Connect with us

សុខភាព

ប្រភេទវីរុសកូវីដបំប្លែងថ្មី និងឥទ្ធិពលលើសុខភាព យើងគួរដឹង

បានផុស

នៅ

វីរុស​កូវីដ-១៩ កំពុង​តែ​វាយលុក​យ៉ាង​ខ្លាំង​នៅ​ក្នុង​ប្រទេស​កម្ពុជា​យើង បណ្ដាល​ឲ្យ​ប្រជាជន​ជាច្រើន​នាក់​បាន​ឆ្លង​ជំងឺ​នេះ ហើយ​ក៏​បាន​ឆក់​យក​ជីវិត​ប្រជាជន​ខ្មែរ​ច្រើនដែរ។ វីរុស​កូវីដ-១៩​ ធម្មតា​សាហាវ​ខ្លាំង​បែប​នេះ​ទៅ​ហើយ តែ​តាម​ការ​ឲ្យ​ដឹង​ពី​ក្រសួងសុខាភិបាល នៅ​មាន​វីរុស​កូវីដ-១៩ ​បំប្លែង​ថ្មី ដែល​កាន់តែ​គ្រោះ​ថ្នាក់​ជាង​វីរុស​កូវីដ-១៩​ ទៅ​ទៀត។

COVID-19: the latest research & publishing opportunities | Emerald  Publishing
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការលើកឡើងរបស់លោកជំទាវ ឱ វណ្ណឌីន នាពេលកន្លងមក វីរុសកូវីដ ១៩ បំប្លែងថ្មីនេះ អាច​ចម្លង​មនុស្ស​ដល់​ទៅ ៦-៧នាក់ ក្នុង​ពេល​តែ​មួយ។ “ជា​មធ្យម​ការ​ចម្លង​ដែល​គេ​រក​ឃើញ​ដល់​ទៅ ៧​នាក់​ក្នុង​ពេល​តែ​មួយ បើ​យើង​ប្រៀប​ធៀប​ក្នុង​ការ​ចម្លង​ពី​ពេល​មុន វីរុស​ពី​មុន ​ដែល​មិន​មែន​ជា​វីរុស​បម្លែង​ថ្មី​នេះ មាន​ប្រហែល​ជា ៣នាក់ ៤នាក់​ប៉ុណ្ណឹង​ឯង អ៊ីចឹង​លឿន​ណាស់​សឹង​តែ​២ដង”។

អ្វី​ទៅ​ជា​វីរុស​កូវីដ-១៩​បំប្លែង​ថ្មី?

WHO says no need for major alarm over new coronavirus strain | The Japan  Times

វីរុស​អាច​ផ្លាស់​ប្ដូរ​ឥត​ឈប់​ឈរ​តាម​រយៈ​ការ​បំប្លែង​ខ្លួន ហើយ​វីរុស​កូវីដ-១៩ ក៏​ត្រូវ​បាន​រក​ឃើញ​មាន​ការ​បំប្លែង​ខ្លួន​ច្រើន​ប្រភេទ​ដែរ នៅ​តាម​ប្រទេស​មួយ​ចំនួន​បង្ក​ជា​ភាព​ចលាចល​ដូច​ជា៖

– វីរុស​កូវីដ-១៩​បំប្លែង​ថ្មី B.1.1.7 (ប្រទេស​អង់គ្លេស)៖ វីរុស​បំប្លែង​ប្រភេទ​នេះ ងាយ​ឆ្លង​កាន់​តែ​លឿន និង​មាន​ភាគ​រយ​ខ្ពស់​ក្នុង​ការ​ស្លាប់ បើ​ឆ្លង​វា។
-វីរុស​កូវីដ-១៩​បំប្លែង​ថ្មី B.1.351 (ប្រទេស អាហ្វ្រិកខាង​ត្បូង)៖ វីរុស​នេះ ងាយ​ស្រួល​ក្នុង​ការ​ចម្លង​ដូច​គ្នា ហើយ​វា​ក៏​មាន​ឥទ្ធិពល​កាត់​បន្ថយ​ប្រសិទ្ធភាព​ថ្នាំ​ប្រឆាំង​ជំងឺ​កូវីដ-១៩ និង​ប៉ះពាល់​ដល់​ប្រព័ន្ធ​ការពារ​រាងកាយ​ក្នុង​ខ្លួន​យើង​ដូច​គ្នា។
-វីរុស​កូវីដ-១៩​បំប្លែង​ថ្មី P.1 (ប្រទេស​ជប៉ុន/ប្រេស៊ីល)៖ វីរុស​បំប្លែង​ថ្មី​នេះ ក៏​ប៉ះពាល់​ដល់​ប្រព័ន្ធ​ការពារ​រាងកាយ និង​កាត់បន្ថយ​ប្រសិទ្ធភាព​ថ្នាំ​ដូច​គ្នា។
-វីរុស​កូវីដ-១៩​បំប្លែង​ថ្មី B.1.427 និងB.1.429 (សហរដ្ឋ​អាមេរិក)៖ ដូច​នឹង​វីរុស​ខាង​លើៗ​ដែរ វីរុស​បំប្លែង​ថ្មី​នេះ ងាយ​ឆ្លង​ពី​ម្នាក់​ទៅ​ម្នាក់​លឿន ហើយ​មាន​ឥទ្ធិពល​ទៅ​លើ​ថ្នាំ​ប្រឆាំង និង​ប្រព័ន្ធ​ការពារ​រាងកាយ​របស់​អ្នក​ជំងឺ។

What we know about the new coronavirus strain | Financial Times

អង្គការ​សុខភាពពិភពលោក បញ្ជាក់ថា វ៉ាក់សាំងប្រឆាំងកូវីដ-១៩ ត្បិតតែផលិតឡើងសម្រាប់ជំងឺ កូវីដ-១៩ ធម្មតា តែអ្នកវិទ្យាសាស្ត្រជឿជាក់ថា យ៉ាងហោចណាស់វ៉ាក់សាំងកូវីដ-១៩ អាចមានប្រសិទ្ធភាពបន្តិចបន្ដួចការពារសុខភាពយើងពីវីរុសកូវីដ-១៩ បំប្លែងថ្មី។

ដើម្បី​ទប់ស្កាត់​ការ​បំប្លែង​ខ្លួន​ថ្មី​របស់​វីរុស​កូវីដ-១៩ អង្គការ​សុខភាព​ពិភព​លោក បាន​ឲ្យ​ដឹង យើង​ទាំង​អស់​ត្រូវ​បន្ត​វិធាន​ការ​ការពារ​ខ្លួន​ពី​ជំងឺ​នេះ​ដោយ​ការ​លាង​ដៃ រក្សា​គម្លាត និង​ការ​ពាក់​ម៉ាស់​ឲ្យ​បាន​ខ្ជាប់​ខ្ជួន​តាម​ដែល​អាច​ធ្វើ​ទៅ​បាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វីរុសបំប្លែងខ្លួន ៤,០០០ប្រភេទ កំពុងអុកឡុក ពិភពលោក

ចុចអាន៖ វ៉ាក់សាំងកូវីដ-១៩សព្វថ្ងៃមានប្រសិទ្ធភាពចំពោះវីរុសបំប្លែងថ្មីឬទេ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៥ នាទី មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម