ព័ត៌មានអន្ដរជាតិ

ហាម៉ាសនិងអ៊ីស្រាអែលដើរដល់ផ្លូវទាល់ក្នុងសង្គ្រាម២ឆ្នាំ ក្រោមសម្ពាធខ្លាំងមិនធ្លាប់មាន

បានផុស

៨ ខែ មុន

នៅ

ថ្ងៃសៅរ៍ ៤ តុលា ២០២៥

ដោយ

រយៈពេលសង្គ្រាមជិត២ឆ្នាំនៃសង្គ្រាមដ៏ក្រាញននៀល នៅទីបំផុត ចលនាក្រុមសកម្មប្រយុទ្ធហាម៉ាស់ប៉ាឡេស្ទីនដែលតស៊ូប្រយុទ្ធប្រឆាំងនឹងអ៊ីស្រាអែល បានបង្ហាញជំហរយល់ព្រមដោះលែងចំណាប់ខ្មាំងដែលនៅរស់ និងបាត់បង់ជីវិត ដែលនៅសល់ដែលគេជឿថា នៅ៤៨នាក់ទៀត ក្នុងនោះ២០នាក់នៅមានជីវិត។

តាមការចេញផ្សាយរបស់បណ្តាញសារព័ត៌មានបស្ចឹមប្រទេស ក្រុមហាម៉ាស បានបង្ហាញពីការឆ្លើយតបរបស់ខ្លួនចំពោះផែនការរបស់លោក ដូណាល់ ត្រាំ សម្រាប់ការដោះស្រាយជម្លោះនៅតំបន់ហ្គាហ្សាស្ទ្រីប ទៅកាន់អ្នកសម្រុះសម្រួល ដោយប្រកាសត្រៀមខ្លួនរួចជាស្រេចក្នុងការដោះលែងចំណាប់ខ្មាំងអ៊ីស្រាអែលដែលនៅរស់ទាំងអស់ដែលឃុំខ្លួននៅក្នុងតំបន់ហ្គាហ្សាដែលត្រូវបានឡោមព័ទ្ធ ព្រមទាំងប្រគល់សាកសពចំណាប់ខ្មាំំងដែលបាត់បង់ជីវិត។

ក្នុងសេចក្តីថ្លែងការណ៍មួយនៅលើបណ្តាញ Telegram របស់ក្រុមហាម៉ាសដែលត្រូវបានដកស្រង់ចេញផ្សាយដោយភ្នាក់ងារព័ត៌មាននានា ក្រុមហាម៉ាស លើកឡើងថា៖«ហាម៉ាសប្រកាសការយល់ព្រមរបស់ខ្លួនក្នុងការដោះលែងចំណាប់ខ្មាំងទាំងនៅរស់ និងសាកសព ដោយផ្អែកតាមរូបមន្តផ្លាស់ប្តូរដែលមាននៅក្នុងសំណើរបស់ប្រធានាធិបតី ត្រាំ ជាមួយនឹងលក្ខខណ្ឌចាំបាច់សម្រាប់ការអនុវត្តការដោះដូរអ្នកទោស»។

ក្រុមហាម៉ស ក៏បានសង្កត់ធ្ងន់ថា ខ្លួនបានត្រៀមលក្ខណៈដើម្បី «ចូលភ្លាមៗ តាមរយៈអ្នកសម្រុះសម្រួល ក្នុងការចរចា ដើម្បីពិភាក្សាលម្អិត»។

ចលនានេះបានកត់សម្គាល់ថា “ចំពោះបញ្ហាផ្សេងទៀតដែលរួមបញ្ចូលនៅក្នុងសំណើរបស់ប្រធានាធិបតី Trump ទាក់ទងនឹងអនាគតនៃតំបន់ហ្គាហ្សា និងសិទ្ធិមិនអាចកាត់ផ្តាច់បានរបស់ប្រជាជនប៉ាឡេស្ទីន ទាំងនេះត្រូវបានចងភ្ជាប់ទៅនឹងជំហរជាតិរួម»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីមានសម្ពាធជាអន្តរជាតិទាមទារឲ្យអ៊ីស្រាអែលដែលជាសម្ព័ន្ធមិត្តរបស់សហរដ្ឋអាមេរិក បញ្ចប់សង្គ្រាមនៅហ្គាហ្សា និងចាត់ទុកទង្វើងអ៊ីស្រាអែលជា «អំពើប្រល័យពូជសាសន៍» កាលពីថ្ងៃទី ២៩ខែកញ្ញា សេតវិមានបានបង្ហាញ «ផែនការទូលំទូលាយ» របស់ប្រធានាធិបតីអាមេរិក ដើម្បីដោះស្រាយជម្លោះតំបន់ហ្គាហ្សា បន្ទាប់ពីលោក ត្រាំ បានជួយពិភាក្សាជាមួយនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ។

សេតវិមាន បានស្នើផែនការ២០ចំណុច។ សំណើនេះរួមបញ្ចូលទាំងការគ្រប់គ្រងបណ្ដោះអាសន្ននៃអាជ្ញាធរពីខាងក្រៅ លើតំបន់់ហ្គាហ្សា និងការដាក់ពង្រាយកម្លាំងរក្សាស្ថិរភាពអន្តរជាតិ។ អ៊ីស្រាអែលបានសម្តែងការគាំទ្ររបស់ខ្លួនចំពោះផែនការនេះ ក្រោយរងសម្ពាធជាយ៉ាងខ្លាំងពីសហគមន៍អន្តរជាតិ។

នៅព្រឹកថ្ងៃសុក្រ ប្រធានាធិបតី ត្រាំ បានព្រមានក្រុមហាម៉ាសថា ជា «នរក ដូចគ្មាននរណាម្នាក់ធ្លាប់បានឃើញពីមុនមក» ប្រសិនបើក្រុមនេះមិនទទួលយកផែនការរបស់លោក ត្រឹមម៉ោង៦ល្ងាច (ម៉ោង១០យប់ម៉ោងសកល (GMT) នៅថ្ងៃអាទិត្យ (ត្រូវម៉ោង៥ព្រឹកថ្ងៃចន្ទម៉ោងនៅកម្ពុជា)៕

រ៉ាន់ រើយ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា