស្បើយឡើងវិញនោះទេ ។

ដូច្នេះហើយទើបគ្រូពេទ្យសម្រេចធ្វើការវះកាត់ប្តូរផ្នែកខ្លះនៃសួតពីប្តី និងកូនប្រុសរបស់ស្ត្រីរូបនោះ បន្ទាប់ពីគ្រូពេទ្យទទួលបានការបរិច្ចាគពីពួកគេ ។

មន្ទីរពេទ្យនិយាយថា បច្ចុប្បន្នស្ត្រីរូបនេះកំពុងទទួលការព្យាបាលនៅក្នុងបន្ទប់សង្គ្រោះបន្ទាន់ (ICU) យ៉ាងយកចិត្តទុកដាក់ ។ វេជ្ជបណ្ឌិតនិយាយថា ក្រុមគ្រូពេទ្យសង្ឃឹមថាអ្នកជំងឺអាចជាសះស្បើយ ហើយនាងទំនងជានឹងត្រូវបានជួយសង្គ្រោះយ៉ាងពេញលេញក្នុងរយៈពេល ៣ ខែ ។ ពួកគេនិយាយថា ប្តី និងកូនប្រុសរបស់នាងក៏មានសុខភាពផងដែរ ។

មន្ទីរពេទ្យនិយាយថា ស្ត្រីរូបនេះគឺជាអតីតអ្នកជំងឺកូវីដ ១៩ ទី ១ នៅលើពិភពលោកដែលទទួលការប្តូរសួតពីអ្នកបរិច្ចាគដែលកំពុងនៅរស់ ។ គ្រូពេទ្យនិយាយថា ការប្តូរសួតនឹងក្លាយជាជម្រើសព្យាបាលដ៏ជោគជ័យសម្រាប់មនុស្សដែលទទួលរងផលប៉ះពាល់ធ្ងន់ធ្ងរ បន្ទាប់ពីឆ្លងជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជប៉ុន ជំរុញបន្តវិធានការការពារប្រឆាំងកូវីដ ទោះអ្នកចាក់វ៉ាក់សាំងហើយក៏ដោយ

ចុចអាន ៖ កូវីដបំប្លែងខ្លួនរបស់អង់គ្លេស កំពុងឆ្លងខ្លាំងជាងប្រភេទដើម ១.៣២ ដង ក្នុងប្រទេស ជប៉ុន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ25 mins ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ1 hour ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

ព័ត៌មានជាតិ2 hours ago

អតីតយុទ្ធជន​ជាង​៣​ម៉ឺន​៥​ពាន់​នាក់​ ហើយ​ទទួល​បាន​ចាក់​វ៉ាក់សាំង​ការពារ​កូ​វីដ​១៩

ព័ត៌មានជាតិ2 hours ago

អ្នកជំងឺកូវីដ១៩នៅផ្សារអូរឫស្សីបានទៅដើរផ្សារនៅផ្សារម៉ាក្រូសែនសុខ

ព័ត៌មានអន្ដរជាតិ3 hours ago

Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី

Sokha Hotels

ព័ត៌មានពេញនិយម

Helistar Cambodia - Helicopter Charter Services