ព័ត៌មានអន្ដរជាតិ
ចក្រភពអង់គ្លេសមានវ៉ាក់សាំងលើសពីគ្រប់សម្រាប់មនុស្សក្រោមអាយុ៣០ឆ្នាំ
ចក្រភពអង់គ្លេសមានវ៉ាក់សាំងការពារកូវីត-១៩សម្រាប់ចាក់មនុស្សអាយុក្រោម៣០ឆ្នាំលើសពីគ្រប់គ្រាន់។ នេះតាមការឲ្យដឹងពីរដ្ឋមន្ត្រីក្រសួងសុខាភិបាលចក្រភពអង់គ្លេសលោក Matt Hancock បាននិយាយនៅថ្ងៃព្រហស្បតិ៍។
ការលើកឡើងរបស់លោករដ្ឋមន្ត្រីបានធ្វើឡើង បន្ទាប់ពីស្ថាប័នប្រឹក្សាវ៉ាក់សាំងរបស់រដ្ឋាភិបាលចក្រភពអង់គ្លេសនិយាយនៅថ្ងៃពុធថា ពលរដ្ឋអង់គ្លេសអាយុពី១៨ឆ្នាំដល់២៩ឆ្នាំនឹងទទួលបានការចាក់វ៉ាក់សាំង AstraZeneca របស់ Oxford ចំពេលដែលមានកង្វល់ជុំវិញព័ត៌មានពីការឈាមកកដ៏កម្រ។
លោករដ្ឋមន្ត្រី Hancock បានប្រាប់ BBC ថា ចក្រភពអង់គ្លេសនៅតែដើរនៅលើផ្លូវដើម្បីចាក់វ៉ាក់សាំងដល់មនុស្សធំពេញវ័យទាំងអស់ត្រឹមថ្ងៃទី៣១ ខែកក្កដា។ វ៉ាក់សាំង AstraZeneca នៅតែមានសុវត្ថិភាព និងអ្នកដែលត្រូវបានចាក់ដូសទី១រួច នឹងបន្តចាក់ដូសទី២។
លោកនិយាយថា គ្មានភស្តុតាង ឬសញ្ញាណាមួយនៃឈាមកកទេ បន្ទាប់ពីចាក់ដូសទីពីររួច។
លោកថា ៖«ប្រព័ន្ធសុវត្ថិភាពដែលយើងមានជុំវិញវ៉ាក់សាំងនេះគឺលឿនណាស់ដែលវាអាចចាប់បានពីអ្វីមួយដែលមាន៤ក្នុងចំណោម១លាន (ឱកាសនៃការវិវត្តទៅជាឈាមកកគឺកម្រណាស់)។ ខ្ញុំត្រូវបានគេប្រាប់ថា ចំណុចនេះគឺប្រហាក់ប្រហែលទៅនឹងហានិភ័យនៃធ្វើដំណើរតាមយន្តហោះរយៈពេលអង្វែង»។
ទីភ្នាក់ងារវេជ្ជសាស្ត្រ និងផលិតផលថែរក្សាសុខភាពចក្រភពអង់គ្លេស (MHRA) បាននិយាយនៅថ្ងៃពុធថា ផ្នែកផលប៉ះពាល់នៃវ៉ាក់សាំង AstraZeneca ពិតជាកម្រណាស់ និងប្រភពប្រសិទ្ធភាពរបស់វាត្រូវបានបញ្ជាក់។ អត្ថប្រយោជន៍វ៉ាក់សាំងនេះនៅតែមានអំណោចផលសម្រាប់ភាគច្រើនបំផុត។
អនុប្រធានវេជ្ជសាស្ត្រនៅប្រទេសអង់គ្លេសលោក Jonathan Van-Tam និយាយថា ដោយសារស្ថានភាពផ្គត់ផ្គង់ជាមួយនឹងវ៉ាក់សាំងផ្សេងៗ ផលប៉ះពាល់ទៅលើកម្មវិធីវ៉ាក់សាំងនៅចក្រភពអង់គ្លេសគួរតែមានស្តួចស្តើងប៉ុណ្ណោះ។
ថ្មីៗនេះ ចក្រភពអង់គ្លេសកំពុងប្រើប្រាស់វ៉ាក់សាំង Pfizer ហើយនៅប្រទេសវែលវិញបានចាក់វ៉ាកសាំង Moderna ដូសទី១កាលពីថ្ងៃពុធ។
ប្រទេសនេះក៏មានកិច្ចព្រមព្រៀងផ្គត់ផ្គង់ជាមួយក្រុមហ៊ុនផ្សេងជាច្រើនទៀតដែលកំពុងរង់ចាំកាអនុម័ត ក្នុងមានទាំង Valneva និង Janssen។
រហូតដល់ពេលនេះ យោងតាមទិន្នន័យផ្លូវការបង្ហាញថា មនុស្សជាង៣១.៧លាននាក់ត្រូវបានចាក់វ៉ាក់សាំងការពារកូវីដ-១៩ដូសទី១រួចហើយ៕
ប្រែសម្រួល៖ វីរបុត្រ
ប្រភព៖ Xinhua
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»