ព័ត៌មានអន្ដរជាតិ
យោធាមីយ៉ាន់ម៉ា មិនអនុញ្ញាតឲ្យប្រេសិត UN ចូលប្រទេស
កាលពីថ្ងៃសុក្រ យោធាមីយ៉ាន់ម៉ា បានបដិសេធអនុញ្ញាតឲ្យប្រេសិតរបស់អង្គការសហប្រជាជាតិធ្វើទស្សនកិច្ច បន្ទាប់ពីលោកស្រីបានមកដល់ទីក្រុងបាងកក ក្នុងក្តីសង្ឃឹមចាប់ផ្តើមកិច្ចខិតខំប្រឹងប្រែងផ្នែកការទូត ដើម្បីដោះស្រាយវិបត្តិនៅក្នុងប្រទេសនេះ។
លោកស្រី Christine Schraner Burgener ប្រេសិតពិសេស អង្គការសហប្រជាជាតិសម្រាប់ប្រទេស មីយ៉ាន់ម៉ា កំពុងស្ថិតក្នុងដំណើរទស្សនកិច្ចទៅកាន់បណ្តាប្រទេសអាស៊ី ជាមួយគោលបំណងស្វែងរកផ្លូវចាកចេញពីភាពវឹកវរដែលកំពុងកើតឡើងនៅជិតខាងប្រទេសថៃ។
លោកស្រី Schraner Burgener បាននិយាយនៅលើគណនី Twitter ផ្លូវការរបស់លោកស្រីថា “ខ្ញុំទើបតែមកដល់ទីក្រុងបាងកកសម្រាប់កិច្ចពិភាក្សា។ ខ្ញុំសោកស្តាយណាស់ ដែលយោធាមីយ៉ាន់ម៉ាឆ្លើយតបមកខ្ញុំកាលពីម្សិលមិញថា ពួកគេមិនបានត្រៀមខ្លួនទទួលខ្ញុំទេ។ ខ្ញុំបានត្រៀមខ្លួនសម្រាប់កិច្ចសន្ទនា។ អំពើហិង្សា នឹងមិននាំឲ្យមានដំណោះស្រាយប្រកបដោយចីរភាពនោះទេ”។
ការបដិសេធនេះបានកើតឡើង ចំពេលមានការព្រួយបារម្ភជាអន្តរជាតិចំពោះព្រឹត្តិការណ៍នៅក្នុងប្រទេសមីយ៉ាន់ម៉ា ចាប់តាំងពីយោធាបានបណ្តេញមេដឹកនាំស៊ីវិលលោកស្រី អ៊ុងសាន ស៊ូជី និងបានឡើងកាន់អំណាចកាលពីថ្ងៃទី១ខែកុម្ភៈ។
លោកស្រី Schraner Burgener កំពុងចាប់ផ្តើមដំណើរទស្សនកិច្ចរបស់ខ្លួននៅក្នុងប្រទេសថៃ ហើយនឹងធ្វើទស្សនកិច្ចនៅប្រទេសចិនផងដែរ បើទោះបីជាព័ត៌មានលម្អិតនិងពេលវេលាមិនទាន់ត្រូវបានបញ្ជាក់ច្បាស់ក៏ដោយ។
មន្ត្រី UN និយាយថា ប្រេសិតរូបនេះចង់ធ្វើដំណើរទៅប្រទេសមីយ៉ាន់ម៉ា ដើម្បីជួបផ្ទាល់ជាមួយក្រុមឧត្តមសេនីយ៍ ប៉ុន្តែអ្នកនាំពាក្យយោធាបានបដិសេធ។
អ្នកនាំពាក្យ Zaw Min Tun បានប្រាប់ AFP ថា “យើងមិនអនុញ្ញាតចំពោះរឿងនេះទេ។ យើងក៏គ្មានគម្រោងអនុញ្ញាតនៅខណៈពេលនេះដែរ”៕
ប្រែសម្រួលដោយ៖ Vann Vann
ប្រភព៖ Bangkok Post
ចុចអាន៖ យោធា មីយ៉ាន់ម៉ា ថា អត់ធ្មត់អស់ហើយ បើប្រើអាវុញបាញ់មែននឹងមានអ្នកស្លាប់ ៥០០ នាក់ឯណោះក្នុងមួយម៉ោង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង